SABC North West

Seme segolo sa DA John Steenhuisen o gweetlhile maloko a palamente go netefatsa fa khuduthamaga e rwesiwa maikarabelo.

Banna ba le babedi ba solofetswe go tlhagelela kwa kgotlatshekelo ya magristrata wa Middelburg kwa Mpumalanga gompieno morago ga go phasaladiwa ga kgatiso ya video e e supang ba kgarameletsa monna wa montsho mo teng ga lekese le go mo tshosetsa ka go fisa a tshela.

ANC ya re tshwetso ya DA ya go tlhatlhela ditatofatso kgatlhanong le mopresidente Jacob Zuma ga ena motheo..

Monnasetilo wa komiti ya nakwana ya palamente, e e ka ga go batlisisa boto ya SABC, Vincent Smith, a re ba tla tswelela-pele ka dipatlisiso kgatlhanong le kgaso eno ya sechaba, le fa go setse monnasetilo wa boto fela...

Moeteledipele wa DA Mmusi Maimane a re lekoko la gaabo le tla netefatsa fa mopresidente Jacob Zuma a rwala maikarabelo, a se a se tlhalositseng e le ditiro tsa bosinyi.

Motlatsa mopresidente Cyril Ramaphosa o ikuetse go sechaba go netefatsa fa ba ba okameng maemo ba tshegetsa meeno le go itshola sentle.

The Right2Know Campaign e tlhagisitse matshwenyego ka ga seo e reng ke ntwa kgatlhanong le babega dikgang ba ba itsegeng jaaka The SABC8.

Motlatsa mopresidente Cyril Ramaphosa o biule kgatlhanong le go thapiwa ga badiri go ya ka botokololo ba sepolotiki mo mafapheng a puso.

Kgotlatshekelo ya Magistarata wa Jhb e buseditse morago Kgetse ya moeteledipele wa letsholo la Fees Must Fall yo gape e leng presidente wa pele wa SRC kwa Wits University Mcebo Dlamini, malebana le go tsweletsa dipatlisiso

Dipaki tse di tla bilediwang kwa komiting ya nakwana ya palamente e e batlisisang boto ya SABC di tla itsisiwe kamoso. Seno ke go ya ka monnasetilo wa komiti e leng mopalamente wa ANC Vincent Smith yo o sa tswang go tlhopiwa go se kokomala.

Mokgatlho wa badiri wa Solidarity o reboletse mokhuduthamaga mogolo wa pele wa merero ya tsamaiso mo SABC Hlaudi Motsoeneng ditlankana tsa semolao tsa go lopa gore a duelele ditshenyegelo tsa kgetsi magareng ga gagwe le bao ba bidiwang SABC8. Solidarity e ne e emetse babegadikgang kwa kgotlatshekelo mo kgetsing e e neng e le kgatlhanong le SABC.

Moitsanape wa merero ya dipolotiki Somadoda Fiikeni a re molawana wa puso ya apartheid o o dirisiwang go latofatsa moeteledipele wa EFF Julius Malema o tshwanetse wa bo o fetotswe ga jaana.

DA e tla tlhatlhela ditatofatso kgatlhanong le mopresidente Jacob Zuma gompieno ka ntlha ya go se bue boammaruri kwa palamenteng. Mopresidente o boleletse kgotla ya bosetshaba ya diprofense NCOP, gore mosireletsi wa pele wa setshaba Thuli Madonsela, ga a ke a mo neela chono ya go tsibogela dipotso tsa gagwe pele a rebola pegelo ya gagwe ya State of Capture.

Mokgatlho wa Afrikanerbond o latofaditse moeteledipele wa EFF Julis Maema ka gore o na le ipusolosetso e e kotsi go Basweu, e eleng matshosetsi mo tshireletsong ya naga. Monnasetilo wa mokgatlho oo Jan Bosman a re Malema o nyatsa boleng ba molaotheo, mme ditshwaelo tsa gagwe di tshosetsa pabalesego le tshireletsego ya setshaba.

Maloko a mangwe gape a mabedi a boto ya SABC a lebogile tiro, mme seno se tlogela monnasetilo Mbulaheni Maguvhe e le ena fela leloko le le setseng le eseng la khuduthamaga. Nomvuyo Mhlakaza le Aaron Tshidzumba ba lebogile tiro mo bokhutong ba beke.

Katlholo kgatlhanong le batlhasedi ba le batlhano ba kwa dipolaseng ba ba boifiwang thata kwa Madikwe, Zeerust le Lichtenburg, e solofetswe go rebolwa kamoso, ke kgotlatshekelo kgolo mono Mahikeng.

Komiti e e malebana le dipatlisiso tse di ka ga boto ya SABC kwa palamenteng e solofetswe go tshwara kopano ya yone ya ntlha ya semmuso kamoso, go tlhopa monnasetilo le go tlhagisa lenaneo la komiti.

Motlatsa monnasetilo wa liki ya bashwa ya ANC Desmond Moela, a re jaaka lekoko le rwele maikarabelo a go lere kitlano le tlhomamo mo go lona, bashwa ba tshanetswe go nna le maemo a boeteledipele kwa palamenteng. O ne a bua le makoko a ANC kwa khongreseng ya bo 7 ya kgaolo ya Ethekwini kwa Durban.

Tona ya tshireletso ya naga David Mahlobo a re o seka seka go tlhatlhela kgetsi ya go senngwa leina moargo ga magatwe a gore o golaganngwa le mogweebi yo o seng mo molaong wa dinaka tsa ditshukudu.

Mokwaledi kakaretso wa ANC Gwede Mantashe o ikuetse go maloko a lekoko go ikgatholosa maitsholo a a aroganyang lekoko pele ga go tshwarwa khonferense ya bosechaba ya ditlhopo lekoko ngwaga o o tlang. O ne a bua kwa kopanong ya maloko a lekoko mo Mahikeng mono North West mo bokhutlhong ba beke

Mokhuduthamaga mogolo wa NSFAS Msulwa Daca, o solofelwa go tlhagelela kwa pele ga komishene ya dipatlisiso e e malebana le thuto e kgolwane ya mahala, ka nako ya fa ditheetso tsa botlhe di tlaabo di simolola gape kwa Centurion kwa Borwa ba Pta mo mosong ono.

Tona ya tshireletso ya naga David Mahlobo o rebotse pegelo e e kgapelang thoko magatwe a yo go tweng ke mogweebi ka dinako tsa ditshukudu a gore ke ditsala. Mogweebi yoo o tlhagisitse magatwe ao mo setshwantshong sa thelevishine sa al-Jazeera.

Mokwaledi kakaretso wa ANC Gwede Mantashe a re bonweenwee, go utswa dithoto tsa puso le dintwa mo lekokong, ke tsone tse di koafatsang lekoko leno le le busang...

Mosadi wa dingwaga di le some a mararo le borobongwe yo a neng a nna le moopedi wa mmino wa Jazz yo a itsegeng thata Peter Nthwane, o golotswe.

Batho ba le supa ba tlhokafetse mme a le mongwe o gobetse mo go masisi morago ga gore vene e thulane le traka kwa tseleng ya R101 gaufi le Bela Bela kwa Limpopo maabane bosigo.