Əkinçi

Narkotik maddə asılılığının ehtimal olunan səbəbləri hansılardır? Azərbaycanda maddə asılılığı olan şəxslər üçün hansı imkanlar mövcuddur? Növbəti qonağımız, sosial işçi Sənubər Heydərova ilə maddə asılılığı: səbəbləri və onunla mübarizə üçün mövcud resurslar barəsində danışmışıq.

Sadə Hüquq Platformasının əsas məqsədi ölkədə hüquqi maarifləndirmə aparmaq və ehtiyacı olan şəxslərə ödənişsiz hüquqi yardım göstərməkdir. Növbəti videomuzda bu platformanın həmtəsisçisi Sübhan Həsənli ilə söhbət etmişik.

Kiberzorakılıq nədir? Azərbaycan qanunvericiliyində kiberzorakılıq anlayışı varmı və buna görə sanksiyalar nəzərdə tutulurmu? Vəkil Zibeydə Sadıqova ilə şəxsi həyatın toxunulmazlığı haqda söhbətimizi izləyə bilərsiniz.

Seksual qısnama nədir? Azərbaycan qanunvericiliyində seksual qısnama anlayışı necə təsvir olunub? Hüquqşünas Ayşə Abdel Qadirlə seksual qısnamaya görə hüquqi məsuliyyət barəsində söhbət etmişik.

Memarlıq qarşısında duran ibtidai tələblərdən tutmuş, bu günümüzə qədər olan və gələcəkdə ola biləcək tələblərlə bağlı texniki və sosial tərəflər nədir? Memar Urfan Məmmədov memarlıqda artan tələblər haqqında danışır.

Autizm Spektr Pozuntusu fərdlərin həyatlarına necə təsir göstərir? Cəmiyyətdə Autizm Spektr Pozuntusu ilə bağlı yanlış bilinən fikirlər hansılardır? Uşaq inkişaf mütəxəssisi Aynur Hüseynli ilə Autizm Spektr Pozuntusu və erkən müdaxilənin vacibliyi haqqında söhbət etmişik.

Azərbaycanda vətəndaş cəmiyyətinin vəziyyəti nə yerdədir? Nə üçün insanlarda institutlara, qurumlara və qeyri-hökumət təşkilatlarına qarşı inamsızlıq hökm sürür? Tədqiqatçı Nəcmin Kamilsoyla vətəndaş cəmiyyəti, sovet irsi və məcburi “könüllülük” haqqında danışmışıq.

Sosial iş və sosial işçilər nə üçün əhəmiyyətlidir? Sosial işçilərin qarşılaşdıqları problemlər hansılardır? “Qadın Üçün” təşəbbüs qrupunda sosial işçi Afaq Aqillə söhbətimizi izləyə bilərsiniz.

Qadınlar sülh quruculuğu prosesinə necə töhfə verirlər? Sülhün qurulmasında və bərpa olunmasında qadınların rolu nə üçün əhəmiyyətlidir? Gender və inkişaf eksperti Şəms Mustafayeva ilə qadınların dayanıqlı sülhün bərpasında rolu haqqında söhbət etmişik.

Seçkilərdə müşahidəçilik nəyə görə vacibdir? Səslərimizi necə qoruya bilərik? Seçkilər üzrə mütəxəssis Məmməd Məmmədzadə ilə söhbətimizi izləyərək öyrənə bilərsiniz.

İqtisadi bərabərsizliklərə hansı amillər səbəb olur? Mövcud iqtisadi sistem bərabərsizliklərin artmasına və ya aradan qaldırılmasına necə təsir göstərir? İqtisadçı Əhliman Abbasov ilə gəlir və fürsət bərabərsizliyi: səbəbləri və fəsadları barəsində söhbət etmişik.

Növbəti videomuzda yazar-tərcüməçi Cəmilə Məmmədli ilə əlilliyi olan şəxslərin qarşılaşdıqları problemlər, media qurumlarının əlilliyi olan şəxsləri yazıqlaşdırma cəhdləri və bərabər imkanlar haqqında söhbət etmişik.

Fandreyzinq nədir və onu necə uğurlu şəkildə həyata keçirmək olar?  Növbəti videomuzda Toxum kraudfandinq platformasının həmtəsisçisi Toğrul İsmayılovla sosial təşəbbüslər üçün fandreyzinq alətləri haqqında danışmışıq.

Beynəlxalq hüquqşünas Nurlan Mustafayev deyir ki, konflikt və işğal nəticəsində Azərbaycana dəymiş ziyanı BMT 53.5 milyard dollar məbləğində qiymətləndirib. Bəs işğala görə təzminat alınmasının beynəlxalq hüquqi əsasları hansılardır? Videomuzu izləyərək öyrənə bilərsiniz.

İşçilərin ən çox qarşılaşdıqları əmək hüququ pozuntuları hansılardır? Bu hüquqların bərpası üçün nə etmək lazımdır? Hüquqşünas İnara Camal ilə əmək hüquqları barəsində ətraflı söhbətimizi izləyə bilərsiniz. 

Psixoloji zorakılıqla mübarizədə sosial media platformaları bizə necə kömək ola bilər? Psixoloji zorakılığa məruz qaldıqda kimə müraciət edə bilərik? “Açıq platforma”-nın həmtəsisçisi Qumru Əliyeva ilə psixoloji zorakılığa qarşı onlayn aktivizm haqqında danışmışıq.

Sosial medialar Metaverse inqilabına qarşı necə mübarizə aparacaq? Bu sahədə biznes mühitinin formalaşdırılması necə olacaq? NFT nədir və virtual dünyamızı necə dəyişə bilər? Sosial media tədqiqatçısı Cavid Ağa ilə söhbətimizi izləyə bilərsiniz.

Kitab bloqçuluğu getdikcə daha çox populyarlıq qazanmağa başlayan sahələrdən biridir. Növbəti videomuzda bu kimi bloqlardan biri olan “Kitabı karandaşla oxuyanlar”-ın təsisçisi Lamiyə Göyçəyeva ilə söhbət etmişik.

Texnologiya sahəsində qadınlar üçün hansı çətinliklər mövcuddur? Nə üçün qadınlar bu sahədə uzunmüddətli qalmırlar? İnsan-robot ünsiyyəti mütəxəssisi Maral Qurbanzadə ilə söhbətimizi izləyin.

Təhsildə hansı növ dəyərləndirmə şagirdlərin öyrənmə prosesinə daha çox kömək edir? Ümumiyyətlə, təhsilin qiymətləndirilməsi lazımdırmı? Tədqiqatçı Ayaz Kərimovla təhsilin qiymətləndirilməsi və dəyərləndirilməsi haqqında danışmışıq.

Hər il dünyada tonlarla ərzaq itkisi olur. Araşdırmalara görə, dünyada 690 milyon insan aclıq içində yaşayır. Bu qədər insan aclıq içində olan halda, bu qədər ərzaq necə israf edilir? Kənd təsərrüfatı layihələri üzrə mütəxəssis Ramil Əzməmmədovla videomuzu izləyə bilərsiniz.

Multikulturalizm nədir? Nə üçün müxtəlif mədəni dəyərlərə qarşı tolerant yanaşmalıyıq? Dövlət siyasəti üzrə mütəxəssis Nicat Məmmədli ilə söhbətimizi izləyərək bu suallara cavab tapa bilərsiniz.

Geyim sənayesi, sürətli istehsal ətraf mühitə necə zərər vurur? Bu zərərləri mümkün qədər azaltmaq üçün istehlakçı kimi nə edə bilərik? Dizayner Renara Şəmsiyeva ilə geyim, təkrar istehsal və ətraf mühit haqqında söhbət etmişik.

Qorxu mədəniyyəti nədir və o hansı fəsadları törədir? Bu fəsadların qarşısını almaq üçün hansı addımları atmaq lazımdır? Məktəb müəllimi Suqra Cəfərova ilə məktəblərdə qorxu mədəniyyəti haqqında danışmışıq.

İqlim dəyişikliyi bizi hansı problemlərlə üz-üzə qoyur? Bu yeni çağırışa Azərbaycan şəhərsalma məktəbi necə reaksiya verməlidir? Müstəqil araşdırmaçı Bayram Axundovun şəhərləri iqlim dəyişikliyinə adaptasiya etməyin yolları haqqında mühazirəsini izləyə bilərsiniz.