ESPERTA VALLADARES

A voar. Non sabiamos que había tantos pilotos en Valladares. Desta volta, falamos con xente noviña da Gándara e mais da Garrida. Guillermo e Miram, que voan polo continente europeo.

Hoxe demos un paseo turístico en Vitrasa, de Valladares a Vigo no 7. E ademais, ben acompañadas coa música atlántica de Antilia.

Coñeceremos aos particulares gladieitors da Vigo Battle of Teams. Ademais, conversa con Carlos Carracedo sobre o seu poemario e algunha vivencia con Neira Vilas. E teatro, que a semana que ven comeza a MIT de Ribadavia.

Nai e filla, compañeiras de cordada. Falamos de escalada con Nerea e Gabriela, que é de Freixo. Ademais, esta semana comenza o curso de verán de clarinetes. Un anaquiño de conversa con Miguel García, que o coordina.

Quen non soñou algunha vez con voar? Tertulia sobre o voo sen motor con Ángel Martínez, que planea dende Mogadouro (Portugal).

Ata Cuba chegaron as regueifas. Bieito Lobariñas andivo por alí e víunolo contar contar. Ademais, coñecemos o programa +Bosques da Deputación de Pontevedra. Falamos con Sergio Portela, un dos seus guías.

Primeira finde de xullo e a axenda está chea! Porpostas na casa, que remata o Vigosaxforum. E fóra, que Indra Sesti DI Lucca, profesora de canto da Escola de Música, está de concerto en Cambados.

Ás veces cumprimos as nosas promesas… e baixamos dar unha volta pola Feira do Libro de Vigo. A que non atopamos foi a Beto Luaces, pero deunos unha entrevista falando da súa última obra “Vicus, un lugar elevado” que ven de saír do prelo.

Hoxe voltamos á terraza co directo. Conversa sobre os montes de Valladares co seu presidente. E nos deportes deste imos de visita ó ximnasio, que está no Teleclube.

Hoxe o directo saiu á terraza!! Paseamos polas Ons, coñecendo o seu patrimonio arqueolóxico. E xa que estamos nas illas, imos ata Cortegada co libro de Ángela Banzas, ‘La sombra de la rosa’.

Un pouquiño de todo no programa do luns. Origamis de flores con Anaquiños de papel. E música, da man de Suso Valcárcel, que anda mais contento que un cuco co master da súa nova canción.

De ostras, mellor dito de ostreiros. Imos falar con Jose Alberto, un dos dous que quedan dan Pedra. Ademais, coñeceremos un pouquiño máis das marsopas da man do Oceanográfico de Vigo. E saberemos da proposta que nos fan nesta nova edición do Vigo Saxforum en Valladares.

Proposta de música en vinilo.. pero da de escoitar en gramófono. Alejo Amoedo presenta ”A mansión dos anxos”. Ademais, conversa sobre o III Festival Iacobus Maris e último aviso para ir visitar a exposición de fotografías de Mary Quintero que está na sede da Deputación de Pontevedra.

No programa deste mércores imos coñecer ao equipo de orientación da Universidade de Vigo. Iso, nos deportes (https://fegado.es/). E, ademáis, conversa con alguén que sabe de orientarse, un piloto de voos intercontinentais de Valladares.

Veña, que xa estamos no verán! Imos ata o Parque Nacional das Illas Atlánticas de Galicia. Coñecerémolas sobre o papel, cos libros de Triqueta Verde. E, xa que andivemos recollendo as herbas para lavar a cara, vai a proposta de Las flores de Greta.

Sodes de botar unhas gotas ao café? Ou de tomar un chupito de herbas? Da historia da caña do país, do augardente, de onde se destila, ou se destilaba, que agora apenas hai alambiques nas casas. Conversa de vagar no recuncho da radio pero tamén visitaremos o Centro de Interpretación da caña do país en Valga. E falaremos coa xente de Barafunda que fan o Conxuro da Queimada.

Esta fin de semana a axenda está repleta, que o domingo son as fogueiras! Empezamos na casa, que mañá pola tarde hai xuntanza moteira no torreiro que organizan dende o Grupo Motero 4 Amigos, e despois damos unha volta coñecer as propostas de festa, que son moitas!

O San Xoán chama ás portas e no centro cultural xa están a organizar a fogueira. Falamos coa xente de Ecoloxistas en Acción que xa deron a coñecer as súas bandeiras negras. E conversa co IKFEM, que este ano estrean Orquesta Sinfónica da Eurorrexión.

No deporte, quedamos na casa que venres é o fin de curso do patinaxe! Ademais, falamos das propostas de escape room que ofrecen dende EuRural e imos ata Ortigueira coñecer a lenda do seu dragón.

Conversa coa xente de Nós Mesmas, que estamos no mes do Orgullo Crítico LGTBI+. Ademais, falamos con Zeltia Irevire, que anda metida nun novo proxecto, “Desfacer o medo”. E miramos cara o mar, coñecer da man do IEO que son e como están os fondos de maërl das rías galegas.

Un paseo pola natureza coa Senda do Moucho para empezar ben o luns. Ademáis, coñecemos a proposta desta edición do Sinsal, #sinsalsenrastro e o espectáculo “Universo entre Canciones”, que fusiona arte e ciencia.

Unha volta pola casa, ver a que andan no piso de arriba, que nós estamos nun recunchiño da cafetería. E paseo da man da ONG Igaxes por Panxón que teñen exposición de fotografías de Fuco Reyes.

Todo pode pasar cando o #espertavalladares baixa a Vigo. Desta volta paramos na Galería Maraca. Ademais, coñecemos as bicicletas de Beadebikes, un revival das de hai 200 anos. E conversa con Caruncho, que presentan disco e están de 30 aniversario.

Conversa con Santi Vieitez sobre o fútbol femenino, que ven de presentar un libro sobre as súas características difenciais. E xa que estamos lectores proposta: “52 días a bordo del Botafogo”, de Yago Presa Tomé. Ademáis falaremos con Javi Maneiro, que sacou disco en solitario.

Cando viaxades… sodes de traer souvenirs para vós ou para a familia? No Liste teñen unha exposición temporal sobre eles! Ademáis un café no Paparra, que eles son de coleccionar matrículas. E imos ata Vaidhé, unha tenda de cousas bonitas, incluidos recordos de Vigo.