Libros para as medras

Transxénero. Cómic, biografía, reflexións sobre a arte... Unha novela gráfica arredor dunha biografía incompleta. Coma pezas de rompecabezas pequenos capítulos que xorden das chispas que prenden na luz de Raimundo Patiño, un autor aínda por reivindicar, un home inclasificable e incomprendido, unha obra demasiado descoñecida.

A gran tribo propón un xogo entre dúas linguaxes. A textual sitúanos nunha tribo india, as imaxes nunha sociedade actual.

Continuaremos con álbum ilustrado e con afectos. Despois do podcast de amor cos libros de Xabier Puente Docampo, quedáronnos ganas de seguir falando de amor, noutras voces. Así chegaron os libros de Daniela Kulot, Javier Sobrino ou José Campanari.

O libro Infantil e Xuvenil ten moito que dicir no Día da Muller, porque o imaxinario co que creamos a nova propia maneira de ver o mundo e movernos por el está conformado pola ficción. O que sucede na casa e na escola, xunto co que vemos no cine e na tv, o que temos nos libros, a música que escoitamos… vai creando un pouso do que resulta difícil librarnos. Por iso, tentamos que a música non diga o...

O noso é sempre provisorio, é provisoria a normativa da nosa lingua, son provisorias as leis que deben apoiala... e ata resultou provisorio o Día de Rosalía que se celebraba o 24 de febreiro, ata que as últimas investigacións demostraron que naceu un día antes, por iso, este ano, por primeira vez, pasamos a celebrar o Día de Rosalía o 23 de febreiro. Non importa. A vida é provisional, a ciencia ca...

O 14 de febreiro deu en chamarse Día dos namorados e namoradas, pero pode que lle acaia máis chamalo: Día do amor, da amizade, do cariño, dos afectos. Para un día así, sóbrannos libros e deles imos falar, por exemplo de Bolboretas e De cores e de amores, ambos de Docampo, con imaxes do seu ilustrador de cabeceria; Xosé Cobas.

Contar a morte dun ser querido, traballar esa dor a través dun álbum ilustrado. O seu nome, Peque mais eu, do selo Nubeocho. Porque é difícil, necesitamos axuda e os libros poden dárnola. Non o dubidemos!

Os álbumes ilustrados poden falar de todo. Poden ser moi planos, ter unha soa lectura e pode ser suficiente. Poden ser moi simbólicos e ter varias interpretacións... Este pode dar que falar porque vai de oralidade e distorsión, de construción dunha verdade - mentira conforme se vai contando.

Non son moitos os libros que escribe DXC para a infancia e a mocidade, pero son obras a ter moi en conta. Descubriremos hoxe cales foron estas obras e por que este autor merece tamén unha homenaxe dentro da literatura infantil e xuvenil.

Este libro está nunha sección xuvenil, pero gustará tanto a persoas adultas como á mocidade. É unha obra do autor Xabier P. Docampo, que foi, ademais dun grande escritor, un gran contador.

Un par de libros de Frédérick Stehr: Chin Bam Bum e O día das apertas.

Para tempo de defuntiños e samaín, para os días escuros da invernía... unha mirada sobre a obra de Ledicia Costas, autora de Escarlatina, a cociñeira defunta e da súa precuela Esmeraldina, a pequena defunta, de Vampira de biblioteca e tamén da serie d´Os minimortos.

Neste caso falamos dun libro nacido dunha exposición con pinturas de Maruja Mallo e Luís Seoane que se realizou fai pouco en Galicia. Trátase de A pintora libertaria, unha novela xuvenil de Pepe Carballude.

Hoxe volvemos ligar os libros coa arte, pasando por unha obra relacionada con Antonio Gaudí, un libro de David Pintor e outro de Kiko da Silva.

Libros e outras artes: un libro da editorial Kalandraka (Mirar a pintura a través dos séculos) e a colección de arte de editorial OQO (OQ art) con dúas obras (Gran libro dos retratos de animais e Caderno de animalista)

Libros e outras artes: a pintura nos libros da editorial Kalandraka. Porque esta editora especializada en álbum ilustrado ten unha querenza especial polo mundo da arte e demóstrao a través da publicación de libros que buscan xunguir a rapazada á arte, dende as primeiras idades.

A colección “Unha historia para un cadro” do Museo de Belas Artes de A Coruña, un libro da editorial Bululú (Alén. A arte de explorar) e outro de Galaxia (Jan estivo alí).

A novela Santoamaro é a ganadora do Premio Jules Verne de Literatura Xuvenil 2020. Unha novela moi especial na que se mestura libremente a narrativa co teatro e as mensaxes de móbil coas que comeza cada capítulo.

O Premio Merlín de Literatura Infantil é unha das achegas anuais de Edicións Xerais de Galicia. En pé dende 1986, ten como obxectivo fomentar a creación literaria destinada especificamente ao público infantil. Aquel primeiro premio fora para Ursula Heinze por A casa abandonada. No 2020 resultou ganadora a obra A folla azul de Andrea Maceiras.

O III Premio María Victoria Moreno de Literatura Xuvenil vainos mostrar o que poden facer as maiores e as preadolescentes cando non lles queda outra que tomar as rendas contra as inxustizas.

A moura que creou o mundo. O mito galego da creación é unha obra publicada en 2020 na que o antropólogo Rafael Quintiá recrea e sintetiza as diferentes lendas das mouras en distintos lugares de Galicia, ao tempo que realiza un percorrido por esa cartografía, pensando na rapazada.

Non te amola! é a contribución de Xela Arias á literatura infantil, un libro inédito do que se dera noticia en 1991. Nel reconstrúe a través dunha voz feita ficción os anos da infancia, unindo diferentes anécdotas.

Neste podcast falaremos de Contrahistorias de Galicia, de Antonio Reigosa, un libro moi difícil de explicar sen as súas ilustracións. Estaríamos a falar como se fose dunha exposición de pintura para persoas cegas.

Emilia Pardo Bazán está de centenario e por iso son moitos os eventos que se realizan arredor da súa figura. Neste podcast falaremos de libros galegos para a infancia centrados nesta figura.

Hoxe traemos un álbum ilustrado. Un deses libros que son verdadeiras alfaias, libros obxecto nos que é tan importante o texto como a ilustración. Libros que comparten linguaxes: textual e icónica, e nos que cada unha delas achega a súa riqueza. Libros para ler e ver, para mirar e compartir.