Todos os podcast | En xogo motor

Todo sobre o triunfo histórico do Celta na súa visita a Lyon, coa análise de Paco Jémez, , con Nico Rosas, o defensor arxentino do Silva, e roi Tato, dianteiro galego do Estepona

Malores Villanueva comenta ‘Rastros’, de Carlos Lixó, na editorial Rodolfo e Priscila. O autor percorre milenios e xeografías para construír unha arqueoloxía imaxinaria do desexo.

“Xusto aí escribo, nesa brancura terrorífica”. Silvia Penas esculca a escritura poética no seu libro “A pel do exilio”. Unha obra publicada por Espiral Maior que recibiu o Premio de Poesía Concello de Carral. E despois a infancia de Begoña Caamaño no libro “A nena que perdeu o zapato na lama”.

“Eu quixera que a súa figura se lembre por sempre” ‘A nena que perdeu un zapato na lama’, de Ramón Nicolás, mestura biografía e un toque de ficción para lembrar a nena que foi Begoña Caamaño. Se a infancia é a patria, a súa está no barrio vigués do Calvario.

Carlos Crespo fálanos de Pastor Eléctrico, un grupo liderado por Diego Guerrero, a quen coñecemos polo seu percorrido por Galicia co programa Cos pés na terra, da TVG.

“Coralinda”é unha comedia xestual sobre a inmigración e o medo ao diferente. O novo traballo escénico de Elefante Elegante é unha coprodución coa compañía portuguesa Trigo Limpo Teatro Acert

Mónica maneiro comenta  a primeira exposición individual en Galicia, na galería luguesa Néboa, de Edu Gil Alsina, ‘El mico blau’. Ata o 24 de abril.

Pendentes do que pasa na Champions con Rubén López, do Pontevedra, Jairo Arias, míster do Montañeiros e Borja Rey, porteiro do Boiro. Pensades que haberá mundial en Vigo? Que seleccións preferides?

Son nove e non van ser dez. Antón Lopo despídese da dirección do Festival que creou hai nove anos . ‘Alguén que Respira!’ IX Festival de Poesía para Corpo Principal, convoca 40 poetas arredor da memoria.

Andrea Jamardo tráenos unha novela de misterio para a rapazada, ‘A avoa gánster ataca de novo!’, de David Walliams e traducida ao galego por Eva Almazán para Sushi Books. E, para os máis peques, un álbum ilustrado de Sabela Gil en OQO Editora. "A Xirafa Oriana".

Repasamos a xornada co ex do Dépor, Iván Pérez, tamén con Rubén Docabo, preparado para viaxar a Lión para ver ao Celta e con Denis López, do San Tirso

Na sección de Motor desta semana foi tempo de repasar as dúas últimas citas desputadas en Galicia, o Rally da Coruña, do European Rally Trophy, e a cita inaugural do Campionato Galego, o Cocido de Lalín.

Afonso Becerra comenta 'Memorias dun neno labrego’, de Neira Vilas, adaptada e dirixida por Candido Pazó para o Centro Dramático Galego e Contraproducións.

O Colexio de Fonseca acolle ata o 18 de abril a exposición “O ceo aos meus pés”, da artista arxentina Luciana Rago Ferrón.

Félix Fernández presenta en “Atención Plena” unha reflexión sobre a identidade e a propia existencia. A mostra articúlase a través do vídeo, a performance, a fotografía e o debuxo. E despois o Premio Fernando Rey de Rosa Moledo

Tito Lesende pica música do disco debut en solitario do vigués Guillerme Zapata: ‘Segredo’. Tamén do novo EP dos lugueses Arrythmia: ‘Cero’. E ademais repasa concertos de cara aos meses de verán, como Valeria Castro ou The Corrs

Malores Villanueva comenta ‘Mazarelos’, de Manuel Portas en Editorial Galaxia. O autor viaxa ás orixes do instituto Arcebispo Xelmírez e á organización do Banquete de Conxo no século XIX, xa que nel participaron algúns exalumnos do centro, como Aurelio Aguirre ou Eduardo Pondal.

A Mostra Internacional de Cinema Etnográfico comeza vixésimo primeira edición con nova dirección e un programa que intensifica a súa dimensión de laboratorio creativo. E ademais o novo filme de Xacio Baño “Despois das cidades”

Con Gabi Barroso, xogador galego nos Estados Unidos, Dani Galán, adestrador do Lugo B e Marcos "Cani", do Atios

Carlos Crespo fálanos de Lg1do (Saúl Rodríguez), un estudante de 2º de BAC de Santa Comba que mañá fará 18 anos e logrou meter o seu tema ‘Darche’, en colaboración co vigués Guzmen, entre os máis escoitados en Spotify España.

Preto de 40 títulos en Imaxinaria. O programa coa maior presenza internacional e tamén a maior presenza galega das catro edicións do Festival Internacional de Cinema de Animación na Coruña. E despois “A constelación de Saxitario” de Fernando Buide

Mónica Maneiro comenta a exposición de Lluís Hortalá no CGAC: ‘Ante a Lei’. A mostra, comisariada por Santiago Olmo, estará aberta ata o 31 de Maio.