Día a Día

Muhad é un rapaz marroquí que chegou a Tui en outubro de 2021 buscando asilo. A súa é unha historia de superación que culmina coa consecución dun emprego en Veigas do Miño. Hoxe falamos con el, con Luís Rolán, xerente de Veigas do Miño, e Vanesa Rodríguez, traballadora social de Diversidades Acolle.

O proxecto Fogares SanXe da Asociación San Xerome Emiliani da Guarda vai recibir 2 millóns de euros Consellería de Política Social e Xuventude da Xunta de Galicia. Este proxecto permitirá construir 30 fogares inclusivos no antigo colexio das Carmelitas na Guarda, onde 60 persoas con discapacidade poderán desenvolver a súa vida de forma independente sen ter que vivir nunha residencia. Hoxe falamos...

Falamos de deporte e tamén de formación, porque a Quinta de Tui organiza dúas xornadas de formación para adestradores e xogadoras, este venres 23 e o vindeiro xoves día 29. Hoxe pasaron pola nosa sintonía Xacobe Morais, coordinador da Quinta Futsal, e Santiago Rodríguez, adestrador, para explicar todos os detalles destas xornadas.

O Teatro Municipal de Tui acolle hoxe ás 20 h o primeiro dos tres concertos previstos dentro da programación Tui, o Camiño do Nadal. O alumnado do Conservatorio Elemental, Profesional e da Escola de Música de Tui será o encargado deste primeiro evento musical, no que música e solidariedade irán da man. Rubén López, o director do Conservatorio de Música de Tui, explicaba hoxe na nosa sintonía que a...

Hoxe falamos de sinerxias entre empresas tudenses, porque Somos Océano e Ideas Peregrinas lanzaron un deseño de calcetíns peregrinos que xa están á venda en Ideas Peregrinas. Hoxe falamos con Mónica Crisóstomo, deste esteblecemento, e con Ana Carpinteiro e Fran García, de Somos Océano.

Este venres, a tenda de Avatel na rúa Compostela de Tui acollerá a Papá Noel para que se poidan achegar todos os nenos e nenas a facer as súas peticións e levarse unha fotografía de recordo grazas a Xesús Fotógrafo.

A intensa choiva e o vento rexistrados nas últimas horas deixaron indundacións e arrastres en estradas no concello de Oia. Así o explicaba a súa alcaldesa, Cristina Correa, quen facía un chamamento a circulación con precaución tanto na estrada de Oia a Baiona, coma até Burgueira.

Hoxe no tempo do Club de Emprego fixemos balance da actividade desenvolvida ao longo do ano polo Servizo Municipal de Orientación coa concelleira de Formación e Emprego, Ana Núñez, e coa técnica Alexandra Lago. Tamén avanzaron os proxectos para 2023.

"A Identidade da miña voz" foi o tema que abordamos hoxe no tempo quincenal do centro Anarela coas súas logopedas Sara Paramos e Nerea Álvarez. Con elas coñecemos que é a voz, como podemos cambiala, e en que consisten as sesións logopédicas para facelo.

O Concello da Guarda recibirá un millón de euros para o seu plan de Sustentabilidade Turística en Destino 2022, financiado integramente con fondos do Plan de Recuperación, Transformación e Resiliencia. O alcalde da Guarda, Antonio Lomba, explicaba polo miúdo en que consiste esta subvención e as actuacións que conlevará para o municipio.

Con motivo do 50 aniversario da morte de Antonio Fernández a asociación que leva o seu nome en Goián editou un libro titulado “Antonio, o pintor” con textos de Sara Quintana e ilustracións de Polo Correo do Vento. Debido á pandemia a súa publicación retratouse até este ano, e agora está xa nas librarías. Falounos do libro Mané Villa, presidente da Asociación Antonio Fernández de Goián.

O domingo ás 18 h o Club de Patinaxe Artística Ribex organiza a súa exhibición de Nadal no pavillón Gustavo Rodríguez, na que contarán tamén coa visita de Papa Noel. Deunos todos os detalles Carolina Figueroa.

O Concello de Tomiño recibirá axudas europeas para o seu proxecto A Tenda, unha axuda do POCTEP e tamén axudas da Rede Ágora para a redacción e execución de seis novos proxectos de recuperación de espazos públicos e creación de sendas peonís e ciclables no municipio. Sobre estas subvencións falamos coa súa alcaldesa, Sandra González.

Diversidades Acolle inaugura unha exposicion no Edificio Francisco Sánchez coa que celebra 10 anos traballando en Galicia pola inclusión, especialmente das persoas migrantes. Dende hai 3 anos a entidade conta cun centro de acollida aqui en Tui, e hoxe falamos coa coordinadora de Protección Internacional en Diversidades, Inmaculada Rodríguez.

Actualmente, co auxe de diversas aplicacións móbiles, estase a vivir unha crecente tendencia de compra e venda de roupa de segunda man. En Tui existe, dende hai dez anos, a tenda El Armario de Tita, rexentado por Mari Carmen Álvarez.

Dous proxectos executados en Tui están entre os 16 galardoados na edición deste 2022 dos premios Gran de Area do Colexio de Arquitectos de Galicia. Presentáronse un total de 63 candidaturas. Hoxe falamos con tres dos catro arquitectos galardoados: Leandro Nogueira, que conforma Nam arquitectos con Ángel Manuel Matilla, e con Jorge Enríquez e Adrián Pinaque, do estudo Arqxé.

Tui recibirá 1 millón 300 mil euros para a reforma e modernización do Mercado Municipal e a súa contorna. O alcalde, Enrique Cabaleiro, quixo destacar na nosa sintonía a importancia deste proxecto para o sector comercial da cidade.

A Asociación San Xerome Emiliani da Guarda leva anos traballando pola mellora das condicións de vida de persoas con algunha discapacidade e tamén das súas familias. Hoxe falamos sobre o seu novo proxecto, Fogares Sanxe, que ten por obxectivo facilitar ás persoas con discapacidade e ás súas familias unha solución residencial que non sexa unha residencia. Ciano Valcárcel, o xerente do centro, explic...

Hoxe comeza o Rastrillo Solidario a favor de Asanog, a Asociación de Axuda a Nenos Oncolóxicos de Galicia, no claustro do Seminario Menor de Tui. Hoxe estará aberto de 17 h a 21 h e tanto mañá sábado coma o domingo estará aberto de 11 h a 14 h e de 17 h a 21h. Está organizado por todas as ANPAS de Tui. Hoxe falamos con Eva Pazo, presidenta da ANPA do CEIP Pazos de Reis, quen adiantaba as sorpresas...

Nestas datas de Nadal son numerosos os beléns curiosos e chamativos que hai na comarca. Hoxe falamos dun deles que se atopa precisamente na Guarda, e que ten a particularidade de ser solidario. 20 metros cadrados de belén son os que Generoso Cadilla elabora coidadosamente cada ano dende hai máis de 15.

O domingo 18 de decembro celebrarase a IX Camiñada Solidaria organizada polo club Andatui en favor de SOS Tomiño Baixo Miño. Sairá ás 10 h da capela de san Xiao, no monte Aloia para percorrer a muralla ciclópea. Para participar é preciso aportar un ou varios quilos de alimentos non perecedoiros. A visita será guiada e comentada polo historiador tudense Rafael Sánchez Bargiela e o arqueólogo tudens...

A Banda de Música Popular de Tui está a organizar diversas actividades para estas datas de Nadal, entre as que destacan un campamento para os nenos e nenas de Tui e un curso de trompeta o próximo mes de xaneiro. Sobre estas iniciativas falamos hoxe con Eloy Carrera, director da banda, e co trompetista Manuel Madarnás.

Este sábado día 10 terá lugar un concerto solidario organizado pola Agrupación de Protección Civil de Tui en favor da Asociación SOS Tomiño Baixo Miño. Comezará ás 18:00 h no Teatro Municipal de Tui, e contará coas actuacións da Agrupación Musical de Goián, da Banda de Música Popular de Tui e dos artistas tomiñeses Iker Faure e Noemí Fernández. A entrada será a entrega dun quilo de comida.

Dende hoxe ás cinco da tarde estará aberto o Mercado de Nadal de Tui até o 5 de xaneiro no Paseo da Corredoira. Haberá postos de artesanía, gastronomía, produtos de agasallo e decoración. É só unha das citas do Nadal en Tui xunto a música, gastronomía, luces e campamentos para os máis pequenos. Así nolo contou Ana Núñez, concelleira de Comercio, na nosa sintonía.

Converxencia 21 confirma que se presentará ás eleccións municipais en Tui o próximo ano, aínda que oficialmente non está designado o candidato. Así o confirmou o novo presidente da formación liberal, José Manuel Palacín, quen tamén avanzou a súa intención de optar a ser candidato, aínda que a decisión será do partido. Así o sinalaba esta mañá na nosa sintonía.