Día a Día

Mañá comezan xa as actividades programadas para a celebración das Xornadas Europeas da Cultura Xudía coa inauguración da mostra “As familias cripto-xudías, entre a diáspora e a asimilación: os Coronel”. Hoxe estiveron na nosa sintonía a concelleira de Cultura, Sonsoles Vicente, e Rafael Sánchez Bargiela, historiador, para falar máis sobre elas.

Este sábado celébrase a XV Dirt track Xacob Agra no velódromo municipal do Porriño. Será unha carreira nocturna, comezando ás 21 da noite, e tamén solidaria. Hoxe estivo con nós Joaquín Agra, o presidente do Moto Club Papaya.

Esta fin de semana celébrase o Festival Intercéltico O son do Pazo organizado polo Círculo Cultural Santa Eulalia de Mos. O presidente deste colectivo, José Ramón Alfaro deunos os detalles desta sétima edición que se celebrará venres e sábado.

Este sábado terá lugar o I Serán do outono, organizado pola Treboada San Campio de Lonxe, que será en Tomiño, no torreiro do Alivio, coa foliada ao final do día, amais dos dous obradoiros que, ao longo do día, haberá para nutrir de máis contido a xornada. Hoxe nolo contou Xoán Manoel Álvarez, secretario da Treboada de San Campio.

Co alcalde de Tui, Enrique Cabaleiro, falamos hoxe do inicio das obras de humanización na rúa Colón e tamén en Riomuíños no entorno do lavadoiro e da Ponte. Tamén se referiu ao inminente comezo da pasarela do río Louro, e á situación doutros proxectos coma a apertura da rúa Ourense cara a Avenida de Portugal.

O programa Feminino Plural, que conforman sete actividades formativas e sete obradoiros, prosegue cada martes e mércores en Tui. Hoxe estiveron con nós Priscila Retamozo, coordinadora e axente de igualdade, e Irene Rodríguez, unha das mulleres que participan no programa.

A Fortaleza de Valença volve esta fin de semana ao século XII e a loita entre España e Portugal. Farao na Feira Medieval que se celebra dende hoxe e até o domingo, onde haberá gastronomía, música, artesanía e espectáculos, tamén, a cabalo. Hoxe estivo con nós o presidente da cámara de Valença, José Manuel Vaz Carpinteira para falar do significado histórico desta feira.

Dani será hoxe a responsable do concerto de clausura do IKFEM 2022. En breve publicará o seu segundo album Postdata do que “Me da igual” é un dos sinxelos, un tema que de seguro interpretará hoxe a partir das 20.45 h no Paseo Fluvial pechando a décima edición do IKFEM.

O piloto tudense Diego Vila vai segundo na Copa Pirelli AMF Motorsport, copa de promoción dentro do Campionato Galego de Rallis e ocupa este lugar tras celebrarse a pasada fin de semana o Rali Pazo Tizón, e a falla de tres probas. Diego Vila, que forma o equipo Aguanta Volante xunto a Alex Sampayo pilotando un Citroen, falou no programa Día a Día da gran rivalidade que existe nestas probas.

Balance moi positivo desta décima edición é o que realiza a directora do IKFEM, Andrea González, a dous días de que remate o festival. Así o sinalaba hoxe no programa Día a Día, onde deu conta dos concertos desta tarde con Talentos da Eurocidade e Julio Resende e Almo no Jardim Municipal en Valença.

Este sábado celébrase o XXVII Festival das bandas na praza de San Fernando, organizada pola Banda de Música Popular de Tui, que tocará xunto á convidada Unión Musical de Candeán. Será ás 21:00h con entrada libre e gratuíta. Hoxe falamos co director da Banda tudense, Eloy Carrera.

Unha mestura entre o piano e o canto lírico é o espectáculo musical que hoxe ás 22.30 h presentarán no Jardim Municipal de Valença Julio Resende e o dúo Almo. Así nolo explicou esta mañá no programa Día a Día o propio Julio Resende.

Esta tarde contaremos na Eurocidade co maior carrillón itinerante do mundo, é o Carrillón LVSITANVS. Actuará dentro da programación do IKFEM ás 18 h na Corredoira e ás 22.30 h ES no Jardim Municipal en Valença. Ana Elías é a responsable de facer soar este carrillón. Hoxe contounos coma xurdiu esta idea e cómo serán os concertos desta tarde.

A Andaina da Pedra Santa é a seguinte cita que temos dentro do calendario de Andainas da Eurocidade Tui-Valença. A cita será o domingo 4 de setembro con saída ás 10 h da praza da Inmaculada. Son 9 quilómetros de dificultade baixa e un tempo estimado de 3 horas. José Martínez Tato, presidente de AndaTui, explicaba hoxe no programa Día a Día, as características desta ruta. A inscrición pode facerse...

Mañá xoves dende ás 9.30 h un total de 111 veciños e veciñas de Valenzuela, Córdoba, confeccionarán unha alfombra cun serraduras tinguidas no Paseo da Corredoira, a carón da Oficina de Turismo. Deste xeito promocionan a súa festa do Corpus, e o Camiño de Santiago. Así nolo contaba hoxe Manuel García Rivas, técnico de Cultura do Concello de Valenzuela.

Dentro da programación do IKFEM hoxe martes ás 17 h ES na igrexa de Santa María dos Anjos en Valença, Pablo Gómez Ábalos ofrecerá un concerto de música barroca e clásica interpretada co clavecín Royal. Así nolo contaba o propio Pablo Gómez hoxe no programa Día a Día.

Miles de persoas volverán darse cita mañá no barrio de San Bartolomeu de Tui para acudir á tradicional feira Cabalar. Dende primeira hora terá lugar a actividade de compra venda, pero tamén está previsto un amplo programa de actividades. Estiveron na nosa sintonía Rafael Estévez, concelleiro de Deportes, Marcos González, representante de Hípica Marcos, e Juanjo Rendón da Comisión de Festas.

No CEIP nº2, situado na Avenida da Concordia, os últimos días veñen de rematar os traballos para dotalo dun patio cuberto, dando así resposta a unha vella demanda da comunidade educativa. A concelleira de Ensino, Sonsoles Vicente, explicouno hoxe na nosa sintonía, amais de falar de futuros proxectos de mellora de centros educativos do municipio.

O Mago Teto actuará esta noite, ás 21.30 h, en Caldelas dentro da Semana Cultura A Insúa e do Festival Mundial do Ilusionismo. Será un espectáculo de participación e moito humor coma hoxe nos explicaba.

Pablo Carpintero e Rosa Sánchez ofreceron o pasado sábado na Alameda de San Domingos un concerto didáctico de música tradicional no marco do IKFEM. Hoxe Pablo Carpintero deunos conta de coma foi este evento musical.

Hoxe estiveron na nosa sintonía a concelleira de Igualdade Ana Mª Núñez, a axente de igualdade Priscila Retamozo e a psicóloga do programa Noemí Silva. Con elas coñecemos máis polo muído o programa Feminino Plural que até finais de setembro se está a desenvolver en Tui.

Hoxe ás 21 h na igrexa de San Domingos actuarán Nuria Lorenzo, mezzo soprano, e Alejo Amoedo, piano, cun concerto de música clásica titulado “Versos Femininos”, con música de Juan Durán. Hoxe o compositor Juan Durán explicaba no programa Día a Día que son estes (di) versos femininos.

Onte pasada as 15.30 h rexistrábase un incendio na zona de Lapela en Monçao, minutos antes declarábase outro en Cambeses que xa está controlado. No de Lapela traballar máis dun centenar de efectivos e 33 medio terrestes nun lume aínda sen control. Miguel Rocha de Radio Vale do Minho deixounos esta mañá a crónica da situación que se está a vivir no municipio.

Isto é rock! é o título do concerto que o venres 26 ás 19.30 h ofrecerán no Paseo Fluvial de Tui Javier Becerra, Carolina Rubirosa e Diego Rois, dentro da programación do IKFEM. Contounos coma será o concerto Javier Becerra

Con 21 participantes hoxe celébrase na Ribeira de Caldelas un concurso de talentos co que se abre a programa da Semana Cultural que organiza a Asociación A Insua. Mañá será a quenda do Rocha Folk. O programa continúa até o venres 26 coma hoxe detallaba Eduardo Dacuña.