Podcast Oñati Irratia

Brontzezko domina eskuratu zuen Unai Cuevak asteartean, Gipuzkoako erlojupeko txapelketan. Jira Bira Eulen taldeko oñatiarrarekin berba egin dugu.

15-16 urteko gazteak dira "prozesuan" parte hartzera gonbidatzen direnak. Gaztelekuko ekintzak antolatzen eta aurrera eramaten laguntzen dute, hainbat bolondres lanetan parte hartzen dute eta ikasturte amaieran egiten duten bidaiarako dirua lortzeko ekintzak egiten dituzte. Guztiaren berri eman digute Malenek, Anerrek eta Auritzek.

Baso-ustiaketa modu ezberdinek klima aldaketaren aurrean duten erresilientzia maila aztertu du Julen Astigarragak Artia mendiko pagadietan laginak hartuta. Ikerketa lana udalaren web atarian zintzilikatuta dago. Baina bertatik bertara ezagutzeko eta ulertzeko aukera izango da larunbatean, ekainak 17, Artaso eta Iturrigorrira egingo den ibilaldian parte hartuta. Lanaz eta irteeraz hainbat argibide...

Aloñako futbol saileko presidentea izan da gaurko kirol tarteko gonbidatua. Ostiralean, futbol federakuntzak emandako 'Gipuzkoako futbolarentzat egindako lanaren saria' aitzakia moduan hartuta, Javier Azpiazuren ibilbide luzearen errepasoa egiten saiatu gara.

BEITA websailaren aurrestreinaldia egingo da ostiralean, Santa Ana aretoan (20:00). Ekainaren 25ean eta uztailaren 2, berriz, websaila osatzen duten zortzi kapituluak zabalduko dira Gaztearen youtube kanaletik (lau domeka bakoitzean). Xehetasun guztiak eman dizkigute XUP taldeko Sarak, Aitorrek eta Izarrek.

Euskal Ligara igo da Aloña Mendiko areto futbol talde nagusia. Asteburuan Zubikoan bizi izan dutenaren kontaketa egin digu Julen Murua taldekideak.

Hitzaldia, bingo berezia, dantzaldia, irteerak eta Jubilatuen Eguna antolatu dute Pake Leku elkartean datozen egunetarako. Guztiaren berri eman digute zuzendaritza batzordeko kideek.

Dantzariak eta txistulariak dira Korpus jaien lehen mezulariak. Goizean, 9:00etan abiatuta, herriko ikastetxeetara hurbildu dira. Batetik bestera egin duten erronda horretan Jesus irizar "Txutxin"ekin, Gotzon Osinagarekin eta hainbat herritarrekin berba egiteko aukera izan dugu.

Urteroko hitzordua da Arantzazun Afrikara begira jartzen gaituen hau. Film emanaldi, argazki erakusketa eta hitzaldia antolatu direla azaldu digu TAU Fundazioa eta Arantzazuko Adiskideak taldeko kide den Iñigo Odriozolak.

Futbol saileko gizonen talde nagusiko entrenatzailea gonbidatu dugu gaurko Kirolen Txokora. Bi aste igaro dira Ohorezko Erregional mailako liga bukatu zela eta kategoria galdu ostean, denboraldi zail honetako balantzea egitea eskatu diogu Aritz Garmendiari.

Fikziozko lehen eleberria du Jose Antonio Villarrek "Escuchando a mi alma" liburua eta Kultur etxean aurkeztuko du arratsaldean. Aurrez, gurean egon da eta lana gazteleraz argitaratu duen arren, sorreran, euskaraz idatzi zuela azaldu digu. Beste hainbat xehetasun ere eman dizkigu gerra-ostean girotutako istorioaz.

Valentziar jatorriko guraso batzuen proposamenez hasi ziren "muixeranga", "castellers" edo giza-dorreak eraikitzen Urgain-Errekaldeko haur eta gurasoak. 8 bat entsegu eginda, plazara irten ziren Urgain egunean eta hainbat dorre eraiki zituzten herritarren aurrean. Guztion parte-hartze eta elkarlana irudikatzen dute giza-dorreek, eskolak bere duen filosofia, alegia.

Gaur ireki dira Bidebarrieta kaleko 10-12an, Udaleko gizarte Zerbitzuetako bulego berriak. Lokala guztiz eraberritu dute, diskrezioa eta energia aurrezpena kontutan hartuta. Zerbitzuburu Itxaro Leibarrek gidatu gaitu instalazio berrituan barrena.

Alagon (Zaragoza) herriko 10 KM lasterketa herrikoia irabazi zuen atzo Eric Martinek. Aloña Mendiko korrikalariarekin hitz egiteko aukera izan dugu eguerdiko kirol tartean.

Legazpiko "Alaitasuna" errondaila Oñatin entzungai izango da, Torre Zumeltzegi hoteleko lagunek gonbidatuta. Eguerdian kalejira egingo dute eta arratsaldean hotel-jatetxean eskainiko dute saioa. "Alaitasuna" errondaila aurkeztu digu taldean parte hartzen duen Juan Luis Unzurrunzaga oñatiarrak.

Ezohiko ikuskizuna egingo dute bihar goizean plazan, Aloña Mendiko Gimnasia Erritmikoko lagunek. Hitzordu berezi horren azken orduaren berri eman digu Lide Osinaga entrenatzaileak.

Komedia jardunaldiak antolatu ditu "Zarramarra" taldeak, ostiral eta larunbaterako. Euskal Herriko umoreaz hausnartu eta gozatzeko hainbat hitzordu izango direla aurreratu digu Eneko Ibabek.

Agintaldia amaitzear dagoen honetan, kirol batzordeburua gonbidatu dugu gaurko emanaldira. Azken lau urteen errepaso eta balorazioa egin dugu Maite Anton Lenorekin.

Agintaldia amaitzear dagoen honetan, kirol batzordeburua gonbidatu dugu gaurko emanaldira. Azken lau urteen errepaso eta balorazioa egin dugu Maite Anton Lenorekin.

Udal eta Foru hauteskundeen emaitzak, Udaleko Gizarte Zerbitzuetako bulego berrituak, adinekoentzat eguneko arreta zerbitzua, tourra, "Hartzaren urratsa" GRa edota Iñaki igartuarekin egindako elkarrizketa dira, besteak beste, ekaineko Kontzejupetik aldizkarian topatuko ditugun edukiak eta Iñigo Arregi lankidearekin komentatu ditugunak.

EH Bildu, EAJ eta PPko zerrendaburuekin berba egin dugu atzoko udal hauteskundeen emaitzen inguruan. Balorazioa eskatu diegu Izaro Elorzari, Amaia Erostarberi eta Ricardo Guisadori. PSE-EEko buru Aitziber Fernandezekin ere harremanetan jartzen saiatu gabe baina ez dugu lortu.

Gizonen eskubaloi talde nagusiak Gipuzkoako Kopa irabazi zuen larunbatean Irunen. Finaleko azken gola egin zuen Xabier Barrenarekin hitz egiteko aukera izan dugu gaurko kirol tartean.

Azken festa izango dute Eskola kiroleko partaideek gaur. 2022-2023 ikasturtea amaitzear dago. Ikasturtearen lehen balantzea eta arratsaldeko ekintzaren xehetasunak eskatu dizkiogu Isma Zubia arduradunari.

Maitane Aizpuruak hezur-haragitzen du "Marimunduko", euskal sorginen burua. Berak kontatuko ditu sorginen inguruko hainbat ipuin Arantzuko Gandiaga topagunean, bihar. Nolako ipuinak entzun ahal izango diren eta euskal mitologia bizirik mantentzeko zein ehalegin egiten dituzten azaldu digu Maitane Aizpuruak.

Denboraldi honetako seigarren eta azken kontzertua emango du igandean Oñatiko Musika Bandak: Historialdia. Historian zehar eta arlo ezberdinetan esanguratsuak izan diren hainbat pertsonaia gogora ekarriko dituen kontzertua izango dela argitu digu Aitor Biainek.