Hoe verklaar jy dit?

Hoekom broei die eiers waarop 'n luisteraar se duif broei, nie uit nie? Waarom hou lêhenne aan eiers lê sonder om broeis te raak? Is dit moontlik om siektes te diagnoseer met behulp van foto's van die retina?

Is die Chinese beskawing regtig meer as 30 duisend jaar oud? Wat is die verband tussen die spoed van lig en die bepaling van die ouderdom van die aarde? En watter rol speel HDL en LDL in die mens se bloed?

Hoekom kan die menslike oog nie die draaiende lemme van 'n vliegtuig se enjin waarneem nie, terwyl dit wel op 'n foto vasgelê word? Kan aluminiumvensters roes? Is cholesterol werklik die oorsaak van hartsiektes? Chris Swanepoel praat met Jannie Hofmeyr, Hendrik Geyer en Jurie van den Heever wat die vrae beantwoord.

Gee lewende wesens vibrasies af en kan dit gemeet word? Wat veroorsaak verskillende vertikale kleurverskille in die grond in 'n padsnit? Hoekom lyk dit asof 'n potplant later net uit wortels bestaan en asof daar geen grond meer oor is nie? Chris Swanepoel stel die vrae aan die kenners Jurie van den Heever, Bennie Schloms en Piet Eloff.

Is 'n mens se gewig dieselfde by die ewenaar as by die pole?

Hoekom skuil miere so graag in elektroniese toestelle? Waarom word die Wes-Kaap periodiek in die herfs deur 'n kriekplaag geteister? Hoekom tref 'n mens lemurs in Madagaskar aan, maar nie in Afrika nie? En wat laat 'n ystervark besluit om dorp toe te gaan?

Word troeteldiere deur ons vibrasies gelok om teen ons te lê? Waar kom molle skielik na 'n lang afwesigheid vandaan? En is dit waar dat 'n bidsprinkaan-mannetjie na paring deur die wyfie opgevreet word?

Hoekom gaan sekere straatligte soms af wanneer 'n persoon daar verby draf? Watter invloed het voëls op die bewaring van fynbos? En watter gevaar hou die vibrasies van treine en groot vragmotors vir strukture soos die Durbanse hawe in?

Is daar maniere om die akkuraatheid van radio-metriese datering te bepaal? Watter voedselsoorte is ryk aan Omega 3 vetsure? En hoe doeltreffend is Omega 3 aanvullings in pilvorm?

Kan 'n gedroogde bokkom as 'n weervoorspeller gebruik word? Wat is rolwolke? Watter oefening bied die meeste voordele – hardloop of fietsry? En moet jy 'n boom in 'n ronde of 'n vierkantige gat plant?

Hoekom moet 'n effens na regs mik as jy na 'n teiken reg noord van jou skiet? Hoekom is die verskil tussen hoog- en laagwater tydens springgety groter met donkermaan as wat die geval tydens volmaan is? En hoe akkuraat is die ouderdomsbepaling van rotse met behulp van radio-metriese datering?

Waaruit bestaan 'n vis se reukorgane? Speel muskiete enige nuttige rol in die ekologie? En het jy al gehoor van die slimste spinnekop in die Kalahari?

Hoekom dra sommige katte so graag die blare van krismisrose huis toe? Kan pas gebore verkleurmannetjies dadelik van kleur verander of is dit iets wat hulle moet aanleer? En matter inseklarwe lyk asof dit vol sandkorrels is?

Wat veroorsaak die brand in 'n rissie? Hoe hou 'n vliegtuig se vlerke so 'n swaar voorwerp in die lug? En hoe werk die kloningsproses?

Kan 'n jong byekoningin 'n nuwe nes op haar eie begin? Hoe raak 'n mens van geitjies in die huis ontslae? En hoekom verskil honde en katte se gedrag so radikaal?

Hoekom vreet voëls nie mielies wat deur miere rondgedra is nie? Kom bergskilpaaie natuurlik in die Sederberge voor? En hoe beland 'n monster in 'n kwikkie se nes?

Sal die seevlak met 50% styg as al die ys op aarde smelt? Was dit 'n sikloon wat onlangs tydens die Kaap na Rio wedvaart seiljagte langs die Kaapse Weskus so beskadig het? En hoe kon fossiele van dinosouriërs vir miljoene jare behoue bly, terwyl die veel jonger piramides in Egipte reeds erge verwering toon?

Wat maak dit moontlik om vis slegs met behulp van suurlemoensap, sonder enige hitte, eetgereed te maak? Hoekom flikker liggies in die nag? En hoe het verskillende grondlae, bestaande uit verskillende materiale, in 'n padsnit naby Groot Brak gevorm?

Hoe beland indringer-insekte uit ander vastelande in Suid-Afrika? En hoekom floreer hulle so maklik in hulle nuwe tuiste? Wat veroorsaak dat 'n unieke akkedis-spesie by die Aughrabies Waterval, so gedy dat hulle die digste akkedis-bevolking per vierkante meter ter wêreld vorm?

Kan 'n mens akkurate weervoorspellings maak uit insekte se gedrag? Het jy al ooit van 'n haelkorrelgat-boorder gehoor? En hoe kry 'n reier dit reg om 'n lewende slang in te sluk sonder om gepik te word?

Hoekom lig honde so graag hulle bene teen motors se wiele? Hoe gebeur dit dat akkedis- en padda-spesies wat nooit in 'n sekere area voorgekom het nie, skielik daar aangetref word. En moet 'n mens hulle probeer verskuif?

Kan fossiele ons help om meer oor mitologiese monsters te wete te kom? Watter voordeel hou dit in om in die voertuig voor jou se sleurstroom te ry en kan die voorste voertuig ook daarby baat? Hoe ontstaan evolusionêre nuwighede?

Hoekom word 'n mens soggens wakker net voordat die wekker lui? Kan seksualiteit biologies verklaar word? En hoekom skei die Chinese en Russiese vuurpyle minder rook af tydens lansering as NASA s'n?

Hoe gebeur dit dat sommige mense se twee oë verskillende kleure het? Hoekom hardloop baanatlete anti-kloksgewys om die baan? En wat veroorsaak dat tamatiepitte binne in die tamatie begin ontkiem?

Waar kom die wit streep in die rantjies net voor Laingsburg, suid van die pad, vandaan? Is daar enige verband tussen die Olifantsrivier in die Wes-Kaap en die een in Mpumalanga? En wat word verstaan onder seksuele seleksie?