Gamer Things

Zwee Spiller hun an de leschte Wochen en enorme Succès fonnt, BATTLEBIT Remastered an Only Up! A wie wonnert et? Et gëtt vläit nees déi eng oder aner onerwaarte Meenung vun eisen 3 Podcastagnetten. The Crew Motorfest, Ratchet and Clank, an Tinykin sin aner Spiller iwwert déi mer och e bësse schwätzen, sou wéi och rëm e ganze Koup lëschtegt Gebraddels, sou wéi eis Zuschörer et gewinnt sinn.

De Mike an den Marc maachen sech Gedanken wat dann esou déi beschten a fetteste Spiller sinn, an déi ee kann an der Summervakanz erantauchen fir gutt ze profitéieren. Hunn se Spiller vergiess? Sot eis Bescheed!

D'Jonge vu Gamer Things maachen sech Gedanken doriwwer, wéi ee Spill wéi The Lord of the Rings: Gollum am Joer 2023 kann op den Marché kommen an den Petz versteet d'Timeline vu Call of Duty net. Ausserdem maachen si sech Gedanken iwwert d'Filmwelt a schwätzen iwwert SSMM. Wann der net wësst wat daat heescht, dann "hereingehört"!

Och wann d'E3 offiziell net méi stattfënnt, hunn all di grouss Publisher an Developer di lescht Woch hir Summer Showcase presentéiert. Obwuel eis 3 Gamer d'Genéck am Jelli hate vum Slipknot Concert, hunn si sech natierlech alles ugekuckt a sech e puer Spiller rausgepickt iwwert déi se schwäermen (an "haten").

Mir hunn eis déi éischt Playstation Showcase säit iwwer 600 Deeg ugekuckt. Konnt Sony domat en erfollegräiche Startschoss fir d'E3 Season ofginn? Mir laberen iwwer all dat Positiivt an dat Negatiivt vun dëser Presentatioun.

Den neien The Legend of Zelda steet an de Startlächer a mir gi scho mol ganz gär eis Prognosen dozou of. Mee leider hu mir net nëmmen schéin Themen dobäi. Well Redfall konnt net onbedéngt glänzen. Wat dann do alles schif gelaf ass an op wat mir eis bei The Legend of Zelda alles freeën, erzielen mir iech an dëser Episod.

Schlechte Start fir Star Wars Jedi: Survivor. Firwat sinn ëmmer méi Releases op deem Niveau ukomm? Dead Island 2 huet et besser hikritt! A wéi krass ass Unrecord w.e.g.?! D'Jungs vu Gamer Things sinn an der Achterbunn vun den Emotionen, hei an der neier Episod.

De Mike huet sech mat XDefiant den neie Call of Duty Killer vun Ubisoft ugekuckt an zielt seng éischt Andréck, de Petz disst einfach de ganze Genre. Den neie Super Mario Film brecht Rekorder wat d'Verkafszuelen ugeet, mee ass en da wierklech sou gutt? A schafft Blizzard mat hierem "Survivalspill" Odyssea net a Wierklechkeet heemlech un hierem nächsten MMORPG? Alles dat a vill méi an deser Episod.

Resident Evil 4 ass eraus an mir kréien domat en neien fantasteschen Remake. Dann hu mir nach als Themen The Last of us fir den PC, LGX, an News zu The Legend of Zelda dobäi.

De Resident Evil 4 Remake ass do, kann dëse mam Dead Space Remake mathalen, oder ass deen Standard elo ze héich? Ausserdeem huet de Mike d'Beta vun Diablo 4 ugezockt. Sidd dir och sou begeeschtert wéi hien, oder ass do nach vill ze verbesseren?

Eis 3 Spilliste beschreiwen hir lëschteg Abenteuer am Survival-Horror Sons of the Forest, de Petz reegt sech iwwer de PC-Port vu Wo Long: Fallen Dynasty op, an aus engem klenge Rant gëtt eng philosophesch Metapher fir d'modernt Daten. Alles dat a vill méi an dëser Episod.

Hogwarts Legacy ass erauskomm an mir hunn eis mol alles ganz genau ugekuckt. Dozou ass endlech Season 2 vun Call of Duty erauskomm. A wat do alles geännert huet, dat erziele mir iech an der neier Episode Gamer Things.

Eis Jonge schwätzen haut iwwert déi schéi Welt an éischt Andréck vum neien Harry Potter Spill: Hogwards Legacy, iwwert d'HBO Serie The Last of Us. De Marc schwärmt vum Gemetzel an Dead Space an den Petz erzielt iech iwwert den "The Day Before" Debakel.

A ville Gaming-Firmen brodelt et, bei Verschiddenen ass et schon iwwergelaf. Eis 3 Experte lamentéieren iwwert déi rezent Entloossunge bei Microsoft a Co. an déi méiglech Konsequenzen. Och gëtt driwwer argumentéiert ob Battlefield 2042 dann lo sou lues "ganz OK" ass, a wéi gewinnt ginn et och rëm e puer Andréck an déi privat first world problems deenen de moderne Gamer hautesdags géigeniwwer steet...

Wéi gëtt wuel d'Joer 2023 am Gaming Beräich? Wat iech am neie Joer erwaart an op wat mir eis am meeschte freeën, dat héiert dir an dëser Episod Gamer Things...

D'Jongen hu sech ganz ambitionéiert virgeholl iwwert d'Game Awards an iwwert déi beschten Spiller 2022 ze schwäetzen, hunn awer dono ganz vergiess iwwert d'Game Awards an iwwert déi beschten Spiller 2022 ze schwäetzen. Philosophéieren an der Gamer-Selbsthilfegruppe.

Déi nei Erweiderung fir World of Warcraft ass endlech do, a mir sinn iwwerrascht iwwert dat wat Blizzard hei ofliwwert. Och iwwerrascht si mer iwwert The Callisto Protocol. Wéi eng vun den zwou Iwwerraschungen da lo eng schéin ass, vill gerants iwwer Streaming-Säiten, an de Petz erliichtert sech enges düstere Geheimnis... alles dat a vill méi des Woch an der Sendung. Vill Spaass a good game.

Warzone 2.0 ass erauskomm an elo muss natierlech doriwwer geschwat ginn. Dozou hu mir nach fir iech DMZ, Infos zu God of War an et deet sech eppes an der neie WoW Erweiderung.

D'Jonge vu Gamer Things schwätzen iwwert hier Hass/Liebe Call of Duty a froen sech wisou een d'Spill awer ëmmer erëm umëcht- dozou kënnt God Of War Ragnarok, A Plague Tale Requiem a Playstation VR2 zu engem Spottpräis!

Ist die Katze aus dem Haus, tanzen die PC-Mäuse? Gëtt et eng besser Zäit wéi Halloween fir iwwer Horrorspiller a Filmer ze laberen? Mir fannen net. Mat Silent Hill a Resident Evil hunn direkt zwou vun de gréissten Horrorfranchisen am Gaming Presentatiounen iwwert hier Zukunft gehal. Dëst hunn eis Nerds sech natierlech ugekuckt an deele mat Iech hier Iwwerleeungen a Spekulatiounen. Vill Spaass mat...

Overwatch 2 ass eraus, mee huet dat Spill déi Nummer 2 am Titel verdéngt? Mir diskutéieren op Remakes iwwerhaapt Sënn maachen. Mir wënschen iech ganz vill Spaass mat dëser Episod!

D'Jonge vu Gamer Things waren op der LGX! Déi gréissten Gaming Foire vu Lëtzebuerg! Wéi gutt et hinnen do gefall huet, an wat si alles erlieft hunn an och e bësse konstruktiv Kritik fannt der hei an der neier Episod Gamer Things! Natierlech hunn si sech och d'Modern Warfare Beta net entgoen gelooss an iwwert den GTA6 Leak diskutéiert! Lauschtert eran!

LuxPlay huet sech eisem Podcast ugeschloss fir iwwert From Software an hir Soulsborne Rei ze schwätzen. An wat dobäi erauskënnt wann 3 Soulsborne Fans iwwert déi Rei schwätzen, gesitt dir hei bei Gamer Things