SABC North West

A kasi-based mini documentary about people who are addicted to drugs and why they are struggling to leave them. 

Karyn White speaks to Kelebogile Kgetse on SABC Motsweding Fm's Itlhabe Botlhale Current Affairs show, during her tour to Mafikeng - South Africa, at the Mahika Mahikeng Cultural Festival 

Motlhagisi Lebogang Korogo o buisana le Harmony Malope wa setheo sa 'Basadi ba Moshito Foundation'.

Tshegofatso Mothibedi o buisana le motsamaisi wa project ya go fetolwa ga mokgwa wa kgale wa go amogela ditirelo tsa television, Tebogo Leshope. 

Thabiso Moss o buisana le mogokaganyi wa bosetshaba wa committe ya nakwana e tlhomilweng go tsamaisa merero ya league ya basha, Joy Maimela ka gore conference ya bona e sweditse gore go tshwanetse ga nna le  kemedi ya di-percent di le masome-mabedi-le-botlhano ya basha mo dimmasepaleng

Tshwabiso Monanyane o bua le moitseanape wa ikonomi kwa South African Reserve Bank, Amon Moleko, ka tiro ya Reserve Bank jaaka e tshwara dingwaga tse 100.

Tshegofatso Mothibedi o buisana le sebueledi sa NPA Sipho Ngwema ka ga kgato ya bone ya go simolola sesha go batlisisa melato e tswetsweng ya bosinyi jwa Apartheid e e akaretsang dipolao tsa Bantsho.

Thabiso Moss o buisana le mogaka wa ANC, Dr S Zikalala le sebueledi sa SACP Dr A Mashilo ba ba reng go atlholwa ga mopresidente wa pele Jacob Zuma go a swabisa, bogolo ka fa a ne a sa obamele taelo ya kgotlatshekelo ya molaotheo, mme e le molwela kgololosego yo o netefaditseng fa go nna le molaotheo. Ba re o nyaditse komishini e e eteletsweng pele ke motlatsa moatlhodi mogolo R Zondo, e a e supile...

Tshegofatso Mothibedi o buisana le mopresidente wa sesole sa pele sa ntwa sa ANC,MKMVA, Kebby Maphatsoe , ka maikaelelo a bona a go kokoana kwa ntle ga legae la mopresidente wa pele Jacob Zuma go thibela mapodise go ka tshwara Zuma.

Tshegofatso Mothibedi o buisana le moitseanape wa molao Adv Mosima Rasesemola le wa merero ya dipolitiki Dr. Bernard Sebake ka tsheka-tsheko ya molao le ditlamorago tsa sepolitiki malebana le go atlholelwa kgolegelong ga mopresidente wa pele wa naga Jacob Zuma.

Tshegofatso Mothibedi o buisana le Sebueledi sa mopresident wa pele Jacob Zuma, Mzwanele Manyi, ka ga gore a zuma o tla ineela kwa mapodiseng morago ga taelo ya kgotlatshekelo ya molaotheo.

Thabiso Moss o buisana le moitseanape wa megare, Prof Mphahlele ka mofuta o mosha wa coronavirus, Delta. O tlhalosa gore o kotsi go le kae, le gore ga ona matshwao, o ka o lemoga ga o dirile diteko.

Refilwe Komane o buisana le Moitsenape mo mererong ya go rekisiwa ga matlo Tumelo Boy Matlou, go tlhaloganya tsamaiso e maleba pele setheo sa banka se go tseela ntlo ka ntlha ya go se duele.

Tshegofatso Mothibedi o buisana le Motlhankela-Mokhuduthamaga wa SAHPRA, Dr Boitumelo Semete- Makokotlela go tlhaloganya tsamaiso ya go atlenegisa meento ya Coronavirus.

Thabiso Moss o buisana le ngaka e e sa tswang go aloga, Dr Mpho Mabotja yo a reng jaaka dialogane tsa bongaka di le 200 ga di ise di dire di internship kgotsa community service jaaka go tshwanetse. A re ke maikarabelo a puso go netefatsa fa ba di dira. Dr Mabotja a re puso e ba itsa go thusa ka nako eo naga e tlhasetsweng ke leroborobo ka coronavirus.

Tshegofatso Mothibedi o buisana le Monnasetilo wa ANC kwa sedikeng sa Waterberg kwa Limpopo, ka gore ba tlile go samagana jang le maloko a tshwerweng go latela go thuntshiwa ga maloko a le mabedi kwa kopanong ya lekoko.

Thabiso Moss o buisana le mokhuduthamaga wa thuto kwa Limpopo, Polly Boshielo ka letsholo la go enta barutabana le le simololang kamoso kwa Limpopo

Tshegofatso Mothibedi o buisana le sebueledi sa NTA , Theo Malele, go lebelela mokgwa o lephata la di-taxi le ikamanyang ka teng le melawana ya Coronavirus.

Thabiso Moss o buisana le sebueledi sa tonakgolo ya Gauteng-Vuyo Mhaga malebana gore ba samagana jang le go oketsega ga dipalo-palo tsa coronavirus mo porofeseng, le go romelwa ga dingaka le baoki ba SANDF go thusa.

Tshegofatso Mothibedi o buisana le sebueledi sa SANDF, Brigadier General, Mafi Mghobozi, ka dintlha tse di malebana le masole a rometsweng kwa Gauteng go thusa go lwantsha Covid-19.

Thabiso Moss o buisana le mokwaledi wa lekoko la ANC kwa province ya Limpopo Soviet Lekganyane ka dikopano tsa makala a lekoko tsa go ipaakanyetsa ditlhopo tsa dipuso-selegae

Thabiso Moss o buisana le mokwaledi kakaretso wa SADTU Mugwena Maluleke ka kitsisiso ya lefapha la thuto ya motheo ya gore barutabana ba tlile go entiwa go tloga ka Laboraro

Thabiso Moss o buisana le mokwaledi kakaretso wa SADTU Mugwena Maluleke malebana le moento wa coronavirus go barutabana o o simololang ka Laboraro

Refilwe Komane o buisana le Buhle Langa mogakolodi wa ditshelete kwa Alexander Forbes, mabapi le gore modirisi o ithulaganya sesha jang mo go tsa ditshelete.

Tshegofatso Mothibedi o buisana le mokhuduthamaga Maruping Lekwene, ka ga go kgorelediwa ke ditsela tse di sa tsamaegeng go fitlhelela bagodi ba ba totilweng go entiwa.