Paseando por Compostela con mulleres

Hoxe volvemos pasear por Compostela con mulleres! Compostela é unha cidade moi doce. As pastalarías teñen unha impronta moi grande na cidade e é por iso que Encarna Otero nos fala dunha muller vinculada a unha delas. Trátase de Lolita Mora, unha muller galeguista que traballou en Casa Mora desde os anos 30.

Hoxe imos falar dunha muller que foi unha grande artista, unha muller alegre e culta que puxo moita luz na cidade de Compostela. Trátase de Rosita López Comunión, pianista, profesora de piano e unha gran mecenas.

Hoxe no noso percurso feminino en Compostela imos falar das mestras, de tantas mulleres que adicaron e adican a súa vida a formar, a educar, a crear lazos co saber... Unha destas mestras foi María Vázquez Suárez, defensora da escola laica e condenada a morte por defender o amor libre e por soterrar a súa nai cun enterramento civil.

Hoxe imos falar dunha muller enormemente prolífica: Herminia Fariña Cobián. Herminia nace en Santiago en 1904 e ao longo da súa vida cultivou poesía, artigos xornalísticos, teatro...

Santiago sempre foi un territorio de saberes e sabores, de xantares e cociñas, e detrás diso, maioritariamente, había mulleres. As mulleres sempre sacaron a fame do mundo e a elas vai dedicado este programa coral ou en rede.

Neste episodio falaremos de Eugenia Osterberger, unha das mellores compositoras da Belle Époque, posto que os seus días remataron en Francia, pero era unha compostelá nacida na nosa cidade no ano 1852.