MIKROSKOP

D'Isabel Wiseler-Lima ass Invitée an dëser Episod vum Podcast Mikroskop. Als klengt Meedchen ass d'Isabel Lima mat hiren Elteren aus Portugal op Lëtzebuerg komm an hat hei, wéi si selwer seet, eng wonnerschéin Kandheet. Als Jugendlecht huet d'Isabel de Claude Wiseler kenne geléiert an zanterhier sinn si eng Koppel. Wéi war de gemeinsame Wee an d'Politik

Den Emile Eicher huet säi ganzt Liewen zu Maarnech verbruecht. Dat heescht awer net, dass hien net an der Welt ronderëm komm ass. Ganz am Géigendeel. An dëser Episod vu MIKROSKOP erzielt de sympathesche Politiker aus dem Norden iwwert säi Joer an Australien, säi Wee an d'Politik, deen direkt als Buergermeeschter ugefaangen huet an iwwert déi grouss Erausfuerderunge fir d'Gemengen hautdesdaags.

Buergermeechtesch vu Rouspert/Mompech. Deputéiert an der Chamber. Vizepresidentin vun der Fraktioun a vun der Partei. Dat ass d'Stéphanie Weydert, dat een eigentlech ni schlecht gelaunt gesäit. Wéi koum d'Stéphanie esou jonk an d'Politik, wat sinn d'Virdeeler vun enger Fusiounsgemeng an ëm wéi eng Dossiere bekëmmert d'Stéphanie sech an der Chamber. Dat Alles gitt der an dëser Episod vum Podcast MI...

Et gouf emol de Sproch "Hast du einen Opa, dann schick ihn nach Europa". Dat trëfft awer op keen esou wéineg zou, wéi op d'Martine Kemp, déi fir d'CSV am Europaparlament ass. Déi 31 Joer jonk Deputéiert steet eis dës Kéier Ried an Äntwert am Podcast MIKROSKOP. Firwat Europapolitik, wat kënne 6 vu 720 Deputéiert erreechen, keng Zesummenaarbecht mat Riets a wéi kritt een als Mamm Politik an d'Geplën...

No iwwer 25 Joer an der Gemengepolitik, no iwwer 15 Joer Buergermeeschter, huet de Marc Lies d'lescht Joer ënnert net ganz einfache Konditiounen demissionéiert. An der neister Episod vun MIKROSKOP kuckt de Marc Lies zeréck op déi vill schéin a manner schéi Momenter an der Kommunalpolitik. Firwat ass Politik haut méi schwéier, wéi nach virun engem Véierels Joerhonnert, wéi kritt Hesper de Verkéiers...

No 2 Joer als Aarbechts- a Sportminister, ass de Georges Mischo zanter Uganks des Joers erëm Deputéierten um Krautmaart. Am Podcast Mikroskop schwätzt hien iwwert seng politesch Karriär. De groussen Erfolleg mat senger Ekipp zu Esch an awer och seng Demissioun zejoert als Minister. De Georges Mischo ass Sportler an also och Kämpfer. Hien ass motivéiert nach vill an der Politik ze bewierken.

Ronn 20 Joer war de Jean-Paul Schaaf Buergermeeschter vun Ettelbréck, an och elo, als éischte Schäffe vun der Patton-Stad, läit him seng Heemecht an d'Nordstad nach ëmmer um Häerz. Mir schwätzen an dëser Episod iwwert déi geplangte Fusioun vu 4 Gemengen, mä natierlech och iwwert d'Aarbecht vum Jean-Paul Schaaf an der Chamber.

Zu Iechternach, a senger Heemecht, hu mer de Ricardo Marques, de jéngsten CSV-Deputéierte getraff. Hien ass zanter eppes méi wéi engem Joer an der Chamber an erzielt, dass et net einfach war, nom Dout vum Max Hengel, fir hien nozeréckelen. De Ricardo mécht awer och Politik fir de Max mat ënnert anerem sengen Theme, wéi mental Gesondheet. Donieft schwätzt de Ricardo iwwert seng portugisesch Wuerzel...

De Marc Spautz ass den Invité fir déi parlamentaresch Rentrée. Den CSV-Fraktiounschef ass geléierte Mecanicien, hie war Gewerkschaftler an ass zanter 1994 an der Gemengen- an zanter 2004 an der Nationalpolitik, als Deputéierten an och kuerz Zäit als Minister. Firwat hien dacks als dat soziaalt Gewësse vun der Fraktioun bezeechent gëtt an d'Fraktioun net de Gesanksveräi vun der Regierung ass, dat v...

De Chamberpresident ass den Invité an der 9ter Episod vu "Mikroskop". De Claude Wiseler erzielt, wéi hien déi gréisst politesch Enttäuschung 2013 verkraft huet a firwat hien awer besonnesch de Poste vum Chamberpresident immens gären huet a wat hien nach wëll an der Chamber änneren. Donieft geet et ëm d'Wichtegkeet vun der Demokratie a mir léieren den éischte Bierger vum Land och Privat besser kenn...

De Laurent, oder Laury, Mosar ass zanter iwwer 30 Joer an der Politik aktiv, lokal an der Stad an national an der Chamber. De Laury ass nach ëmmer ganz engagéiert, motivéiert a virun allem och gutt gelaunt. Wat dreift hien dann nach ëmmer all Dag un sech fir seng Matbierger anzesetzen a wat mécht de Laury privat......ausser Helene Fischer lauschteren ? Dat Alles gitt der an dëser Episod gewuer.

De Laurent Zeimet ass zanter ronn 14 Joer Buergermeeschter vu Beetebuerg an och zanter 2023 fir d'zweet an der Chamber. Mir schwätze mat him iwwert dat duebelt Engagement awer och iwwert seng Vergaangenheet als Journalist a firwat dass hien Droit studéiert huet.

D'Octavie Modert ass d'Invitée an der 6ter Epsiod vun eisem Podcast MIKROSKOP. Mat der Ost-Deputéiert hu mer eis ënnert anerem iwwer d'Justiz, Landwirtschaft a Wäibau, an natierlech iwwer Kultur, ënnerhalen. Dir léiert d'Octavie Modert am Podcast awer och Privat besser kennen.

Den éischte Schäffen aus der Haaptstad, Maurice Bauer ass eisen Invité an dëser Episod. De Maurice ass zanter 2023 och Deputéierten an hie schwätzt iwwert dat duebelt Engagement. Seng Stad läit him immens um Häerz an dat mierkt een och gutt a sengen Aussoen. Lauschtert eran a léiert de Maurice Bauer besser kennen.

Vum Paschtouer zum Politiker. De Paul Galles hat seng berufflech Carrière als Paschtouer ugefaangen. Wéinst dem Zölibat huet hien dee Beruff awer opginn an ass bei d'Caritas schaffe gaangen ier hie schliisslech an d'Politik koum. De Paul schwätzt am Podcast ganz fräi iwwert seng Decisiounen, iwwert seng Léift zu de Mënschen, iwwert d'Affaire Caritas, déi hie béis getraff huet, iwwert säi Wee vun d...

Den Alex Donnersbach, Deputéierten, Schäffen zu Walfer a Generalsekretär vun der CSV ass den Invité an der drëtter Episod vu Mikroskop. Mir kucken op dem Alex seng éischt Zäit am Parlament, säin Engagement an der Gemeng an awer och nach eng Kéier op seng Aarbecht als fréieren CSJ-President.

Den Nord-Deputéierte Jeff Boonen ass den Invité an dëser Episod. De Jeff ass zanter 2023 Deputéierten a Bauer. Den Haff am Schweecherdall ass ee Familljebetrib mä ier de Jeff Boonen den Haff iwwerholl huet, huet hien no sengem Studium an der Akerbauschoul geschafft a war ënnert anerem och Mat-Responsabel bei der Organisatioun vun der Foire Agricole. Am Podcast schwätzt de Jeff iwwert d'Landwirtsch...

An der éischter Episod vun MIKROSKOP léiere mer d'CSV Süd-Deputéiert Fränzi Kemp besser kennen. D'Françoise ass eng Stack-Diddelengerin an erzielt iwwert säi Liewen an d'Politik mä awer och iwwert hir Aarbecht wärend der Covid19-Pandemie an der Covid-Taskforce. D'Françoise Kemp ass dernieft Generalsekretärin vun der CSV an och dat ass een Thema an dëser éischter Episod vun MIKROSKOP.