SABC North West

Moeteledipele yo montshwa wa Freedom Front Plus, Pieter Groenewald, a re o tlile go tsepamisa mogopolo wa gagwe mo go godiseng lekoko la gaabo...

Mosadi wa dingwaga di le some a mararo le borobongwe o tshwerwe malebana le go botsolodiwa morago ga go bolawa ga moopedi wa mmino wa Jazz yo o itsegeng thata Peter Nthwane, kwa legaeng la gagwe kwa Bloemfontein...

Eskom ya re e tla itsise boeteledipele ba nakwana ba setlamo fa gautshwane morago ga gore motlhankela khuduthamaga mogolo wa yona Brian Molefe a leboga tiro maabane.

Letlha la bofelo la ditshwaelo tsa setshaba malebana le molaotlhomo o o mametleletsweng wa nnotagi le atolositswe go fitlha mo bokhutlong ba kgwedi eno. Letlha la bofelo e ne e le mantaga beke e e tlang.

Baagi ba kwa Gauteng ba tla ikhutsetsa dipula tsa matlakadibe tse di ntseng di tsorotla kwa profenseng eo fela seno se tla diragala beke e e tlang.

Diprofense di le mmalwa di ipakanyetsa merwalela go ya pele, jaaka go bonelwa pele dipula tse di maatla tsa dikgadima kwa Gauteng le dikarolo tsa Mpumalanga, Limpopo, North West, Free State le KwaZulu-Natal. Dipula tse di maatla tsa dikgadima tse di neng di patilwe ke sefako beke eno, di setse di bakile matlhotlhapelo kwa Gauteng.

Gompieno ke letsatsi la bofelo la gore mopresidente Jacob Zuma a romele difaele tsa tlaleletso tsa kopo ya go ikuela kgatlhanong le katlholo ya kgotlatshekelo kgolo, ya gore tshwetso ya go phimola ditatofatso kgatlhanong nae e beelwe thoko.

EFF e ka ikgolaganya le dikgotlatshekelo malebana le morero wa go dirisiwa ga mokgwa wa go voutiwa mo sephiring fa go lejwa voutu ya go se tshepe mopresidente kwa palamenteng. Tsitsinyo ya lekoko ya gore go voutiwe mo sephiring mo voutung ya DA ya go se tshepe mopresidente Zuma kwa palamenteng maabane e ne ya kgapelwa thoko.

ANC kwa Western Cape e tsibositse baeteledipele ba lekoko kgatlhanong le go bua mo phatlhaletseng ka ga merero ya lekoko. Seno se tla morago ga go sekegiwa ga monnasetilo wa lekoko kwa profenseng eo Marius Fransman sebaka sa dingwaga di le tlhano.

Mosireletsi wa pele wa sechaba, Advocate Thuli Madonsela, a re tshwetso ya go phasalatsa puisano ya gagwe le mopresidente President Jacob Zuma e ne e le ya gagwe ka nosi.

Bathati ba bofodugedi kwa New Zealand ba re go ntse le palo e ntsi ya baagi ba Amerika ba ba etelang websaete ya bona morago ga gore Donald Trump a tlhopiwe go nna mopresidente...

Ka ga ditshupetso tse di runtseng kwa Amerika kgatlhanong le go tlhopiwa ga ga Donald Trump go nna mopresidente wa naga eo....

Puso ya kwa Gauteng e tlhomamisitse gore e dirisana le bommasepala ba kwa Johannesburg le Ekurhuleni go samagana le dikgaolo tse di amilweng ke dipula tse di bakileng merwalela kwa dikarolong tseo maabane tshokologo.

EFF e fentse Ward 10 mo ditlhopong tlaleletso tse di neng di tshwerwe kwa masepaleng wa Polokwane maabe, fa ANC e gapile Ward 3 kwa masepaleng o montshwa wa LIM 345 kwa Limpopo. Komishene e e ikemetseng ya ditlhopo, IEC, e rebotse dipholo tsa ditlhopo tseo mo mosong ono.

DA ya re e ikaelela go tsenya molaotlhomo o o mametleletsweng wa molaotheo o o tlileng go akaretsa go nna le seabe ga maAfrika Borwa otlhe mo go thapiweng ga mokaedi wa bosetshaba wa bosekisi ba botlhe.

Go solofelwa fa go tla tlola ditlhase kwa palamenteng gompieno, ka nako ya fa kokoano peomolao etlaabo e ngangisana ka ga voutu ya go tlhoka go tshepega ga mopresidente Jacob Zuma. Khokhase ya ANC kwa palamenteng, e tlhalositse gore ga e ne e ema morero ono wa DA nokeng.

Ba ditirelo tsa tshoganyetso kwa Jhb, ba tsibositse batho ba ba nnang kwa dikampeng tsa baipei kwa dikgaolong tse di ikadileng kwa tlase gore ba hudugele kwa dikgaolong tse di letseng kwa godimo malebana le go efoga metsi a morwalela. Sebuelledi sa ditirelo tseno Nana Radebe, o ne a bua morago ga gore morwalela kwa Jhb o bake mathata kwa dikarolong dingwe tsa toropo eo.

Puisano magareng ga Bahedile Selogilwele Sophie Mokoena malebana le go fenya ga ga Donald Trump ditlhopo tsa bopresidente kwa Amerika

Freedom Under Law FUL le The Helen Suzman Foundation HZF, di dirile kopo e e potlakileng ya go laela mopresidente Jacob Zuma go sekega mookamedi wa bothati ba bosekisi ba bosetshaba NPA eleng Shaun Abrahams le baokamedi bagolo ba bangwe ba 2 ba bosekisi.

Baemanokeng ba ntlhopeng wa maemo a mopresidente wa lekoko la Republican Donald Trump ba na le tsholofelo ya gore o tlile go fenya ditlhopo tseno seno ke jaaka go setse go tsitsintswe fa Trump a fentse ditoropo di le kgolo tsa botlhokwa e leng Florida le Ohio.

Mosireletsi wa pele wa setshaba Thuli Madonsela a re o tsere tshwetso ya go phasalatsa kgatiso ya puisano ya gagwe le mopresidente Jacob Zuma ka ga magatwe a state of capture pele a tswa mo kantorong. A re seno e ne e se go leka go tlhagisa gore puso e gapilwe, mme e ne e le go tlhagisa gore o ne a naya mopresidente chono ya go tsibogela magatwe ao.

Mopresidente Jacob Zuma o na le diura di le kwa tlase ga some a mararo le borataro go dumela gongwe go nna kgatlhanong le go taelo ya kgotlatshekelo ya gore a duele ditshenyegelo tsa molao tsa kopo ya gagwe ya go thibela go phasaladiwa ga pegelo ya mosireletsi wa sechaba ya State of Capture.

Go tshwarwa ditlhopo tlaleletso tse di tla amang maikutlo kwa Danielskuil kwa Northern Cape gompieno, malebana le go tlatsa phatlhatiro e e tlogetsweng ke ntlhopeng wa bokhanselara yo a bolailweng. Johannes Baaitjie wa DA, o ne a bolawa mo go se go belaelwang fa e ne e le tlhaselo ya sepolotiki pele a ikanisiwa morago ga ditlhopo tsa dipuso selegae ka Phatwe.

Moeteledipele wa DA Mmusi Maimane o ikuetse go maloko a Anc go emanokeng tshisinyo ya lekoko la gagwe ya go tlhoka go ikanya moPresidente Jacob Zuma fa e tlaabo e ngangisanelwa kwa kokoano bosechaba beke e tlang...

ANC e neseditse pula pegelo ya mosireletsi wa pele wa sechaba Thuli Madonsela e e ka ga State of Capture. Lekoko la re le tlile go dirisa pegelo eo go samagana le tema eno.