Día a Día

“Vacacións en paz” é o nome do programa solidario no que, nos meses de verán, nenos e nenas que viven no Sáhara veñen a Tui nun proxecto de acollida vacacional. Esta iniciativa é impulsada pola asociación Solidariedade Galega do Pobo Saharaui. Hoxe falamos con Mayte Isla, a súa presidenta, con Enrique Cabaleiro, alcalde de Tui, e con Rebeca Estévez e Julio Solleiro, familia acolledora.

Hoxe falamos coa concelleira de Comercio, Ana María Núñez e con Antonio Luis Montes e Fernando Da Costa, representantes de ATUCA (Asociación de Amigos Tudenses da Camelia), sobre a VIII Mostra da Camelia que terá lugar a próxima semana en Tui.

No undécimo aniversario da Eurocidade Tui-Valença, convidamos aos seus rexedores, Enrique Cabaleiro e José Manuel Carpinteira respectivamente, a facer balance destes anos de cooperación transfronteiriza en múltiples proxectos e materias.

Hoxe, ás 19:00, péchase a Semana da Educación de Tomiño con Nino Cervera e a conferencia titulada “Es o/a docente que che gustaría ter cando estudabas?”. Hoxe mantivemos unha entrevista con el e nos puido adiantar algunas pinceladas da súa ponencia.

A Eurocidade Tui-Valença celebra o seu undécimo aniversario co concerto '24 caprichos fadistas' do violinista Eliseu Silva no Teatro Municipal de Tui. Será mañá venres, 10 de febreiro, ás 21.30 h ES. Hoxe falamos co músico portugués, quen explicou que este concerto suporá unha unión entre Portugal e Galicia.

Enrique Cabaleiro, alcalde de Tui, está estes días representando á cidade nas xornadas #InfoDayES 2023. Trátase dunhas xornadas dedicadas a informar sobre a convocatoria da Action Planning Networks de URBACT para crear redes de traballo en materia de desenvolvemento urbano sustentable.

Falamos con Francisco Javier Penedo, criador de animais, acerca da Lei de Benestar Animal que se debate mañá xoves no Congreso dos Deputados.

“Ciencia, medio ambiente e sociedade: a educación ecosocial” é o título da conferencia que hoxe ofrecerá Miriam Leirós na terceira xornada da VIII Semana da Educación de Tomiño. Hoxe puidemos falar con ela no programa Día a Día e desvelou algunas pinceladas desta ponencia.

Continuamos a rolda de entrevistas cos voceiros da corporación municipal de Tui con José Manuel Palacín, concelleiro de Converxencia 21.

Hoxe recibimos no programa Día a Día aos alumnos e alumnas que mañá rematan o seu intercambio en Tui, no IES Indalecio Pérez Tizón. No mes de maio, os e as tudenses viaxarán a Francia.

Comezamos a rolda de entrevistas cos voceiros da corporación municipal de Tui con Laureano Alonso, concelleiro de En Marea.

Ás 20h desta tarde, no Seminario Menor de Tui, a ONG Manos Unidas presenta a súa Campaña anual contra a fame. Esta mañá conversamos con Antonio J. Blanco e Virginie, voluntarios de Manos Unidas, sobre as labores que realizan e a importancia destes fondos para sufragar a campaña mundial.

O divulgador científico José Manuel Nicolás, abrirá o próximo luns, ás 19 h no auditorio de Goián, a Semana da Educación en Tomiño. “As verdades e mentiras dos alimentos do século XXI” será o tema da súa conferencia, da que falamos hoxe con el no programa Día a Día.

Onte, o profesor Bieito Alonso fixo entrega de dous exemplares do periódico escolar La Aceituna editado no ano 1935 no colexio das Olivas, ao Arquivo Municipal do concello de Tui. Hoxe falamos con el no programa Día a Día.

Este sábado, o IES San Paio de Tui acolle o torneo TTR N7 nas categorías sub13 e sub17 de bádminton, organizado polo Club Bádminton Tui. Falamos hoxe con Marisa Giráldez, presidenta do clube, sobre esta cita deportiva.

O Servizo de Atención Temperá do Baixo Miño atende nestes momentos a 92 nenos e nenas de Tui, Tomiño, A Guarda e O Rosal. Este servizo naceu en setembro do ano 2020 e hoxe falamos coa súa coordinadora, a psicóloga Andrea Álvarez, e con Paula Hernández Puime, fisioterapeuta.

A próxima semana volta o Trail do Aloia, co xa habitual espazo e percorrido para os máis pequenos e dous percorridos para adultos. Falamos con Serafín Martínez, un dos organizadores da proba.

Nevermore é o nome da obra teatral que mañá chega ao Teatro Municipal de Tui. A compañía galega Chévere volve á cidade e inaugura o ciclo teatral para este mes de febreiro e marzo. Será ás 21.30 e as entradas están xa á venda en tui.gal. Hoxe falamos con Patricia Lorenzo, unha das actrices do elenco, quen explicou o argumento da obra.

‘Historias de pedra, Tui e as súas parroquias’ é o título do libro de Rosa María Vila, artista tudense que recolle nas súas páxinas máis de 20 debuxos de Tui e das parroquias. Este venres día 3, ás 19 h, o edificio Francisco Sánchez acollerá a presentación deste libro, á venda nas librerias tudenses. Hoxe mantivemos unha entrevista con Rosa María Vila na que destacou que esta idea naceu na pandemi...

Hoxe mantivemos unha entrevista co alcalde de Tui, Enrique Cabaleiro, sobre a sinatura do Acordo de Constitución da Rede España-Portugal de Cooperación Transfronteiriza, para o que viaxará mañá a Lisboa; sobre a visita da Secretaria de Estado de Comercio no día de onte a Tui; e sobre o proceso de licitación da construcción do novo Centro de Cooperación Policial e Aduaneiro.

Usados Camacho é unha tenda de roupa e enseres de segunda man que está en Valença, na avenida Sá Carneiro. Aurora e Rosi Camacho explicaron hoxe como funciona o seu establecemento, con roupa donada por particulares e asociacións, e con prezos simbólicos dende 50 cts a 2 euros. Tamén desempeñan un labor solidario donando o que se precise. Os teléfonos de contacto son 654 61 92 63 ou co portugués, 0...

Seis espectáculos conforman a programación teatral dos meses de febreiro e marzo no Teatro Municipal de Tui. Haberá tres obras de teatro, dúas para público adulto e unha para público infantil, celebrarase o undécimo aniversario da Eurocidade Tui-Valença cun concerto, a maxia chegará con perspectiva de igualdade e proxectarase o filme ‘Canta 2’. Sonsoles Vicente, concelleira de Cultura, explicounos...

Este domingo terá lugar na igrexa de Santa Comba de Ribadelouro un concerto solidario en favor de Cáritas. Acturán a Coral Ponte das Febres, o Coro Infantil CEIP de Pazos de Reis e a Coral Polifónica San Roque de Vigo. A entrada será un quilo de alimentos non perecedoiros.

Até este domingo está a ter lugar en Tui unha residencia cinematográfica dun novo proxecto da Asociación Cultural Enfoques chamado Ventura. Trátase dunha plataforma de traballo para que directores e productores presenten as súas propostas a profesionais do sector audiovisual.

Unha entrada máis luminosa, aseos accesibles, un plan de evacuación e protección contra incendios ou o aumento dun 48% de aforo, son algunhas das melloras que se levaron a cabo no pavillón da Sangriña na Guarda. Este sábado terá lugar a inauguración, e hoxe falamos co alcalde guardés, Antonio Lomba, sobre estas obras de renovación, que tiveron un investimento de 1.870.000 €.