InJesus Bybelstudie

Jesus wil nie jou Here wees sodat Hy jou kan manipuleer en beheer nie. Een van Sy groot begeertes is juis dat ons sal vry wees.

Ek het al baie mense gehoor wat sê hulle die God op hulle manier, en Hy sal verstaan. Maar is JOU manier, GOD se manier?

Nie elke manier van gee gaan 'n oes oplewer nie. Gee, is eerstens 'n saak van liefde, en dan ook, moet dit gebeur sonder dwang en hartseer.

In Matt 16:24 sê Jesus "As iemand agter My aan wil kom, moet hy homself verloën en sy kruis opneem en My volg." Om jouself te verloën betek nie om jou hele persoonlikheid te verloor nie. Dit beteken eenvoudig om alles in jou lewe, ook jou persoonlikheid, onder Jesus se heerskappy te stel. Dit sal jou lewe verander

In Johannes 3:30 maak Johannes die doper hierdie kragtige stelling: "Hy (Jesus) moet meer word, maar ek minder" As ons net volgens hierdie stelling kan leef, sal ons kragtige dinge sien gebeur deur ons. #meerJesusminderek

In Matt 16:24 staan "Toe sê Jesus vir sy dissipels: As iemand agter My aan wil kom, moet hy homself verloën en sy kruis opneem en My volg." Die rede hoekom ons sukkel om Jesus te dupliseer, is omdat Hy nog nie Here is oor ons denke, woorde, finansies, optrede ens ens. nie. Ons moet op 'n plek kom waar ons besluit, Hy is Here "LORD" van alles in my lewe

Paulus skryf in Fil 3:10 dat hy alles skade ag "...sodat ek Hom kan ken en die krag van sy opstanding..." Om God en Jesus te ken, moet sentraal wees in ons lewens. Een van die maniere wat God gebruik om ons te help om Hom te leer ken, is die ontmoeting met Sy heerlikheid deur geloof.

In Markus 9:23 sê Jesus vir die pa van die maansiek seun "...as jy kan glo, alle dinge is moontlik vir die een wat glo." Geloof is God se uitnodiging aan ons om Sy krag, Sy liefde en Sy heerlikheid te ervaar

Geloof is God se uitnodiging aan jou en my om Sy goedheid en liefde en krag te ervaar, sodat ons Hom meer intiem en intens kan ken, en Jesus het 'n baie duur prys betaal sodat ons Hom en die Vader kan ken.

Dit maak nie saak hoeveel jy het om te gee nie, maar wat vir God belangrik is, is jy gewillig? Het jy 'n gewilligheid om te gee? Dit maak nie saak of dit net R1 is nie. Is jy gewillig om Hom te vertrou met daardie R1?

God se plan is NOOIT OOIT om jou te breek, te ontbloot of om jou te beskaam nie. Geloof is 'n uitnodiging om te sien wat Hy sien. I Kor 13:5 sê dat liefde nie sy eie belang soek nie. God is liefde, dus, soek God nie Sy eie belang nie. Wie se belang soek Hy dan? Joune!!

God dink nie soos ons dink nie, en Hy sien nie wat ons sien nie. Ons moet leer om soos Hy te dink en te sien wat Hy sien, want dan sal ons nie so maklik benoud raak en al die onnodige vrae vra wat ons soms vra nie.

Wanneer ons weerstand sien in ons lewens, moet ons leer om soos Jesus te dink. Ons moet leer om te sien wat Hy sien. En dis absoluut moontlik. Kom leer saam met ons.

Moenie staat maak op wat jy sien en wat jy moontlik kan doen "om God so bietjie uit te help" nie! Wees sensitief genoeg om in geloof te beweeg wanneer Hy sê dis tyd om te beweeg, al lyk die omstandighede glad nie gunstig nie.

Teenkanting en weerstand, moenie ons maatstaf wees of ons in die wil van God is, of nie. Die enigste maatstaf van Sy wil is Sy Woord en Sy beloftes.

Gaan al die stêrre in 'n lyn wees en alles perfek lyk, sodat ek kan weet, dis nou die tyd om te begin beweeg? Heelwaarskeinlik nie. Die rivier mag dalk wal tot wal in vloed wees, maar is jy bereid om in geloof die eerste tree te gee? Want dit is wat geloof doen...

Kol 1:13 sê dat ons oorgebring is uit die mag van die duisternis na die koninkryk van Jesus, dit beteken, as ons in 'n ander koninkryk is, moet ons sekerlik verstaan hoe werk finansies in hierdie koninkryk? Reis saam met ons en leer hoe kyk God na finansies.

Ongeloof het die Israeliete verhoed om die beloofde land in te neem. Maar waar kom geloof en ongeloof vandaan? Kom luister saam.

Israel was bang vir die reuse in die beloofde land, maar hulle skuil agter hulle vrees en noem dit wysheid. Maar God noem dit op die naam en hulle ongeloof verhoed 'n hele generasie om die beloofde land in te gaan. Ons moet ongeloof met hand-en-tand beveg in ons lewens!!

Twyfel en Ongeloof kan en sal die beloftes van God neutraliseer in ons lewe en ons moet dit erken en ontwortel so gou as moontlik.

Genade is God se onverdiende voorsiening in alles wat ons mag nodig hê, maar genade is nie outomaties nie. Ons kry toegang tot God se genade deur geloof.

Terwyl Josef alles behalwe sien wat hy in sy droom gesien het, behou hy onbeskryflike goeie karakter en inbors. En God is met hom, soveel so, dat sy Goddelose baas dit kan sien. Wat sou my en jou reaksie wees as ons die regte ding doen en ons word daarvoor in die tronk gegooi?

Koning Saul was baie ongeduldig, maar dit was nie sy ondergang nie. Hy kon nie verantwoordelikheid vat vir sy foute en om verskoning vra nie, maar het eerder ander blameer en verskonings probeer maak. Dit is nie God se hart nie.

Toe Israel aan die voet van Sinai wag vir Moses wat op berg is, het hulle gevoel hy bly nou te lank weg na hulle sin, en iets kom uit hulle hart wat hulle moontlik nie eens geweet het is daar nie. Hulle vra Aaron om vir hulle 'n afgod te maak wat hulle kan aanbid. Wat kom uit ons harte te voorskyn wanneer ons voel ons beloftes realiseer nie?

Terwyl jy wag op God se beloftes om te realiseer in jou lewe, onthou, moenie op jou gevoelens staatmaak nie. Jou gevoelens kan GLAD NIE vetrou word nie. Vertrou op God se Woord, want Sy Woord is waarheid, en waarheid kan nooit ooit verander nie!