MUSIKA ZUZENEAN

Musika Zuzenean Telebista saioaren 246. ataleko erreportaje nagusia grabatzeko Orio herrira egin dugu bidai. Ithaka taldeko kideak genituen entsegu lokalean zain argitaratu duten 'Biluzik' diskoa besapean. Luze eta zabal aritu gara taldeaz eta lan berriaz.

MusikaZuzenean telebista saioaren 245. atalaren erreportaje nagusia grabatzeko Oñatiko Eltzia gunera egin dugu bidai. Bertan Letagin taldeko lagunak genituen zain argitaratu berri duten 'Zurrunbiloan' disko berria besapean. Luze eta zabal aritu gara lan berriaz, bai eta Euskal Herriko rock and roll eszenaz.

MusikaZuzenean telebista saioaren 244. atala monografikoa izango da. Huntza taldea izango da saio osoko protagonista bakarra, otsailaren 3an Bilboko Miribillan eskaini behar duen azken emanaldia aitzaki. Taldearen musika bidea errepasatuko dugu luze eta zabal, eta horretaraklo azken entsegu batera gerturatu gara, taldekideekin batera, taldearen egoera ezagutzeko.

MusikaZuzenean telebista saioaren 243. ataleko erreportaje nagusian Braulio taldea ezagutuko dugu, eta horretako Ondarruko Portuko Ranpi ederrean egin dugu hitzordua taldea osatzen duten Ruben, Kepa eta Gotzonekin. Hirukoarekin 'Lur azpira itzuli' izeneko bigarren diskoan barneratuko gara.

MusikaZuzenean Telebista saioaren 242. atalean Ginger taldea ezagutuko dugu. Zarautz herriko entsegu lokaletan egin dugu hitzordua Andrea, Imanol, Jone eta Nerearekin argitaratu duten 'Narras' (Balio Dute) diskoa gertutik ezagutzeko.

MusikaZuzenean TB saioaren 241. ataleko erreportaje nagusia Rap giroetan dator. La Basu abeslariarekin egin dugu hitzordua berriki kaleratu duen 'Lurralde Komantxe' lana gertutik ezagutzeko. Errima eta erritmo borrokalariak biltzen dituen lana da honakoa, non mundu osoako raplariak batu dituen bere albora.

Erreportaje nagusia grabatzeko Mutrikun izan gara, eta bertan, Txuma Murugarren musikariarekin egin dugu hitzordua Gaztelupeko Hotsak zigiluaren babesean argitaratu duen 'Gautegia' diskoa ezagutzeko. Nick Cave musikariaren 'Nocturama' diskoaren berrikuspena da honakoa, non Txuma eta bere bandak kantuak moldatu dituzten beraien erara.

Aste honetako MusikaZuzenean TB saioko talde protagonista Nafarroa 1512 izango da. Arbizuko entsegu lokalean egin dugu hitzordua taldeko kideekin berriki kaleratu duten 'Askatasun Haizea' disko txikia ezagutzeko.

MusikaZuzenean TB saioaren 237. erreportaje nagusian Txopet taldea ezagutuko dugu. ‘Nahiz eta jausi’ disko berria kaleratu du hiruko bandak, eta aitzaki horrekin taldeko kideekin batu gara luze eta zabal hitz egiteko!

MusikaZuzenean telebista saioaren 236. atalean Gilda talde gipuzkoarra ezagutuko dugu. Erreportaje nagusia grabatzeko Beasainen izan gara, eta bertako entsegu lokaletan topatu ditugu Gilda taldeko Anabel, Amagoia eta Maialen. Beraiekin batera 'Basati' (Balio Dute) disko berrian murgilduko gara.

MusikaZuzenean 235. saioko erreportaje nagusia grabatzeko Aretxabaletako Kuartelean izan gara, herriko kultur egitasmoen arnaslekuan. Bertan du entsegu lokala Neallta Fola taldeak eta bertan sortu dituzte 'Hemen eta Orain' disko berriko kantuak. Karlote, Kanu eta Ander taldekideekin batu gara taldeari buruz luze eta zabal hitzegiteko.

MusikaZuzenean TB saioaren 234 ataleko erreportaje nagusian Balio Dute kolektiboa ezagutuko dugu. Donostialdean sorturiko ekimena da honakoa, eta antolatu duten Kutixik jaialdia aitzaki hartuta taldeko hainbat musikariekin egin dugu hitzordua Egiako Le Bukowski aretoan. Kolektiboaz, argitaratuko dituzten disko berriez eta kontzertuez ariko gara luze eta zabal.

Musika Zuzenean telebista saioaren 233. ataleko erreportaje nagusia grabatzeko Zaldibar herriko Garirock elkartearen entsegu lokaletara jo dugu. Bertan egiten ditu saioak Ezta Ilen taldeak, eta bertan sortu dituzte lehen diskoa osatzen duten bederatzi kantuak. Luze eta zabal aritu gara Ander, Sergio eta Aritzekin.

MusikaZuzenean Telebista saioaren 232. ataleko erreportaje nagusia grabatzeko Baxe Nafarrora egin dugu bidai Peio Erramouspe musikariak abian jarri duen Haira egitasmoa ezagutzeko. 'Laupabortz aire ttipi' (USOPOP zigilua) diskoa besapean, herri kantutegiko abestiak sustrai eta elektronika abiapuntu duen lanean barneratzeko parada izan dugu, Paxkal, Julen eta Allande musikariekin batera.

MusikaZuzenean TB saioko 231. ataleko erreportaje nagusian Zeker talde bizkaitarra ezagutuko dugu. Elorrixoko punkrock bandak 'Su hartu bitartean' bigarren diskoa kaleratu berri du, eta Ateneoan eskaini zuten emanaldiaren aurretik batu ginen laukoarekin lan berriaz luze eta zabal solasteko.

MusikaZuzenean TB saioaren atal honetan Añube taldeko kideekin egin dugu hitzordua taldeak martxan duen bira amaiera aitzaki. Taldearen iragana, oraina eta geroa ezagutuko dugu Bergarako musika taldeen entsegu lokaletan egindako erreportaje ederrean.

MusikaZuzenean TB saioaren 229. ataleko erreportaje nagusian Kinada talde gaztea ezagutuko dugu, berriki kaleratu duten estudioko 'Etsaiarekin Dantzan' bigarren diskoa aitzaki.

Martxan da MusikaZuzenean telebista saioaren denboraldi berria! Feline talde gernikarra izango da 228 saioko talde protagonista. 'Jan Zu' izeneko disko berria kaleratu dute, eta kantu berriak ezagutzeko hitzordua egin dugu laukoarekin Kult Parnasoa ederrean.

MusikaZuzenean TB saioaren 226. ataleko erreportaje nagusia grabatzeko Hernanin izan gara. Erroka taldeko kideekin egin dugu hitzordua kaleratu berri duten disko koloretsua ezagutzeko. Iker de las Heras eta Manex Pagola musikariek osatzen dute Erroka talde, eta musikalki erritmo beroetan dator biko banda.

MusikaZuzenean TB saioaren 227. ataleko erreportaje nagusia grabatzeko Arrasateko Garagartza auzoan egin dugu hitzordua Etxepe taldeko kideekin. Luze eta zabal aritu gara argitaratu duten 'Etxepe Kids' diskoaz, eta laster argia ikusiko duen 'Etxeperreo' lanaz.

MusikaZuzenean TB saioaren 225. ataleko lehen erreportajea grabatzeko Iruñea zaharrera egin dugu bidai. Balerdi Balerdi taldeko kideekin egin dugu hitzordua GOR diskoetxearen babesean kaleratu berri duten disko txikia ezagutzeko. Agertokira igo aurretik elkartu gara gaur egun taldea osatzen duten lau musikariekin.

https://hamaika.eus | MusikaZuzenean Telebista saioaren 224. ataleko erreportaje nagusia grabatzeko nafarroako Oronoz Mugairen izan gara. Bertan Olaia Inziarte musikariarekin egin dugu hitzordua egun eguzkitsu ederrean, argitaratu berri duen 'Lehengo Lepotikan Burua' diskoa ezagutzeko. Luze eta zabal aritu gara bere musika bideaz.

https://hamaika.eus | MusikaZuzenean TB saioaren 223. atalean AGUR taldea ezagutuko dugu. Gernikako Iparragirre Rock Elkartean batu zen taldea 2020 urtean, eta dagoeneko kalean dute diseinu ederrean bilduta datorren 'Garena Gara' disko 'luzea'. Ospa tabernan egin dugu hitzordua hirukoarekin, eta bokata eta garagardo artean luze eta zabal aritu gara disko berriaz.

MusikaZuzenean TB saioaren 222. ataleko erreportaje nagusia grabatzeko Donibane Ziburuko gaztetxean izan gara. Bertan du entsegu lokala Kuma No Motor talde lapurtarrak, eta bertan garabatu dute berriki argia ikusi duen duen 'Baiona zikina' lana. Saio guztiak ikusteko:

MusikaZuzenean telebista saioaren 221. ataleko talde protagonista Arene 6 izango da. Algortan egin dugu hitzordua taldeko kideekin punk oi! giroetan datorren 'Bereizezinak' disko txikia gertutik ezagutzeko.