Todos os podcast | A crónica deportiva

O Celta celebrará o entroido este sábado en Balaídos .O partido coa UD As Palmas, será o luns 31 de marzo ás 21:00h. No Rácing, Alejandro Menéndez ofrece argumentos para crer na recuperación na previa de recibir o Burgos. No Ensino Antonio Pernas fala do potencial interior do Guernika, que mañá visita o Pazo lugués

"Fan falta políticas públicas a prol do libro en galego. A Xunta ten que facer máis" Menos do 4% das persoas lectoras fano en galego . Un dato alarmante que se tira da última enquisa sobre hábitos de lectura. Analizámola co autor e editor Manuel Bragado, Miguel Toval, (presidente da Asociación de Editoras) e Cielo Fernández (presidenta da Federación de Libreiros)

Carlos Crespo tráenos aos lugueses Verter GZ. Miguel e Fiz definen o seu traballo coma unha mistura de diferentes xéneros con música electrónica e letras de humor

Susana Rodríguez Barcia e Bosco García de Gárate son os autores de 'Cantos do mar', un libro que compila, traduce ao galego e contextualiza 60 cantigas mariñeiras de diferentes países atlánticos. A maioría son cantos de traballo e servían para optimizar o labor a bordo, pero neles tamén se fala de praceres, saudade e dereitos laborais. Un código QR permite acceder a unha lista de versión...

Death metal desde Santiago e Lugo Patty Castro pica música dos composteláns Absorbed, activos nos primeiros anos noventa. Tamén coñecemos os lugueses Barbarian Prophecies, que ademais de facer música colaboran en diferentes iniciativas para fortalecer a escena underground galega. 

Vitoria de sona do Deportivo no Carlos Tartiere. O Rácing recibe este mércores ao Burgos na derradeira posibilidade de enganchar coa permanencia. Iago Iglesias, adestrador do Pontevedra , doente coa arbitraxe

“A mostra articúlase en torno ao legado das nais”. O Museo de Arte Contemporánea de Vigo acolle a exposición ‘A pegada das nais de Érguete, un berro que cambiou a sociedade’. Comisariada por Violeta Janeiro e Mariña Carrasco, reúne materiais gráficos, obxectos e documentación procedentes do arquivo e a hemeroteca da asociación das nais contra a droga, cadrando co seu 40 aniversario  Complétase coa...

Afonso Becerra comenta ‘Transeúnte’, de Daniel Rodríguez en colaboración co Centro Coreográfico Galego. Danza contemporánea que celebra a diversidade cultural, honra o pasado e abraza o futuro.

As viaxes no tempo volven ser protagonistas na segunda longametraxe de Olga Osorio. 'El secreto del orfebre' é unha historia de amor a destempo en tres períodos do século XX, con Mario Casas e Michele Jenner nos personaxes principais. Unha homenaxe ao cine que fai soñar que transita en paralelo á deconstrución da idea de amor romántico.

Eva Mejuto propón hoxe dúas lecturas de editoras galegas de LIX creadas por mulleres. Patas de Peixe, proxecto editorial creado pola tradutora Laura Sáez, publica Cono can e Gato cono, dous  álbums ilustrados das canadenses Sarah Howden e Carmen Mok. O título máis recente de Verme Editora, iniciativa de autoedición de Baia Fernández, é Caracol cara de col, que tamén incorpora un audiolibro. 

Última hora do Girona – Celta e do Huesca – Rácing. No Deportivo, Óscar Gilsanz ve competitivo o equipo de cara a Oviedo. Luisito quere a mellor versión de Manu Barreiro no Compos. No Breogán, Luís Casimiro encantado de ter a tódolos xogadores dispoñibles para o Palau.

“É unha montaxe interactiva na que o público determina cal será o final da protagonista”. Medea–Mamá–Monstro chega ao ciclo Clásicas desfeitas na Cidade da Cultura. Nunha experiencia escénica que mestura o falso documental co freak show, Laura Porto e Helena Varela reúnen as pezas sobre Medea que deixaron Eurípides, a poeta Chantal Maillard e a novela de Christa Wolf para tratar de dilucidar quen...

Moncho Lemos comenta dúas estreas : * ‘A Complete Unknown’, de James Mangold, retrata os primeiros anos de Bob Dylan na música. *‘El secreto del orfebre’, de Olga Osorio, adaptación da novela homónima de Elia Barceló. Drama romántico.

Talía Teatro estrea unha das obras máis exitosas da dramaturga francesa Yasmina Reza. 'Un deus salvaxe' disecciona os valores e contradicións da sociedade contemporánea a través de dúas parellas reunidas despois dunha pelexa dos seus fillos na escola. Cee acolle o 28 de febreiro a estrea da montaxe, que percorrerá no mes de marzo teatros de Bertamiráns, Carballo, Vimianzo, A Coruña, Sant...

Escoitamos o segundo single do proxecto de Aida Tarrío e Raül Refree, Gala i Ovidio e a última canción de Boyanka Kostova. Avanzamos tamén concertos de Hugo Guezeta.

Balaídos acollerá a selección española de fútbol feminino o 8 de Abril. Liga das nacións con Portugal. Alejandro Menéndez na previa do Huesca - Racing, con Raúl Villares. O malagueño Álex Ortiz regeresa ao Lugo B Polvorín. Thomas Heurtel no Basquet Coruña e Jordan Sako no Breogán, destacados do mes de febreiro.

“Exploramos os límites actorais e narrativos” Ánxeles Cuña, directora de “O dragón de ouro” (Sarabela Teatro), favorita para a edición deste ano dos Premios María Casares, con 14 nominacións. E con 12, ‘Iribarne’ (Butacazero), de Esther Carrodeguas “Estamos moi contentos, está a ter moi boa acollida”.

Raquel C. Pico pescuda nas orixes das filloas. Sabiades que hai séculos foron moeda de cambio? E que ata chegou aos tribunais un intento de asasinato con filloas envelenadas?

Nuria Vil preséntanos 'Delincuente', unha curtametraxe de ficción a partir dun poema inspirado por Xela Arias e por 'La Maradona', a líder dunha banda xuvenil no Vigo dos oitenta. 'Delincuente', dirixida por Alba Domínguez, proxéctase o 26 de febreiro nos Multicines Norte de Vigo e o 29 de marzo na Coruña, na Filmoteca de Galicia. 

Neves Rodríguez é comunicadora, actriz, autora do poemario 'Cuspindo miserias' e unha gran lectora de BD. Manel Cráneo convídaa a contarnos como empezou a ler cómics, a facer recomendacións e a explicar a súa experiencia no podcast sobre BD 'Metrópoles delirantes'.

O Celta multado pola caída de obxectos na portería do Osasuna. O defensa central Pablo Vázquez repasa a actualidade do Deportivo. Luisito, novo adestrador da SD Compostela: "Xa podo morrer feliz, cumpro co soño da miña vida". Renovará se acada o obxectivo da permanencia. O Obradoiro presenta ó base Lucas Faggiano. Con Paco Santos.

“É unha viaxe pola música pop” Montedapena, o proxecto en solitario do moañés Héctor Rodríguez (Lontreira). Debuta cun disco homónimo (Ernie Records) que promete non deixar indiferente a ninguén, con letras en galego, catalán e inglés...para bailar e pensar

Dolores Vilavedra comenta ‘Domingo e outras historias’, de Irène Némirovsky, quince relatos publicados entre 1934 e 1940 en revistas e anos despois reunidos nun libro que agora nos chega traducido ao galego por Rocío Viéitez nunha edición de Laiovento.

Feira' é o segundo disco de De Ninghures e representa unha evolución moi significativa no son do grupo, baixo a produción de Juan de Dios.  O novo traballo preséntase ao vivo na sala Capitol de Santiago o xoves 13 de marzo, con convidados do ámbito tradi e das músicas urbanas. 

A artista coruñesa expón as súas pinturas sobre Santiago na galería Dupla Monica Maneiro comenta a mostra 'Lo que cabe en una almendra', na que a artista coruñesa Lara Pintos ofrece unha mirada poética e íntima sobre Santiago.  Pinturas que retratan rúas icónicas de Compostela fuxindo do monumental e tamén espazos interiores que reflicten a atmosfera da cidade.