Todos os podcast | En xogo motor

O Campionato Galego de Ralis abriu o pano coa desputa da vixésimo novena edición do Rali do Cocido. Lalín sufriu un día de cans, con choiva e vento que non impediu que se cumprisen os prognósticos: vitoria de Senra, segundo posto de Meira e Berdomás, con nova montura, pechou o podio. Tódolos protagonistas na sección motor deste sábado do Galicia en Xogo

A bailarina ourensá Nuria Sotelo fálanos do seu espectáculo "Extravío ou a arte de perderse", un só de danza dirixido por Ana Vallés

Afonso Becerra comenta "Influencers", unha comedia da compañía Negro López que ofrece unha ollada divertida e reflexiva sobre a cultura que rodea a creación de contidos nas redes sociais

“É unha reivindicación necesaria”. ‘Galegas na música’, de Isabel Blanco con ilustracións de María Lapido. O libro é unha escolma de biografías de galegas dedicadas á música, dende a primeira xograresa ata ascontemporáneas. Asemade é unha reivindicación da música tradicional do noso país, que, representada de xeito especial polas cantareiras e pandeireteiras, está presente en todas elas.

Eva Mejuto recomenda lecturas para o 8-M: ‘A fotografía 51’, de María Canosa (Baia Edicións). Vida, dilemas e reflexións en primeira persoa da científicaRosalind Franklin ‘Eu tamén necesito amar’(O Faiado da memoria) Libro e documental de memoria oral sobre a muller na ditadura a partir de historias persoais. ‘Mulleres imprescindibles. Educadoras na vangarda do século XX’ (Kalandraka). O legado de...

“No comezo o porvir era moi negro” Conversamos con Xosé Manuel Soutullo, director da Editorial Galaxia, co gallo dos primeiros 75 anos da empresa. Ao longo deste 2025 a editora pon en marcha a exposición itinerante «Crear porvir. 75 aniversario de Editorial Galaxia», que percorre a súa historia dende os inicios, en 1950, ata os nosos días. No Auditorio da Sede Afundación de Santiago de Compostela

Moncho Lemos comenta dúas estreas: * ‘Lee Miller’ o biopic dunha das primeiras fotógrafas de guerra, de Ellen Kuras * ‘Mickey 17’escrita e dirixida por  Bong Joon-ho .Comedia de ciencia ficción.

Aaron Valle preséntanos 'Escándalo no escuro', o segundo LP de Amoebo, que inclúe cancións hedonistas e bailables e tamén pezas con solos de guitarras e temáticas máis reflexivas. O disco preséntase en directo na sala Garufa da Coruña con convidados como hydn, Filloas, French Riviera e integrantes de Leria e de Capital Voskov. 

No día da publicación de 'III', Tito Lesende guíanos polo terceiro álbum de Grande Amore. Ademais, escoitamos 'Añobres', a nova canción de Alana e a nova versión de 'Un tute á morte' de Víctor Aneiros, que anuncia xira para maio en conmoración de 25 anos de carreira musical.

“Levamos media ducia de artistas de Galicia” .Arranca en Madrid a Feira Internacional de Arte Contemporánea. Conversamos con Chus Villar, directora da galería Nordés, a única galega con stand propio en ARCO. Tamén con Nuria Blanco, de Moret Art, que acode a Art Madrid. “ Esta feira está orientada aos clientes particulares”

Raquel C. Pico fálanos hoxe das primeiras películas galegas de ficción, comezando por Miss Ledya, do ano 1916 e rodada en Pontevedra.

"Deberían reeditarse os discos de Bibiano" Carlos Rego publica unha biografía do cantautor e promotor 'Bibiano. Cambiar para ser un mesmo' rescata a faceta musical de Bibiano Morón, máis coñecido nas últimas décadas pola súa faceta de promotor de concertos. Carlos Rego repasa a traxectoria musical do mozo compostelán que tocaba en grupos 'yeyé' e que despois foi membr...

Repasamos a traxectoria na BD do autor Jaime Asensi, finado no mes de febreiro. O arousán realizou adaptacións ao cómic de obras como Picnic, de Fernando Arrabal, ou o Ubú Rei de Alfred Jarry. Recordámolo con Manel Cráneo e compañeiros como Xan López Domínguez, Javi Montes ou Santy Gutiérrez. 

“Creo que mesturar improvisación e videoxogos nunca antes se fixo. Cada función é diferente” ‘Corentena. Game over’, de David Perdomo e Xosé A. Touriñán, un show que combina teatro e videoxogo, un espectáculo interactivo que arranca xira o día 7 en Pontevedra.

Dolores Vilavedra comenta ‘Son coma glaciares os barcos de aceiro’, de Cynthia Menéndez. Unha novela que retrata o Vigo industrial e combatente a través das lembranzas dun neno que medra entre as manifestacións, as folgas e a loita sindical de finais dos anos noventa.

A compañía Excéntricas leva a escena 'As desterradas', a peza coa que Carme Varela gañou o premio Álvaro Cunqueiro para textos teatrais. O texto conta a resistencia das monxas bieitas do mosteiro de San Salvador de Albeos, cando a coroa de Castela e a xerarquía eclesiástica pretenden desposuílas dos seus bens e expulsalas a Compostela.  Quico Cadaval dirixe a montaxe, que conta cun elenc...

ARCO comeza a súa 44ª edición con Nordés como única galería galega presente no programa xeral.  Repasamos con Mónica Maneiro o programa da feira pero tamén a presenza galega noutros eventos artísticos que se desenvolven esta semana en Madrid, como Art Madrid, Urbanity, Hybrid ou a exposición do artista pontevedrés Carlos Rodríguez Méndez que acaba de inaugurar o Centro de Arte Dos de Mayo de Mósto...

"Fan falta políticas públicas a prol do libro en galego. A Xunta ten que facer máis" Menos do 4% das persoas lectoras fano en galego . Un dato alarmante que se tira da última enquisa sobre hábitos de lectura. Analizámola co autor e editor Manuel Bragado, Miguel Toval, (presidente da Asociación de Editoras) e Cielo Fernández (presidenta da Federación de Libreiros)

Carlos Crespo tráenos aos lugueses Verter GZ. Miguel e Fiz definen o seu traballo coma unha mistura de diferentes xéneros con música electrónica e letras de humor

Susana Rodríguez Barcia e Bosco García de Gárate son os autores de 'Cantos do mar', un libro que compila, traduce ao galego e contextualiza 60 cantigas mariñeiras de diferentes países atlánticos. A maioría son cantos de traballo e servían para optimizar o labor a bordo, pero neles tamén se fala de praceres, saudade e dereitos laborais. Un código QR permite acceder a unha lista de versión...

Death metal desde Santiago e Lugo Patty Castro pica música dos composteláns Absorbed, activos nos primeiros anos noventa. Tamén coñecemos os lugueses Barbarian Prophecies, que ademais de facer música colaboran en diferentes iniciativas para fortalecer a escena underground galega. 

Na sección de motor do Galicia en Xogo reviviron o "Trata de arrancalo" deste mes, no que fan unha previa dos comezos dos diferentes campionatos, tanto o galego como o supercampionato estatal. Para isto contan no programa co copiloto David Vázquez e a piloto María Abalde.

“A mostra articúlase en torno ao legado das nais”. O Museo de Arte Contemporánea de Vigo acolle a exposición ‘A pegada das nais de Érguete, un berro que cambiou a sociedade’. Comisariada por Violeta Janeiro e Mariña Carrasco, reúne materiais gráficos, obxectos e documentación procedentes do arquivo e a hemeroteca da asociación das nais contra a droga, cadrando co seu 40 aniversario  Complétase coa...

Afonso Becerra comenta ‘Transeúnte’, de Daniel Rodríguez en colaboración co Centro Coreográfico Galego. Danza contemporánea que celebra a diversidade cultural, honra o pasado e abraza o futuro.

As viaxes no tempo volven ser protagonistas na segunda longametraxe de Olga Osorio. 'El secreto del orfebre' é unha historia de amor a destempo en tres períodos do século XX, con Mario Casas e Michele Jenner nos personaxes principais. Unha homenaxe ao cine que fai soñar que transita en paralelo á deconstrución da idea de amor romántico.