Día a Día

A Asociación Avelaíña cumpre 25 anos e organizará mañá no Teatro Municipal de Tui un acto para adolescentes de centros educativos da comarca sobre saúde mental. Esta mañá falamos con Uxía Rodríguez, educadora social da organización.

Falamos de recordos, do pasado, de fotografías e de palabras que recordan tempos e personaxes dun lugar: o pobo da Gándara e, por extensión, da Guarda. E falamos dun libro, de “Personaxes e oficios de tradición popular”, elaborado con numerosas fotografías dese pobo, e tamén dos barrios de Pintán e Proba. O autor é Victoriano Rodríguez, con quen falamos hoxe.

Esta mañá falamos con Avelino Martínez, axente da Policía Local de Tui, que detallaba os cortes de tráfico e restriccións na A-55 entre Randufe e Areas.

Hoxe comeza o club de lectura “Tempo de mulleres” ás 19 h no edificio Francisco Sánchez, na Biblioteca Municipal. Neste club, os e as participantes lerán obras escritas por mulleres baixo unha atenta lectura e diálogo, analizándoas e falando sobre elas dende unha perspectiva de xénero. A escritora tudense Conchi Regueiro será a encargada de dinamizar este club, e con ela falamos hoxe para coñecer...

Achegar o mercado dos xoves de Tui ao centro urbano, modificar o tamaño dos postos ou especialización nos produtos son algunhas das propostas que, dende a Asociación de Mercados Ambulantes de Vigo e Comarca están plantexando para este mercado tudense. Hoxe falamos sobre estas propostas con Begoña Martínez López, presidenta de dita Asociación, quen di que a zona onde actualmente está o mercado non...

A segunda edición de Rock no Alboio será o sábado 3 de decembro. Trátase dunha cita musical con rock e viño nas Bodegas da Val, en Salvaterra. Hoxe contounos todos os detalles do evento Miguel Anxo Rial, de Viño Activo.

A marca Somos Océano, metade tudense e metade viguesa, vén de presentar unha nova colección inspirada nos filmes de Pedro Almodóvar logo dun acordo coa productora El Deseo. Hoxe falamos con Ana Carpinteiro e Fran García, creadores, sobre este fito da marca.

O domingo celébrase o VII concurso “Pinta Tui”, un certame de pintura organizado por ACITUI e patrocinado polo Concello de Tui. Esta mañá falamos con José Díez, presidente desta asociación, que nos contaba máis detalles do concurso.

Este domingo ás 12.30 h o Concello da Guarda realiza unha homenaxe á Marea Branca no 20 aniversario do afundimento do Prestige e hoxe falamos co alcalde guardés, Antonio Lomba, quen tamén falou sobre a presentación de onte do Proxecto da Rede Cruceiros Costeiros e Fluviais dos Destinos Náuticos Sostibles de España (Red CCF).

Co alcalde de Tui, Enrique Cabaleiro, pechamos hoxe a rolda de conversas cos representantes políticos da corporación municipal de Tui.

Este fin de semana voltan as Festas de San Martiño a Caldelas con actuacións musicais, misa solemne e castañas e chocolate de balde. Tamén falamos sobre o concurso de decoración de Nadal que organiza a Asociación A Ínsua.

A crise económica que dende hai meses está presente en, prácticamente, todo o mundo, está provocando que moitas persoas e familias véxanse obrigadas a pedir axuda, neste caso, alimentaria. Hoxe falamos con José Quinteiro e José Montes, directivos de SOS Tomiño Baixo Miño, quen prevían unha crise pero nunca, din, deste calibre.

Falamos de turismo e precisamente dunha actividade que terá lugar este sábado día 12 en Tui. Chámase “O Tui menos coñecido”, e consistirá nun roteiro pola nosa cidade guiado por Guido Álvarez. Este guía lucense impulsou no ano 2019 o seu proxecto Guido Guía, co fin de dar a coñecer as cidades de Galicia dende un punto de vista descoñecido. El nos contou de que se trata específicamente a súa inicia...

Esta fin de semana volta o Mercadiño de motos antigas a Goián. Será no pavillón polideportivo e contará con expositores vidos de toda España. Falamos con José Fernández, organizador, que detallaba os horarios e que poderá atopar e comprar o visitante.

Está en marcha a campaña #ElixeTui posta en marcha polo concello de Tui para impulsar e promocionar a compra nos establecementos locais. Esta mañá pasou pola nosa sintonía a concelleira de Comercio, Ana Mª Núñez, para explicar os detalles desta campaña.

Hoxe venres, ás 19.30h, haberá unha nova cita de outono no Teatro Municipal de Tui. Será co espectáculo ‘Natanam’ da compañía Da. Te Danza, interpretada por María José Casado e Raúl Durán. Trátase dunha obra na que dous amigos se atopan nunha sala de xogos e descobren os catro elementos. Hoxe falamos precisamente co director, Omar Meza, quen explicou o interxeracional deste espectáculo e os temas...

O voceiro do Partido Popular, José Ángel Fernández, compareceu hoxe na nosa sintonía dentro da rolda de conversas cos grupos políticos presentes na corporación municipal.

O proxecto Ponte… nas Ondas! vén de superar o último trámite previo á súa inscrición no Rexistro de Boas Prácticas de Salvagarda do Patrimonio Cultural Inmaterial da Unesco e hoxe haberá unha charla sobre este proxecto en Tui. Hoxe falamos con Santiago Veloso, o seu fundador.

A voceira do BNG na corporación municipal de Tui, Carmen Núñez, estivo hoxe na nosa sintonía dentro da rolda de conversas que estamos a manter cos grupos políticos presentes na corporación municipal de Tui.

Hoxe continuamos a rolda de conversas cos voceiros dos grupos políticos presentes na corporación municipal de Tui. Esta mañá foi a quenda de Manuel González Vázquez, voceiro de Ciudadanos.

Este sábado día 5 terá lugar unha nova andaina organizada por AndaTui entre Malvas e Pexegueiro. A ruta constará de 9 quilómetros e medio, cunha duración de tres horas e media, sendo o seu grado de dificultade baixo. Falamos con José Martínez Tato, presidente de AndaTui, quen explicou as características da contorna da andaina deste sábado.

A cabaza será a protagonista esta fin de semana do Samaín en Tui coa celebración da segunda edición da Feira da Cabaza. A cita será no edificio dos antigos xulgados na praza da Inmaculada, onde haberá exposición e venda de cabazas, obradoiros infantís de cociña, showcooking e música en directo. Hoxe falamos coa concelleira de Comercio, Ana Mª Núñez.

Esta mañá puidemos charlar co autor guardés Francisco Álvarez 'Koki' con motivo da reedición do seu libro 'Ratas en Manhattan' e tamén con Ramón Caride, que presenta 'Galicia, crónica negra'. Xunto a eles tamén puidemos falar co editor Javier González.

Hoxe ás 19.30 h Tanxarina Títeres chega ao Teatro Municipal de Tui para pór en escena o seu espectáculo “A cazola de Lola”. Vai dirixido a público familiar e ten unha duración de 50 minutos. Sobre o escenario estarán Eduardo Cunha “Tatán”, Miguel Borines e Andrés Giráldez como actores e manipuladores dos monicreques da obra. Hoxe falamos con "Tatán", quen nos contou como xurdiu esta historia.

Con José Manuel Palacín, voceiro de Converxencia 21, continuamos hoxe a rolda de conversas cos grupos políticos presentes na corporación municipal de Tui.