Todos os podcast | A crónica deportiva

O Celta, o Racing de Ferrol, o CD Lugo, o Deportivo e o Arenteiro pasan a primeira rolda da Copa de fútbol, caeron o Compostela e o modesto Boiro, 0-4 co Mallorca. Pola tarde é outro 'Primeira', o Granada, o que visita o Arosa en Vilagarcía

O Outono Códax Festival chega a Compostela do 3 ao 25 de novembro para encher de música a capital galega na súa decimo terceira edición. Falamos con Fran Villasenín, responsable do festival.

Luís Miguel Crespo vén falarnos dos resultados do Certame Galego de Bandas de Música, do último concerto da Real Filharmonía e do Outono Lírico que se celebra en Vigo.

Arrincamos no Vero Boquete coas primeiras valoracións trala eliminación da SD Compostela diante do Tenerife. Logo, a previa dos partidos da tarde do Celta, o Racing, o Dépor, o Lugo, o Arenteiro e o Boiro, ademais da Copa balonmán, coa derrota do Guardés, e a de FS coa histórica clasificación de O Castro para a final a 8

A dous meses do ano do centenario do pintor Tino Grandío, o Museo Provincial de Lugo abre sala monográfica e en Compostela a exposición 'Correspondencias. Tino Grandío' procura vínculos coas artes visuais últimas. Aurelia Balseiro é a directora do Museo Provincial de Lugo e Iñaki Martínez Antelo, un dos comisarios da mostra 'Tino Grandío. Correspondencias'.

Mónica Maneiro comenta 'Eros y Tánatos', outra dobre mostra na galería compostelá Dupla. Yolanda Dorda e Roberto González Fernández retratan a pulsión erótica e a pulsión de morte.

No apartado literario, Dolores Vilavedra fálanos de 'Unha saca de patacas', obra de Francisco Coimbra publicada por Xerais.

Vámonos ata Coruña con Tono Galán. A expo 'Non finito' de Tono Galán no Quiosco Alfonso da Coruña repasa os 30 anos da súa traxectoria como debuxante, pintor e escultor.

Última hora dos sete equipos galegos que o mércores disputan a primeira eliminatoria da Copa do Rei de fútbol: Celta, Racing, CD Lugo, Deportivo, Arenteiro, Compostela, Arosa e Boiro

"A muller ten que asumir no poder o rol masculino ou pode romper con el?” Camila Bossa protagoniza con Luis Iglesia Testosterona, a nova montaxe de Malasombra Producións. Falamos con ela e con Xoque Carbajal, director da obra.

Mario César Vila fálanos dos traballos para tentar recuperar os restos de Anuncia Casado, a 'Pasionaria galega', asasinada no 36.

Hórreos e paneiras camiño de seren Patrimonio Cultural: o Ministerio dálle impulso á reivindicación. O Consello Nacional de Patrimonio Histórico iniciará os trámites para o recoñecemento oficial.

Semana de medo en Vilagarcía. Celébrase o Festival do Imaxinario Curtas, centrado no cine fantástico. Serán proxectadas 23 longametraxes e 95 curtas. Falamos co director do festival, Luis Miguel Rosales.

O Celta celebra reunión da xunta directiva sen que se cuestione, de momento, a continuidade de Rafa Benítez. No fútbol, destacamos tamén a vitoria do Racing no Sardinero e os triunfos do Deportivo e do CD Lugo

Eva Mejuto vén falarnos de dous contos para ler neste Samaín: 'Valentina Nunca Calas e o Monstruo da Media Cara', de Charo Pita, e 'Sete monstruos e un gato', de Rafa Ordóñez.

Afonso Becerra preséntanos algo diferente... circo! Nada máis e nada menos que o espectáculo "Isolada" da pallasa Natalia Outeiro 'Pajarito'.

Mentres o Celta viaxa para xogar en Xirona, o club intenta a fichaxe do portugués Xeka, un mediocentro que hai tempo que seguen dende Vigo. Ademais, escoitamos a Jon García no Racing e os adestradores dos catro equipos galegos da 1ª RFEF e a pontevedresa Teresa Abelleira antes de xogar coa selección feminina

No relativo á gran pantalla, Moncho Lemos vén falarnos de dúas películas: 'Alimañas', de Jordi Sánchez e Pep Antón Gómez; e 'A contadora de películas', de Lone Scherfig.

Arranca Womex na Coruña. Está considerado como o encontro musical máis internacional e diverso do mundo. Desprazámonos ata alí para falar con Victor Bello, de Nordesia, e Carlos Seixas, do Festival de Músicas do Mundo de Sines.

Rafa Benítez asegura que os datos do Celta son bos e di que están "por diante no Manchester City nos tiros a porta". No Deportivo, Retuerta recoñece que foi duro non xogar e analizamos a fichaxe do ex NBA Justin Anderson no Breogán

Na Fundación Laxeiro de Vigo inaugurouse a exposición “O que hai. Obxecto, materia e o cotián nos tempos da precariedade”. Alberto Santos é o comisario da mesma.

A nosa experta en videoxogos, Luz Castro, tráenos dous produtos da empresa Fictiorama: The Fabulous Fear Machine e Do Not Feed the Monkeys.

Falamos co pai de Brais Méndez despois de que o ex do Celta volvese asinar outra gran noite na Liga de Campións; no Racing, Moi Delgado ampara a Fran Manzanara e, no baloncesto, Toni Nakic avanza na súa recuperación no Breogán

Auga e moedas do alxibe do castelo de San Antón. Son parte dos materiais que Rubén Santiago emprega na mostra 'Ante a inminencia', que pode visitarse na 'Normal' da Coruña, e da que falamos con Mónica Maneiro.

Con Dolores Vilavedra falamos do libro 'Hotel Carioca', de Antón Riveiro Coello. Galardonado co I Premio Álvaro Cunqueiro de Novela 2022, foi editado por Galaxia.