ESPERTA VALLADARES

Nesta semana seguimos a recuperar historias... e botámonos ó mar coa desta muller, Carmen Gloria Piñeiro, que participou na primeira expedición española á Antártida. E tamén coa do proxecto ScanIV de control de cetáceos e a viaxe de O Piueiro a Pasaia.

Despois desta longa ponte… voltamos, pero imos deixar descansar á xente. Tiramos de arquivo e volvemos escoitar historias de emprendemento: a panadería DaCunha, as patatas Jaly’s, as Vioncas e a sidra de Hera Cider.

Ás portas da máis longa fin de semana do verán… vámonos de festa! O domingo é a festa do socio do Centro Veciñal e Cutural de Valladares. E por Vigo celebran San Roque! Tradición e música da man dos Erdeiros dos Morenos.

Peregrinos vs. picheleiros. Damos unha volta polos albergues, paramos no de Saians para saber cantos e de onde chegan, e rematamos en Compostela. Na rúa de San Pedro a asociación veciñal A Xuntanza colgou o decálogo do 'bo peregrino'.... E xa que estamos, xogamos nas rúas ó pai fillo nai. Hai mais de 200 taboleiros esculpidos na pedra identificados polo O Colectivo A Rula. E tamén coñecemos como s...

Mércores, deportes! Veña que coñecemos como se presenta a tempada do primeiro equipo de fútbol CD Valladares, e nada mellor que falar co novo adestrador, Ita. Tamén damos unha volta polas praias co proxecto Centinelas da Costa. Ademáis, coñecemos a proposta musical de Fillas de Cassandra, a piques de lanzar o seu novo traballo.

De Lugo a Vincios parando no Casco Vello. Montefurado na volta polo patrimonio. Para os amantes da música en directo nos bares falamos coa xente do histórico Pedramola en Vinos. E unha proposta cultural diferente, Vincios Verde Cultural.

A improvisación… deso sabe moito Wilson Saliwonczyk, payador arxentino que está percorrendo o país. Pero ás veces tamén nós, xa o sabedes. Ademáis, falamos coa A Fada do Aloia sobre as rutas que están a facer no Parque Natural.

Comezamos o finde cun caprichiño dulce, un vasiño dos que fan en Alicia’s Cake. Ademáis falamos de regueifa… mellor dito de payada arxentina, co musicólogo Matías Isolabella. E axenda cultural, que hoxe é a noite branca, son as festas de Matamá e a do xurelo en Chaín.

Entre as festas do verán destacan as que teñen que ver coa comida… imos ata Burela falar da que lle adican ao bonito. Ademáis, damos unha volta polo mundo dos blogues de viaxes con Dani Keral de Unviajecreativo e coñecemos a proposta de Piano du Lac, que anda estes días por Mondariz e mais o Lago Castiñeiras.

Xa no directo… entrevista gravada ;) Falamos coa corredora de ultratrails Aroa Sío, que anda adestrando por Francia e hoxe está de viaxe. Ademáis, conversamos con Samuel Diz sobre Música no Claustro, que se está a celebrar na catedral de Tui. E coñecemos o traballo de Creaciones Cascabel, que ideou unha pulseira con símbolos de Vigo.

Mais novas e toca unha volta polo pasado… vai unha de romanos e outra de irmandiños.

Veña, que hoxe houbo directo. Temos novas… depende dos xornais e depois un repaso polas historias que xa escoitamos sobre o Parque Nacional Illas Atlánticas. Falamos de fauna, de conservación… e das excavacións arqueolóxicas!

Coa fin de semana ás portas proposta infantil, co Dúo Vaguedades. Ademáis miramos ao mar, onde están a levar a cabo una nova campaña de estudio da distribución e abundancia de cetáceos nas augas atlánticas de toda Europa. Falamos con Camilo Saavedra, que está a bordo do Ramón Margalef. E axenda!

Rescatamos historias da casa. Achegámonos á toponimia da parroquia, recuperada nun libro dirixido por Gonzalo Navaza, e falaremos con José Iglesias Ramilo dos inicios da Coral, e dunha figura clave no seu desenvolvemento, Rey Rivero.

A Copa do Mundo de Triatlón chega a Pontevedra o vindeiro 23 de xullo. A organización está pechando os últimos detalles, pero ten un ratiño para falar con nós. Ademáis, imos ata o Chiringuito Deilán en Vilaboa, cunha historia ben xeitosa. E propostas de rutas para as fins de semana coa xente da Illa dos Ratos.

Alá foi unha nova edición do Festival Atlántica, a grande festa da narración oral en Galicia. Entre os máis de 40 narradores estivo Cris Collazo, falamos con ela da súa experiencia. Ademáis, coñecemos un invento moi práctico, o bolso Siesta. E como nos quedan folgos damos unha volta polos cañóns dun e doutro lado da raia do Miño.

Comezamos a semana cun sorriso ben grande. Paseo coa xente de Volta Montana, a ver que rutas nos ofrecen por Galicia. Ademais, un ratiño de conversa con Olga Brañas, camiño de recoller un premio ardeu o seu coche… e deulle por rir. E sobre os beneficios do humor charlamos con Naco Morán, membro de Paiasos sen fronteiras.

Primeira semana de xullo rematada… e con 150 nenos no campamento do Centro Veciñal e Cultural de Valladares. Tamén falamos de tatuaxes coa xente de Sputnik tattoo e traemos algunha proposta para a fin de semana!

Plan de verán… ou de calquera outra época do ano, imos ata Bueu. Proposta gastronómica peculiar no Noite, tapas e petiscos. Falamos coa xente do SonRías Baixas, que se celebra o primeiro fin de semana de agosto e están ultimando detalles. E unha voltiña por Cabo Udra, da man de Fran Alonso.

Vigo foi porto de saída para a emigración galega, e aínda segue sendo, pero tamén é o lugar no que van recalando os que chegan a Galicia, como o patinador Chevy Guzmán. Tamén traemos a historia de La Fabbrica del Gelato. E un pouquiño de música, con Laura LaMontagne e PicoAmperio.

Comezamos ao revés, primeiro patrimonio, que a xente de Campo Lameiro presentou as actividades deste verán no parque arqueolóxico. E despois unha historia curiosa: falamos co grupo Bajo+6, pero tamén de como chegamos a eles. Música por amor o arte e moi bo rollo.

As obras no torreiro… estarán a punto para San Campio? É unha boa pregunta. O certo é que teñen detrás unha longa historia. Ademáis, voltamos ao Vitruvia Café, que organiza un festival de jazz e música clásica na Alameda de Compostela nas noites desta semana. Esta finde estaba repleta de plans, como o Mar de Blues -A Guarda.

Inda nos quedan cousas por aprender das plantas, César Lema contounos algunha cousiña máis. E xa que no verán baixamos o ritmo, conversa pausada con César, o director da Unión Musical de Valladares. Un repaso pola súa traxectoria, dende os seus inicios na banda ata chegar á dirección. E algo de axenda cultureta.

Sentamos un ratiño na terraza do Vitruvia, coñecer a súa historia, os proxectos nos que andan metidos, as exposicións que acollen… Ademais falamos de viño con Luis Congil, que escribiu da súa historia en Galicia, que se remonta a máis de 2000 anos. E celebramos os 35 anos de Atlántico Diario.

Veña, que é mércores, e temos deportes. Falaremos de atletismo coa xente do Comesaña Sporting Club. Coñecemos a historia detrás de Hera Cider e imos ata Meder, onde se atopa unha alfareiría tradicional, Alfarería Añón.