Todos os podcast | Pensando en ti

Esta noite acompáñanos a cantante de Santa Cruz de Ribadulla Marietta. Con ela e cos oíntes falamos de depresión, da procura do éxito e de que como o amor pode chegar en calquera momento.

Abrimos o apetito con lembranzas relacionadas cos fogóns. Os oíntes cóntannos cales son as súas habilidades culinarias, que recordos da infancia lles evoca un prato concreto ou o desastre no que se convetiu algunha experiencia cociñando.

Todos temos algo sen o que non podemos pasar sen sentirnos incómodos: pequenos vicios, teimas, hábitos absurdos... Diso falamos cos oíntes. Tamén lles preguntamos como dormen. Espidos? Tapados ata as cellas? Encollidos? Atravesados na cama?

Os siareiros do Celta aínda están celebrando o éxito de que o seu equipo se clasificara para competiciòns europeas. Unímonos á festa e convidamos aos celtistas a que compartan connosco a súa felicidade. Ademais recollemos experiencias de peregrinos que fixeron o camiño de Santiago e expectativas dos que se propoñen facelo.

Falamos das mentiras; das grandes, das pequenas, das piadosas, das imperdonables, das que contamos para quedar ben... Confesamos mentiras.

Segundo o Instituto Galego de Estatística en Galicia hai arredor de 1.200.000 porcos, 25 por cento na comarca do Deza. As persoas que os crían ou algunha vez os criaron cóntannos historias de cochos. Ademais poñemos a proba aos oíntes facéndolles preguntas que habitualmente aparecen nos exames de conducir da DGT. Saberanas responder?

Maio é tempada de comuñóns. No programa queremos saber como se celebran agora e como se festexaban antes. Son eventos multitudinarios? Prepáranse grandes enchentes? Gástanse moitos cartos? ou son máis ben xuntanzas familiares cunha celebración modesta? Ademais buscamos oíntes que teñan colmeas e nos conten como recollen o mel e se a presenza da velutina les causou moitos estragos.

Abraiados pola noticia da morte de 27 vacas en Rodeiro fulminadas por un lóstrego, propoñemos falar das treboadas. Queremos coñecer as experiencias dos oíntes con este e outros fenómenos meteorolóxicos. Viviron algunha treboada especialmente destructiva? Tiveron medo? Que fan cado soan os tronos? Causáronlles perdas os ballóns de auga ou perderon animais por culpa dos lóstregos?

O verán está á volta da esquina e con el chegan festas e romarías. Neste programa falamos deses encontros festivos aos que non queremos faltar, os que son cita ineludible cada ano e que marcaron dalgunha maneira a nosa vida.

Isi cóntanos a amizado que fixo na súa última viaxe en avión. Iso danos pé a explorar cos oíntes os lugares máis estranos onde coñeceron a persoas importantes da súa vida. Sería nun ascensor, nun velorio, nunha parado de autobús?

No Día Internacional da Familia falamos das dos nosos oíntes. Eles cóntannos historias dos seus parentes que nunca esqueceran; como son as reunións familiares; cales son os hábitos que conservan xeración tras xeración; que obxectos pasan de pais a fillos e a netos; a quen botan máis en falta da súa familia...

Nas cinco horas de programa hai tempo para falar de moitas cousas: dos fracasos e decepcións da vida e de como se superan; do uso que facemos das redes sociais, de se as empregamos con medo ou non podemos prescindir delas. E tamén escoitamos cantigas, regueifas e outras mostras da nosa rica tradición oral.

Martes 13, día negro para os supersticiosos. Ademais hai lúa chea, circunstancia que disque provoca ansiedade e agudiza as emocións entre as persoas sensibles. Inmos saber que opinan os oíntes; se cren nos malos agoiros, se practican ritos para eludir a mala sorte; se portan amuletos... E Pepe Capelán traenos un conto na Semana das Letras para reivindicar o papel das mulleres.

Seguro que os nosos oíntes teñen motivos para sentírense orgullosos. Imos saber de que e por que senten orgullo. Ademais preguntamos cal é ese prato de comida que non cansan de repetir, o que lles produce máis satisfacción.

Hai galegos que teñen un nome noutro idioma. Algúns chámanse como artistas de sona. Outros herdaron o nome dos ancestros. Neste programa cóntannos por que os seus pais escolleron ese nome para eles. Ademáis Isi desvela algúns segredos e a audiencia dinos se é dos que os gardan ou dos que non tardan en difundilos.

O músico, modelo e presentador de televisión David Vilares acompáñanos para falar de noites especiais; noites románticas, de troula, de medo, durmindo fóra da casa...

Falamos de decisións difíciles; desas que provocan cambios na vida; desas ás que non lle deixamos de dar voltas antes de adoptalas; desas que requiren valentía... Ademais buscamos anécdotas relativas ao uso dos navegadores nos coches. Estiveron os nosos oíntes algunha vez en apuros por seguir cegamente as súas indicacións?

Moitas persoas vense obrigadas a vivir soas sen querelo. Escoitámolas para saber que ñe o que máis botan en falta e como loitan contra esa soidade. Pepe Capelán traenos contons de pillabáns e iso lévanos a preguntarlle á audiencia polas falcatruadas que algunha vez fixeron ou das que foron vítimas.

Seguimos homenaxeando ás nais. Neste programa recollemos esas frases típicas de nai, as que lles escoitamos dicir milleiros de veces. Os oíntes cóntanos como celebraron o Día da Nai e as que tiveron fillos lembran como foi o seu parto.