Día a Día

A pasada semana falamos con Lito Pereira, presidente da Comunidade de Montes de Areas sobre a situación do Viveiro Forestal e sobre o curso de recollida e entobotánica das herbas de San Xoán que terá lugar alí este sábado.

Dende o Congreso EducODS falamos esta mañá con Nuria Garabal, directora do CEIP nº1, amosou a súa satisfacción polo desenvolvemento desta edición, e pensou xa tamén na do próximo ano. Repasou o programa desta tarde e a xornada de mañá sábado.

Tras a reunión mantida esta semana do PSOE dende o BNG cualifican o encontro de cordial, con actitude dialogante, e no que segundo confirmaba a candidata do BNG, Carmen Nuñez, quedaron de elaborar un documento que irán abordando en próximos encontros nos que negociarán un posible pacto de goberno ante ambos partidos.

O candidato do PSOE e alcalde de Tui, en funcións, Enrique Cabaleiro, completou onte a rolda de contactos cos catro partidos que se presentaron ás eleccións municipais. Indicaba Enrique Cabaleiro que foron encontro cordiais e construtivos. Agora dicía abrirá unha canle de negociación co BNG de cara a formación dunha coalición de goberno, se é posible. Así o explicou esta mañá no programa Día a Día...

Na sección de Libros con José Mª Lores no programa Día a Día hoxe falamos da escritora francesa Annie Ernaux, Premio Nobel de Literatura en 2022.

O Club de Tenis Tui está a vivir o seu mellor momento recollendo o froito do traballo desenvolvido ao longo da última década. O equipo cadete do Tenis Tui xogará na fin de semana o Campionato de España de Clubs en Terrassa e o equipo absoluto xógase o ascenso á división de prata como explicaban Jorge González, presidente, e Luís Saracho, do Club Tenis Tui. Por outra parte o Tenis Tui realizará a d...

O vello pavillón municipal acollerá este sábado dende ás 11.15h a exhibición de fin de curso do Judo Club Tudense. José Ramón Solla Prieto, adestrador, explicaba que nesta exhibición amosarán todo o aprendido polos 190 alumnos e alumnas do club de Tui, Tomiño e Salceda este curso. Tamén daba os detalles do I Campamento de Verán que celebrarán os meses de xullo e agosto no Centro Interfederado para...

Este sábado de 11 a 13 h na Sala Félix Rodríguez, no edificio Francisco Sánchez, haberá unha xornada de convivencia entre membros das asociacións de Alcohólicos Anónimos de Galicia e do Norte de Portugal. Tamén estará presente o grupo Al-A-Non de familiares de alcohólicos. É unha xornada gratuíta aberta á participación de calquera persoa interesada.

Este xoves, venres e sábado celébrase en Tui o III Congreso EducODS organizado polo CEIP Nº1 coa participación de 13 centros educativos. Hoxe deron os detalles Nuria Garabal, directora do centro; Marta Álvarez, xefa de estudos; e catro alumnos e alumnas de 5º e 6º de primaria.

O Tyde xoga este domingo ás 18h a ida polo ascenso a 1ª Autonómica ante o Gondomar. O fará na casa, no Álvarez Durán, que cumpre 40 anos da súa inauguración. Falamos con Elías Vieiro, presidente, e José Manuel Quintana, dir. deportivo, dos actos que prepara o club.

O domingo terá lugar a I Volta Ciclista Baixo Miño cun percorrido que empezará e finalizará en Oia e pasará por todos os concellos da comarca. Hoxe falamos con Aser Estévez, do Team Oiense e organizador da proba.

O CB Tui organiza un campus para este verán, do 26 de xuño ao 1 de xullo, no pavillón municipal de Tui. Será en horario de 9 h a 14.30 h e haberá baloncesto, pero tamén concursos, sendeirismo, competicións, actividades na piscina municipal, xogos ou visitas pola cidade. Javier Niño, o director deportivo do club, explicou hoxe os detalles.

Anxo Baz, candidato do BNG da Guarda, valorou hoxe os resultados das eleccións municipais. O seu partido repetiu resultado, conservando os 5 concelleiros que tiña na anterior corporación.

Roberto Carrero, candidato do PP da Guarda, valorou hoxe os resultados das eleccións municipais. O seu partido gañou dous concelleiros, quedando actualmente con 8 representantes.

Sandra González, candidata do BNG de Tomiño, valorou hoxe os resultados das eleccións municipais. O seu partido perdeu dous concelleiros, quedando actualmente con 9 representantes, e mantendo a maioría absoluta.

Antonio Lomba, candidato do PSOE da Guarda, valorou hoxe os resultados das eleccións municipais. O seu partido perdeu dous concelleiros, quedando actualmente con 3 representantes.

Carme Núñez, candidata do BNG, valorou hoxe os resultados electorais deste domingo, e indicou que asumiron xa "o seu papel como oposición". O BNG obtivo 4 representantes na corporación municipal.

José Manuel Palacín, candidato de C21, valorou hoxe os resultados electorais deste domingo, e falou dunha situación política complicada para Tui. Converxencia 21 repetiu resultado cun só concelleiro na corporación.

Nico Montes, candidato do PP, valorou hoxe os resultados electorais deste domingo, e falou dunha situación na que a veciñanza "exixe talante político". O PP obtivo 6 concelleiros e concelleiras.

Este domingo o Club AndaTui organiza a cuarta andaina da Eurocidade polo paso das augas de Ribadelouro. Hoxe conversamos con José Martínez Tato, que explicaba máis detalles da camiñada, e a calificaba como das máis bonitas da cidade.

Enrique Cabaleiro, candidato do PSOE, valorou hoxe os resultados electorais deste domingo, e falou dunha situación de “gobernabilidade complexa”. O PSOE foi a lista máis votada, e obtivo 6 concelleiros.

Este sábado ás 21h a Banda de Gaitas da Provincia de Pontevedra ofrecerá un concerto gratuito do ciclo 'Na Esencia do Camiño'. Un espectáculo musical, pero tamén visual e sonoro con convidados de luxo e 70 artistas. Hoxe conversamos co directo da banda, Hipólito Cabezas.

Entrevistamos a Enrique Cabaleiro, candidato do Partido Socialista á alcaldía de Tui o próximo domingo 28 de maio.

O próximo 3 de xuño celebrarase o Festival Internacional de Danza Inclusiva no Pazo de Congresos Mar de Vigo. Laura Llauder, organizadora, deu hoxe todos os detalles desta cita.

Xa está aberto o prazo de inscrición do Campus Toñín Martín que organiza A Quinta de Tui Futsal e que xa ten boa parte do cupo de prazas ocupadas, segundo explicaba hoxe na nosa sintonía Xacobe Morais.