Todos os podcast | En xogo motor

Mónica Maneiro comenta a mostra colectiva 'Afectos dixitais', que revisa como a tecnoloxía está mudando o xeito de relacionarnos. A mostra forma parte da iniciativa Faísca cultural da Universidade de Santiago e pode visitarse no Salón Artesoado do Colexio de Fonseca ata o 28 de febreiro.

As pinturas dos Lugrís abren o programa expositivo da galería de arte Lar

Carlos Crespo tráenos ao muradán Martín Louro, que acaba de sacar o seu primeiro disco’Nove noves’, co nome artístico de 9Louro

Pablo Sánchez Quinteiro avánzanos o próximo concerto da RFG, con obras de Beethoven ou Marianne von Martinez e dirixido por Nil Venditti. Tamén marcamos no calendario os concertos de Nadal da Orquestra Sinfónica de Galicia e o obradoiro de dirección orquestral da Real Filharmonía.

Repasamos a última hora do mundo do motor, escoitando as voces dos pilotos e copilotos galegos

Afonso Becerra debulla o número último de Erregueté, a revista das artes escénicas en Galicia @erreguete.gal

 O bravú festexa o seu 30 aniversario ás 21:00 horas no Culturgal, cun documental e o concerto da Banda Xangai e as pontevedresas Rager. Xurxo Souto, líder dos Diplomáticos de Monte Alto e referente indiscutible deste movemento, protagoniza o filme producido por Nós Televisión.

Anxo Suances conversa co director de Culturgal, Camilo Franco, e outros convidados que fan parte desta edición da Feira das Industrias Culturais de Galicia

Dende Culturgal, Eva mejuto recoméndanos hoxe dous achegamentos ao continente africano e os seus habitantes: -Cartas na escuridade, de Lois Pérez -Teranga, de Beatriz Maceda

“Por dereito o novo circo debe estar ao nivel de consideración doutras artes”. Belén Brandido é unha das organizadoras de D10! O Encontro de Formación e Innovación en Circo celebra nova edición que estende por vez primeira a Culturgal

Esta tarde proxéctase no Museo do Pobo Galego unha creación audiovisual da produtora Illa Bufarda sobre o proxecto de investigación do arqueobotánico ribeirense Andrés Teira Brión para a Universidade de Oxford. O documental indaga nos usos e métodos de cultivo do millo miúdo, un cereal case extinto na Península Ibérica tras diversos procesos de globalización. O filme foi gravado en diferentes loca...

Moncho Lemos comenta dúas estreas para a fin de semana: Vaiana 2 e Pídeme lo que quieras

O grupo Chévere leva a Culturgal unha Ultranoite que revisará coa súa irreverencia habitual o estado da cultura galega e algúns dos seus lugares comúns.  A 'Ultranoite Cultureta' desenvolverase no Pazo da Cultura de Pontevedra o sábado 30 de novembro. Ademais Chévere fará cinco Ultranoites na sala Capitol de Santiago durante o Nadal.

Novidades, concertos e unha panxoliña Tito Lesende pica unha das cancións do primeiro disco de Belem Tajes, 'Amar o mar' e a colaboración de Tanxugueiras con Shinova. No menú de concertos, Noite Atari e Iván Ferreiro, que acaba de estrear panxoliña con Guadi Galego. 

“Eu a miraba como nai pero era incapaz de mirar o lado luminoso que tiña”. Zeltia Outeiriño presenta Filmei paxaros voando, un documental sobre o desarraigo, os coidados e a liberdade.

A mostra retrospectiva 'Dessassosegos 1970-2024' permite percorrer a traxectoria artística de Manuel Patinha, artista portugués afincado en Ferrolterra desde hai varias décadas. A escultura é a disciplina que deu máis sona a Patinha, que realizou moitas pezas para espazos públicos, pero a exposición recolle tamén o seu traballo nos ámbitos do gravado, a fotografía e á pintura, á que pert...

Manel Cráneo recoméndanos museos de cómic en Bruxelas, California ou Sabadell e explica as funcións destes centros dedicados á conservación e á difusión do cómic. 

'O noso tempo' é o primeiro disco longo de Hugo Guezeta, o que fora un dos integrantes do grupo Sondarúa. Un traballo que enceta unha nova xeira na traxectoria do rapeiro de Ponteareas, que explora novos ritmos e temáticas coa produción de Peter Petrowski. 'O noso tempo' preséntase en directo o día 14 de decembro na sala Rebullón de Mos, o día 19 na Mardi Gras da Coruña e o 21...

A deseñadora María Barros é unha das participantes na última edición das residencias artísticas do Gaiás. O seu proxecto Téxtil suspendido explora formas escultóricas realizadas en seda e algodón con técnicas de alta costura.

Patty Castro fálanos hoxe de Balmog e Xerión, dúas bandas do país que practican black metal, un xénero de atmosfera escura que ás veces evoca elementos transcendentes ou filosóficos.

A partir do luns imos emitir as obras gañadoras da cuarta edición do concurso de teatro radiofónico 'Escoitamos teatro’, que convoca a Fundación SGAE coa colaboración da Radio Galega.  Trátase de ‘Petricor’, de Lidia Fraga; ‘Con propósito de emenda’, de Marta Lado; e ‘Céspede artificial’, de AveLina Pérez. Destas pezas falamos co coordinador do certame, Santiago Cortegoso

Dende Taiwán, onde reside, falamos co compositor rianxeiro Antón Alcalde, gañador da 35ª edición do Premio Jóvenes Compositores por 'Anatomías del abismo.' O certame está organizado pola Fundación SGAE  e o Centro Nacional de Difusión Musical.

Afonso Becerra comenta ‘Terceiro acto’, do CDG. Actrices e actores veteranos xúntanse clandestinamente nun teatro pechado para emprender a súa última aventura xuntos e reflexionaren sobre o terceiro acto das súas vidas.

A compañía Ártika Cía estrea 'Non pasarán', unha resposta teatral ao crecemento dos autoritarismos e de movementos antidemocráticos. Tito Asorey é o director da montaxe, na que comparte a dramaturxia con Vanesa Sotelo. O elenco está formado por  Fernanda Barrio, Marcos Alonso, Martín Maez e Rocío Salgado.

Eva Mejuto proponnos a lectura do álbum O triángulo vermello, de Carme Vidal, Pablo Iglesias Núñez e Belén Diz. Unha biografía da militante antifascista Belén Núñez dirixida á rapazada. Abrimos tamén as páxinas de Cantareiras, unha das primeiras publicacións das Letras de 2025 dirixidas ao lectorado máis novo.