Día a Día

A Quinta de Tui Futsal terá un dobre debut ligueiro especial esta fin de semana. Os seus equipos cadetes e infantís xogarán por primeira vez a Liga Galega, un dobre reto deportivo e loxístico. Falamos con Xacobe Morais da ilusión que supón esta competición.

Esta fin de semana celébranse as festas na honra á Virxe das Dores en Guillarei. O programa festivo comeza hoxe e prolongarase até o próximo luns. Hoxe estiveron na nosa sintonía o presidente da Comisión de Festas, Daniel Dacosta, e a vicepresidenta, Pilar Gregores, que amosaron tamén a ledicia por contar con Chola, Laura Villaverde, para o pregón de hoxe.

Este sábado terá lugar na praza de San Fernando o I Encontro de Folclore da Raia, organizado pola Asociación do Traxe Tradicional de Tui. Será un evento onde dita Asociación estará acompañada polo Rancho Folclórico e Cultural de San Juliao de Valença e o Rancho de Fiestras, da Treboada Virxe do Alivio de Tomiño e das pandereteiras Lagharteiras (coa tudense Uxía Diz). Hoxe estivo no programa Día a...

A vella Ponte Internacional foi hoxe o escenario das demostracións de distintas probas do coche autónomo conectado á rede 5G do CTAG que forma parte do proxecto 5G-MOBIX. Na Eurocidade Tui-Valença presentáronse hoxe as conclusións e resultados deste proxecto no que participan máis de 50 socios de 13 países europeos.

O próximo 3 de outubro comeza o programa "Yo Emprendo" no Concello de Tui para fomentar o emprendemento, acompañar a mocidade e futuros emprendedores e apoiar a aqueles que estén nesa búsqueda de opcións laborais. Está enfocado a menores de 30 anos que estean inscritos na Garantía Xuvenil, na Oficina de Emprego, e que non estean actualmente cursando ningunha formación reglada. Hoxe estiveron na no...

A Plataforma en Defensa da Sanidade Pública en Tui organizou unha recollida de sinaturas no centro de saúde de Tui. Será mañá, xoves, dende as 9 ata as 12:30 h. Hoxe falamos coa voceira desa plataforma, Conchi Martínez, que nos falou das mobilizacións e obxectivos que teñen preparados para este mes, entre os que tamén está a mellora do servizo de fisioterapia en Tui.

Neste novo curso 2022-2023 implantouse a nova lei educativa, a LOMLOE ou Lei Celáa, no seu segundo ano, e o fixo nos cursos impares de 1º, 3º e 5º de primaria, 1º e 3º de secundaria e 1º de bacharelato. Hoxe falamos co director do IES San Paio, Miguel Abraira, sobre esta implantación e sobre os novos proxectos e programas que encara a comunidade educativa neste novo curso.

O alumnado de infantil tamén voltou esta semana ás diversas aulas do CRA Mestra Clara Torres. Falamos coa súa directora, Marta González Quintana da actualidade do centro, as obras acometidas e as pendentes e do premio recibido o pasado ano como mellor colexio de España.

Falamos con Priscila Retamozo no noso habitual espazo semanal dedicado ao programa Feminino Plural. A coordinadora expón as actividades que terán lugar esta semana, abertas a todas as mulleres interesadas.

O alcalde de Tui, Enrique Cabaleiro, valorou hoxe na nosa sintonía os positivos datos que o mes de agosto nos deixan en canto ao Camiño de Santiago na cidade. Tui foi o segundo punto de partida de peregrinos e peregrinas cara Compostela, dende aquí sairon case a metade das 17.300 persoas que realizaron o Camiño Portugués, que foi o segundo máis transitado.

Tomiño celebra esta fin de semana as festas do Alivio que volven tamén a normalidade tras dous anos atípicos debido á covid. Mañá ás 21 h no Seixo celebrarase o acto cívico no que será homenaxada a chef tomiñesa Toñi Vicente. Hoxe no programa Día a Día estiveron Sandra González, alcaldesa de Tomiño, e Toñi Vicente.

O Club Bádminton Tui vén reclamando que o reparto dos pavillóns e dos horarios de uso para os seus adestramentos sexa máis equitativo. Marisa Giráldez e Javier Argüelles, responsables do equipo tudense, reclaman que esta xestión deixe de ser "inxusta" con eles.

Falamos con Sonsoles Vicente, concelleira de Educación de Tui sobre o inicio do curso escolar 2022/2023, as obras acometidas este verán nos centros públicos da cidade e das actuacións aínda por realizar nos mesmos.

Este próximo sábado, a Eurocidade Tui-Valença contará cun novo evento deportivo. O Budiño Raid Eurocidade afronta a súa séptima edición con gran éxito de participación e varios deportes. Falamos con Marcos Lago, organizador, e Rafael Estévez, concelleiro de Deportes de Tui.

A cuarta edición da Mostra Asociativa da Guarda arrinca este sábado na praza de Avelino Vicente. Trátase dun evento participativo no que ten cabida todo o tecido empresarial da localidade cos tradicionais stands, acompañado de música, obradoiros, teatros, perfomance, xogos interactivos e tradicionais, obradoiros de nós, chapas, probas de remo ergómetro e sorteos, entre outros. Esta mañá falamos co...

Hoxe se inaugura a exposición “Abrimos portas?” da artista tudense Rosa María Vila, e será ás 20 h na Sala Municipal de Exposicións no edicifio Francisco Sánchez. A mostra será unha recompilación de 25 portas, tanto de Tui como de Valença, e estará enmarcada pola grande presenza que teñen estes obxectos na nosa vida, segundo di Rosa María Vila, artista que pasou hoxe pola nosa sintonía para explic...

O próximo venres 16 e sábado 17 terá lugar a visita teatralizada no Castro do Alto dos Cubos, no monte Aloia. Esta visita pertence ao Ciclo de Historias Cavadas impulsado pola Deputación de Pontevedra por segundo ano consecutivo, e se vai a desenvolver en cinco castros da provincia. Para conversar sobre esta iniciativa falamos coa presidenta da Deputación, Carmela Silva.

Este domingo chega á Catedral de Tui o ciclo “Un Camiño Ben Temperado” organizado pola Orquestra Clásica de Vigo. O ciclo está formado por cinco concertos que comezaron o venres pasado en Redondela, e o domingo en Baiona. Esta semana a cita estará na comarca do Baixo Miño pechando o domingo en Tui ás 18.30 h na catedral co "Requiem para o mosteiro de Santa Clara" co cuarteto Metáfora das flores ba...

Helena Madeira deu onte un concerto con repertorio sefardí no marco das Xornadas Europeas da Cultura Xudía. A igrexa de San Domingos se encheu de música medieval europea coa voz e a arpa da músico portuguesa.

Falamos co investigador Elyjah Byrzdet, autor tamén de varios libros sobre historia, xudaísmo e xenealoxía. No marco das Xornadas Xudías de Tui, imparte hoxe a charla 'Lo que debes conocer de los judíos' no edificio Francisco Sánchez ás 20h.

A pasada semana pasada o PSdeG (PSOE) presentou á súa candidata á alcaldía de Tomiño, Violeta de Santiago, nun acto no que estiveron presentes Abel Caballero, alcalde de Vigo, Carmela Silva, presidenta da Deputación de Pontevedra, e David Regades, secretario xeral provincial, entre outros cargos.

O programa Feminino Plural continúa a súa programación formativa en Tui. Falamos con Priscila Retamozo, axente de igualdade e coordinadora do programa, xunto a María José Márquez, técnica laboral e encargada do obradoiro que se impartirá mañá martes para afondar na situación da muller no mercado laboral e axudalas a identificar oportunidades, acceder e manter os empregos.

Este sábado haberá en Salvaterra do Miño, durante toda a xornada, unha concentración de coches clásicos, está organizada polo club de clásicos Fiolledo. Hoxe estiveron na nosa sintonía Mónica Dominguez e Manuel Gándara, organizadores, para falarnos do porqué desta concentración.

Falamos con Carlos Estévez, da Federación Galega de Motonáutica, sobre o Campionato de España de Radiocontrol Térmico que se celebrará en Tui esta vindeira fin de semana. Trátase dunha novidosa modalidade de embarcacións tripuladas, moi veloces, e que contará con vinte participantes de toda España.

Antón Conde, secretario xeral provincial do sector ferroviario de CCOO fixo balance da situación ferroviaria que vive a provincia de Pontevedra, incluíndo tamén as súas propostas para unir Tui con Portugal e con Vigo, establecendo unha liña de cercanías.