Hoe verklaar jy dit?

Hoe word 'n fossiel wat soos 'n varingblaar lyk in 'n gesteente gevorm? Wat veroorsaak geel knoppe aan sommige geitjies se nekke? En hoekom is daar so baie mites oor die medisinale waarde van renosterhoring as dit basies uit dieselfde materiaal bestaan as voëls se snawels, bokke se horings en selfs mense se naels?

Hoekom sien 'n mens nie hadida-neste of –kuikens nie? Waarom gebruik ons rooi en groen waarskuwingsligte as rooi-groen kleurblindheid die algemeenste vorm van kleurblindheid is? En hoe word sneeuvlokkies gevorm?

Kan dit paddas reën? Is dit veilig om met wingerdstompies te braai, gegewe die hoeveelheid gif wat jaarliks in wingerde gespuit word? En hoe het seemeeue geleer om mossels op die rotse te laat stukkend val om die binnegoed te kan eet?

Het jy al gehoor van 'n seeslak wat bloublasies eet en die se gif stoor om self te gebruik? Wat is die doel van die SKA-projek by Carnavon en watter voordele hou dit vir ons in? En waar kom die miere vandaan wat skielik miershope begin bou op lande waarop nou minimum bewerking toegepas word?

Het jy al kennis gemaak met 'n erd- of draadslangetjie? Hoekom word groot hoeveelhede sand gereeld op die rotslae langs die Suid-Afrikaanse kus gedeponeer om na 'n jaar of twee, oornag te verdwyn en weer 'n kaal rotsagtige kus agter te laat? Wat veroorsaak dat 'n enkele telefoonpaal in die Timbavati 'n aanhoudende gedruis veroorsaak, terwyl daar geen geluid by die ander pale te hoor is nie?

Hoekom word dag- en nagtemperature in grade Celsius aangedui en nie in grade Kelvin nie? Watter dier het die skerpste tande? En hoekom word daar tydens opgrawings groot ronde spoelklippe meer as 'n kilometer vanaf die Eersterivier gevind?

Hoe bekostigbaar is die ontsouting van seewater in Suid-Afrika vir menslike en landbou-gebruik? Hoekom hou sekere hare op die mens se lyf aan groei en ander nie? Waarom is Ermelo op die hoëveld se temperature deesdae gereeld hoër as die van Nelspruit in die laeveld?

In die Krugerwildtuin staan bergseringbome wat lyk asof hulle in 'n ry op 'n granietrif geplant is. Hoe het hulle daar gekom? Hoe beweeg 'n pootlose akkedis? Wat is die verwantskap tussen akkedisse en slange?

Waarom bou sekere voëls modderneste? Daar is onlangs berig oor 'n dinossourus met vier vlerke wat in China ontdek is. Kon hy werklik met vier vlerke vlieg? Waarom moet 'n mens alle elektroniese toestelle op 'n vliegtuig afskakel as daar geen bewys is dat dit met die navigasiestelsel inmeng nie?

Kan 'n mens volhoubaar suurstof uit water onttrek? Hoe kan 'n mens 'n suksesvolle biosfeer in jou dorpstuin vestig? Kan rotte tonnels onder plaveisel grawe sodat die stene insak?

Op grond waarvan word 'n plant as onkruid geklassifiseer? Hoekom ervaar 'n mens vroegoggend dat die lug op sommige plekke warmer is as op ander plekke? Moet alle haaie voortdurend beweeg om asem te haal? Jurie van den Heever, Bennie Schloms en Piet Eloff beantwoord die vrae.

Was Tafelberg in die oertyd 'n eiland? Kan diere dieselfde emosies as mense ervaar? Wat veroorsaak deinserigheid in die lug? En hoe onderskei 'n mens tussen 'n aardbewing en naskokke?

Hoe gesond is kookolie, en meer spesifiek sonneblomolie? Het jy al ooit gehoor van Kalahari aartappels? En wat veroorsaak dat 'n mens se vel skielik begin jeuk?

Is dit moontlik om die aanteel van Indiese Mynas te beperk? Is dit waar dat 98% van die atome in die menslike liggaam binne 'n jaar vervang word? En hoe groot is die oppervlak wat 'n gemiddelde mens se vel beslaan?

As takbokramme na paartyd hulle gewei verloor, hoekom sien 'n mens dit nie in die veld rondlê nie? Kan 'n albaster 'n kalkaanpaksel op 'n elektriese ketel se element voorkom? Is daar 'n eenvoudige toets om te bepaal of flitsbatterye pap is? En wat veroorsaak kleure in 'n wolk, wat nie soos 'n reënboog lyk nie?

Slaap akwatiese diere ook soos landdiere? Is daar 'n verskil tussen die spoed van lig en die spoed waarteen die brein 'n bevel na 'n liggaamsdeel uitstuur? En hoe word die presiese tyd van sonsopkoms en -ondergang bepaal?

Hoekom het voëls nie saam met dinosourusse uitgesterf nie? En waar pas krokodille in hierdie prentjie in? En is dit waar dat soldate tydens die Eerste Wêreldoorlog urine op 'n sakdoek gebruik het teen die inasem van chloorgas?

Hoekom broei die eiers waarop 'n luisteraar se duif broei, nie uit nie? Waarom hou lêhenne aan eiers lê sonder om broeis te raak? Is dit moontlik om siektes te diagnoseer met behulp van foto's van die retina?

Is die Chinese beskawing regtig meer as 30 duisend jaar oud? Wat is die verband tussen die spoed van lig en die bepaling van die ouderdom van die aarde? En watter rol speel HDL en LDL in die mens se bloed?

Hoekom kan die menslike oog nie die draaiende lemme van 'n vliegtuig se enjin waarneem nie, terwyl dit wel op 'n foto vasgelê word? Kan aluminiumvensters roes? Is cholesterol werklik die oorsaak van hartsiektes? Chris Swanepoel praat met Jannie Hofmeyr, Hendrik Geyer en Jurie van den Heever wat die vrae beantwoord.

Gee lewende wesens vibrasies af en kan dit gemeet word? Wat veroorsaak verskillende vertikale kleurverskille in die grond in 'n padsnit? Hoekom lyk dit asof 'n potplant later net uit wortels bestaan en asof daar geen grond meer oor is nie? Chris Swanepoel stel die vrae aan die kenners Jurie van den Heever, Bennie Schloms en Piet Eloff.

Is 'n mens se gewig dieselfde by die ewenaar as by die pole?

Hoekom skuil miere so graag in elektroniese toestelle? Waarom word die Wes-Kaap periodiek in die herfs deur 'n kriekplaag geteister? Hoekom tref 'n mens lemurs in Madagaskar aan, maar nie in Afrika nie? En wat laat 'n ystervark besluit om dorp toe te gaan?

Word troeteldiere deur ons vibrasies gelok om teen ons te lê? Waar kom molle skielik na 'n lang afwesigheid vandaan? En is dit waar dat 'n bidsprinkaan-mannetjie na paring deur die wyfie opgevreet word?

Hoekom gaan sekere straatligte soms af wanneer 'n persoon daar verby draf? Watter invloed het voëls op die bewaring van fynbos? En watter gevaar hou die vibrasies van treine en groot vragmotors vir strukture soos die Durbanse hawe in?