Todos os podcast | A crónica deportiva

O Obradoiro disputa en Turquía o primeiro partido de competición continental da súa historia, a previa da Liga de Campións. No fútbol, o Racing venceu o Zaragoza, 1-0, líder da Segunda, e no Deportivo marcha David Vilasuso. E o lucense Roberto López envíanos un saúdo dende o Himalaia despois de facer cumio no Manaslu, 8.163 metros.

Espazo tamén para a ciencia con Estíbaliz Espinosa, que vai aclararnos cales son as diferencias entre o equilux e o equinocio.

A arquitecta María Novas foi premiada na Bienal Española de Arquitectura e Urbanismo pola súa obra "Arquitectura e xénero". Con ela charlamos sobre as claves deste libro e do seu recoñecemento.

Emilio Españadero pon o punto musical a este programa con Yoko Takano, que dende Xapón crea... música tradicional galega!

No apartado literario, Eva Mejuto tráenos un libro ilustrado feito en Galicia sobre as "Estrelas galegas da ciencia".

Afonso Becerra elixou traernos un pouco de ópera: a 'Aida' de Giuseppe Verdi que levan ós escenarios os Amigos da Ópera da Coruña na súa nova tempada.

'O soño da Sultana' estrea o domingo en San Sebastian. Producida por Abano Films, de Chelo Loureiro, falamos con ela das súas claves.

Comezamos en directo en Pontevedra para pulsar o ambiente a poucos minutos do inicio das finais das Series Mundiais de tríatlon. No fútbol, a selección feminina xoga o seu primeiro partido tralo Mundial e o caso Rubiales e escoitamos as previas dos encontros do Celta en Primeira e do Deportivo en 1ª RFEF. E no balonmán o Porriño e o Guardés xogan pola tarde na casa.

Máis de 200 profesionais da industria musical galega e portuguesa asisten ao Encontro de Músicas do Miño MUMI na súa cuarta edición. Sobre el charlamos con Ánxela Vila, unha das organizadoras.

Sarabela Teatro estrea en Ourense "Made In Galiza", adaptación teatral dun relato do libro homónimo de Séchu Sende. Charlamos dela coa súa directora, Fina Calleja.

A nota musical vén da man de Tito Lesende, co que falamos do álbum debut de Mondra: "Ardén".

A selección feminina de fútbol marcha a xogar a Suecia para o primeiro partido tralo Mundial e en Ferrol o Racing completa todos os abonados posibles. No baloncesto, comenzan as ligas de división de honra. E a previa das Series Mundiais de tríatlon de Pontevedra con Susana R. Gacio e Antonio Serrat.

O devalo no uso no galego protagoniza o oitavo congreso de AGANTRO, a Asociación galega de antropoloxía. Iria Vázquez Silva e Gabino Vázquez Grandío, vicepresidenta e vogal da asociación, comparten as perspectivas e ferramentas que a antropoloxía pode achegar no diagnóstico da situación lingüística e nas estratexias de dinamización lingüística.

A transformación da paisaxe que supoñen as explotacións mineiras e a reflexión sobre a produción de imaxes están no cerne do traballo do artista Antonio Guerra. Mónica Maneiro comenta a súa exposición 'Doble tiempo', que pode visitarse na galería Marisa Marimón de Ourense ata o 14 de febreiro.

Escoitamos con Patty Castro dúas bandas galegas de metal que se inspiran na tradición galega na súa música: os morracenses Astarot e Mileth, afincados en Vigo.

Manel Cráneo convida ao programa a Luís Sendón, codirector do fanzine coruñés Altar Mutante, que fai 10 anos neste 2024. Unha década difundindo o traballo de autores de xéneros como a ciencia ficción e o terror, na que a revista foi candidata a premios como o do Salón do Cómic de Barcelona.

Visitamos os ensaios do certame Compostela Lírica, que reúne cantantes menores de 35 anos chegados de todo o mundo. Escoitamos a Inés López e Júlia Arquillo, dúas das participantes., e a Jesús Couceiro, presidente de Amigos da Ópera de Santiago, a entidade que promove o concurso.

Neste capítulo volvemos aos Xogos de 2020 para fixarnos nunha das mellores finais de 800 metros feminino de todos os tempos. Repasamos con foi a vitoria abraiante da estadounidense Athing Mu nunha proba sobrada de xuventude e talento.