ESPERTA VALLADARES

Hoxe, patinaxe de velocidade con Chevy Guzmán, que ven de gañar o mundial en Rímini. Ademais, conversa con Brais González, sobre a ópera 'Loba Branca', ambientada no Courel. E un libro arredor da comunidade alemá en Vigo. Escoitaremos ó investigador Antonio Giráldez. Para rematar, unha de cine, ‘Alien’.

A bufanda e os calcetíns gordiños de ‘Maruchi e o gancho’, a prota do conto da ilustradora Laura Cid, vannos facer boa falta para ir ata Antártida a excavar!! Hoxe tamén falamos do patrimonio polar coa arqueóloga Maria Ximena Senatore, do Instituto de Ciencias del Patrimonio (Incipit).

Comezamos o #espertavalladares con ‘conversa rescatada’. A de Lobariñas en Cuba a regueifar con Lupe Blanco. Ademais, historias varias paseando estes días polo Revoltallo.

Neste venres. Unha conversa rescatada, a da web serie ‘Coia o Caos’. Charlamos con Rafael Bargiela sobre o pasado xudeo en Tui. E unha volta pola axenda desta finde. … a expo dos carteis de bandas de música do estudio londinense We Three Club na Galería Maraca … e o Revoltallo en Valladares!

Metal, moito metal esta mañá no #espertavalladares. Un adianto da xornada do sábado no Revoltallo coñecendo a Dioivo e Aquelarre. Ademais, a historia do pequeno Cinema Paradiso en Leiro. Falamos con Simone Saibene de como vai indo o documental.

París 2024. De tertulia con xente que andivo nos Xogos Olímpicos e Paralímpicos. Loreto Pérez Román no Comité de Apelación en atletismo e Eloy, como voluntario. E tamén unha de cine, peli francesa ‘A tiempo completo’.

Hoxe conversamos con Dani Blanco, un pouco paiaso da vida. A ver que nos trae o Revoltallo. Tamén falamos sobre o xeito particular de achegarse á fotografía (e de ensinala) de Anton Paz, que este mes anda polo centro cultural de Beade.

O #espertavalladares de luns segue a rescatar vellas conversas. A do documental ‘La ciudad de la selva’ e mais a do libro de Luisa Villalta sobre o Hamlet de Cunqueiro. E tamén andivemos de palique coa xente anónima da parroquia. Un popurrí coas mulleres bordadoras, algo dos que levan tatuaxes e cos que andan á vendimia.

É venres, e recuperamos unha conversa da tempada, a das fotomontaxes inocentadas de Pacheco no xornal La Región. E logo conversa sobre dous obradoiros do Revoltallo. O de canto con Laura Taka e o de pequenos instrumentos tracionais con Manuel Leiros.

Maxia esta mañá co Mago Zanas. Algo dos gustos musicais dos rapaces novos que pasaron onte polo estudio. E conversa co grupo Sun Iou antes dun ensaio.

Capoeira para comezar a mañá deste mércores coa escola Capoeira Abadá Vigo. E unha de moda. Roupa urbana made in Valladares, Burned Ground. E algo de cine, 'O corno'.

Morcegos de Galicia está a crear colonias para combater os mosquitos tigre en Moaña. Hoxe falamos sobre iso. Ademais, o Revoltallo xa ten cartel e hai obradoiros... o luthier Jesús Rodriguez ven dar uns truquiños para manter as guitarras e os baixos. E rematamos cun paseo, o que fixo Valle-Inclán dende Reboreda ó castelo de Soutomaior.

Os luns, como de costume, rescatamos un popurrí de conversas da tempada. Hoxe: as ostras da Pedra, os pementos de Padrón en versión caramelo (Doziños) e unha volta polo mundo dos celíacos.

Vai un venres musical. Un paradiña no Cunqueiro para recordar o especial de ‘música no hospital’. Ademais, a coral de Valladares fai 50 anos. Conversamos con Javier Comesaña Pereira, o director, para ver como van os preparativos.

O mundo está cheo de fósiles e por iso nace ‘Paleo no barrio’. Falamos desta ciencia de proximidade con Adriana,do grupo MapasLab da Uvigo. Algo de música con Pakolas, que anda on tour pola city…. a rockear! E xa comezan a desaparecer as capas da rondalla do tenderete radiofónico Conversa con Rosi, que toca as castañolas.

Nos deportes falamos da historia dos Xogos Paralímpicos. Ademais, imos ata Monçao para conversar coa artista Malouca (Mafalda de Castro). Colorida pintora irreverente. E cine… Matria.

Algunhas ideas para o tempo libre destes días. Paseo por Praia América ata a carpa do circo e sumerxirse no espectáculo a procura do tesoureo de Poseidón. Construir unha carrilana para baixar sábado as costas de Freixo (tendes ata mércores para inscribirvos nas redes de Freixo Rock). Ou descubrir lugares e músicas diversas en Galicia co ciclo Espazos Sonoros.

Mais especiais… os luns como de costume rescatamos unha historietiña que nos gustou. Hoxe demos unha volta polas distintas escolas onde se ensina o traballo do coiro en España. A visita guiada en ‘exclusiva’ para nós con Pepe Pereira, profe na EMAO. E tamén un paseo polo 'Diccionario de Vigueses (1875-1945) para coñecer a unha das dúas únicas mulleres que fixeron o bachiller naquelas, Dolores Buet...

Vai de remate agosto... Algo de axenda veraniega e o especial #espertavalladares que trae de novo a conversa sobre o espectáculo ‘Hexágomun’ de Troula e a do mel de Maestro Apicultor que producen as abellas pola contorna viguesa.

Xoves e venres estamos de descanso… peeero deixamos no #espertavalladares un par de especiais. No de hoxe andamos polos montes. Escoitaredes falar das vacas cachenas nos de Vincios, da plantación experimental de setas no de Beade e mais do que se está a facer no de Valladares.

O cheiriño e as cores enchen as rúas de Pontareas cada ano polo Corpus Christi… imos coñecer a inmesa tradición das alfombras de pétalos con Miguel, un dos alfombristas.

Cos restos de San Campio, comezamos o #espertavalladares. E ademáis, conversa con Lara Serodio, veciña de Zamáns e escritora que acaba de publicar a súa 5 novela, ‘La piel infiel’.

Subimos ó torreiro a facer o directo. Cando comezamos ás 10h estaban inda limpando os de parques e xardíns e cando rematamos empezaba a chegar a xente para a misa e concerto da banda.

Chega o vernes e van propostas. De paseo por un xardín histórico vigués e un libro ‘O mercador de Venecia’, a novidade de Lailovento. Ademais… San Campio, é noso!

Persoas xordas desfrutando dos concertos. Falamos sobre esta experiencia con entresignos.com. Ademais, a noite é necesaria… para que? Slowlight traballa nunha nova cultura da iluminación nas cidades.