KulturSharea

McOnak taldea bueltan da Balearen Bertsoak kanta berriarekin. Hamargarren urteurrenaren harira Lekeitiarrek argitaratuko duten Bitakora diskoaren aurrerapen kanta da Balearen Bertsoak.

‘Non dago Mikel?’ Mikel Zabalzari buruzko filma otsailaren 26an helduko da zinema aretoetara.

‘Dardara’, Berri Txarrak taldearen biran grabatutako filma martxoaren 19an estreinatuko da zinema aretoetan. Marina Lameirok zuzendutako filmean Lekunberriko taldeak utzitako arrastoa ikusiko dugu. Munduko hainbat tokitan bizi diren zaleen istorioetatik abiatuta, zinemagile nafarrak erretratu koral bat egin du.

Artedramak ‘Atzerrian lurra garratz’ antzezlana estreinatuko du Otsailaren 12an, Oñatin. Bi urte luzez ezkutuan egindako lan mardularen ostean, berriro igoko da oholtzara. Amancay Gaztañagaren zuzendaritzapean, Ander Lipus eta Laura Penagos ikusiko ditugu taula gainean.

Eskolartekoak plazara jauzia egingo du Eskolatik plaza ekimenaren bidez. Lehen saioa urtarrilaren 29an izango da Gernika-Lumon.

Sari Bikoitza dakar aurtengo Tene Mujika Bekak. Batetik, Erika Lagomak eta Estitxu Fernandezek amatasunari eta feminismoari buruzko elkarrizketa-sorta bat landuko dute, bestetik, Jon Abrilek emakumeen lanbideei buruzko ikerketa bat egingo du.

Haurrentzako albumak sortzeko 2021eko Etxepare saria martxan da. Maiatzaren 7a izango da lanak aurkezteko azkenengo eguna, eta epaimahaiak ekainaren 30ean jakinaraziko du erabakia.

Udalbiltzak Zinemagintza, literatura eta antzerkigintzan aritzen diren euskal artistei zuzendutako beka deialdia zabaldu du. Otsailaren 5era arte egongo da izena emateko epeak zabalik.

Begirada berriak izenpean, Laudioko hainbat egileren artelanak ikusgai jarri dituzte Gasteizen. Bertan, bideoak, argazkiak, zeramikak, olioak, akrilikoak, euskarri eta teknika ugari ikusi ahal izango dira urtarrilaren 7ra arte.

Asier Gorostidik eta Igor Sarraldek Euskal Herriko animaliak jendeari hurbiltzeko liburu ilustratua plazaratu dute. Ilustratzaileek animaliei buruzko gida-liburuen formatu horretatik aldendu eta haurrentzat, zein helduentzat erakargarria izango den liburua sortu nahi izan dute.

Alaine Agirrek ‘Ane’, Txandaka bildumaren laugarren eleberria aurkeztu du

Zama doinuz arindu elkartasun jaialdia urtarrilaren 17an izango da, online formatuan. Eñaut Elorrieta, Erramun Martikorena, Zetak, Skabidean eta Anita Parker, besteak beste igoko dira oholtzara. Sarrerak salgai daude jada.

Miren Agur Meaberen ‘Nola gorde errautsa kolkoan’ poema liburua kalean da. Azken urteetan osatzen joan den triptikoaren hirugarren atala da idazleak aurkeztu duen poema liburua.

Gotzon Barandiaranek eta Rafa Ruedak, ‘Hitzen Ahairea’ ikastaroa eskainiko dute gaur, Donostian. Idazleen eta musikarien arteko elkarreraginetik sortutako kantagintzari buruzko ikastaroa da Hitzen Ahairea. Bizkaiko bi sortzaileak Donostiako Egia Kultur Etxean arituko dira arratsaldeko 16:30etik aurrera.

Axut! konpainiak eta Euskal Elkargoak ‘Koska’ formakuntza mintegia antolatu dute gazteentzat. Lurraldetasuna kontutan hartuta, 16-25 urte bitarteko antzerki zale euskaldunen saretzea indartzeko xedea du mintegi honek.

Herritarren aktibazioari eta erakundeen erantzukizunari dei egin diete euskalgintzako hainbat eragilek. Herritarrek euskararen aldeko ekimenetan parte har dezaten eskatu dute, Euskaraldian, Errigoran edo Durangoko Azokan, esaterako; eta erakundeei berehalako neurri zehatzak eskatu dizkiete.

Ez dok ero antzezlanak bihar arratsaldean izango du estreinaldia Bilboko Arriaga Antzokian.

Mendiko gaitza izenburupean dator Idoia Garzes idazleak ondutako lehen eleberria. Nobela beltz atipiko bat da, poliziakoa. Arlet Anaut da protagonista, asperger sindromea duen emakume gazte bat. Garzesek Augustin Zubikarai nobela beka lehiaketa irabazi zuen iaz liburu honen proiektuarekin.

Antigone edo Ezetzaren beharra da Horman Posterren antzezlan berria. Kolektiboak bihar egingo du obraren aurrestreinaldia, Ozaetako Garaion Sorgingunean, Azaroaren 5ean, berriz, Bilboko Arriaga antzokian izango du estreinaldia. Antigona historian zehar gehien taularatua izan den klasikoa dugu, baina euskaraz lehen aldia izango du. Igor de Cuadra eta Maite Aizpurua Horman Poster kolektiboko kideek...

Egurra S.A dugu Toti Martinez de Lezea idazlearen azken eleberria. Bilbora heltzen den familia baten gorabeherak kontatzen ditu intrigazko nobela honetan. Familiak argitaletxe bat jarriko du martxan eta horrek senideen arteko liskarrak ere ekarriko ditu.

Gazteen proiektu kulturalei bultzada emateko, ‘Batera, kultur proiektuak elkarrekin’ deialdia martxan da. Euskal Herriko 16 eta 30 urte bitarteko edozein gazte euskaldunei zuzenduta dago egitasmoa. Abenduaren 20ra arte egongo da izena emateko epea zabalik.

Bilboko Nazioarteko Txotxongilo Jaialdiak azaroaren 21etik 29ra izango du 36garren edizioa. Jaialdiarekin batera, antzezle, txotxongilolari eta arte eszenikoen sortzaileei zuzendutako Nazioarteko Formakuntza zikloa ere antolatu dute.

Mazoka’ Marrazki Azokan parte hartzeko deialdia zabalik da. Oraingoan, azokaren webgunea izango da marrazkiak ezagutzeko eta eskuratzeko trafiko-iturri nagusia. Mazokalari izateko urriaren 23ra arte egongo da izena emateko epea zabalik.

Galder Perez antzerkigileak ‘Lurrun-minez’ antzezlana estreinatuko du Bilboko Lan Fundicion aretoan. Perezen antzezlanak Gabon gau batez gey sauna batean dauden hiru gizonen arteko harremanak ditu oinarri. Antzerkigileak Cafe Bar Bilbao saria irabazi zuen iaz obra honen gidoiarekin.

Azpeitiko Dinamoak Ikusle Taldea martxan jarri du. Edozein eratako irudien gainean hitz egitea da ekimen berri honen asmoa: artelanak, argazkiak, iragarkiak, aldizkari edo liburuen azalak, filma zatiak, memeak, GIFak… Irudiei buruz hitz egitea da kontua, eta irudia pentsatzea.