Día a Día

Enrique Cabaleiro, actual alcalde de Tui, presentará o luns o a súa candidatura a encabezar a lista socialista ás elección de maio. Será o luns á tarde cando a asemblea local se pronuncie ao respecto. Todo parece indicar que a súa será a única candidatura que se presente.

Este venres volve a actividade ao Teatro Municipal de Tui con Magia en la manga e o seu espectáculo “A igualdade non ten truco” é o espectáculo que Magia en la Manga presenta este venres ás 19.30 h no Teatro Municipal de Tui. Sara Rodríguez Martínez e Carlos Tomico Pérez son os encargados de levar adiante este espectáculo. Hoxe falamos con Carlos Tomico.

O tudense Lis Montes presenta até o 15 deste mes de marzo, na capela das Reliquias na Catedral de Tui, unha parte da súa colección de maquetas de templos de 14 arquidióceses despañolas, xunto a outros mosteiros e basílicas de Portugal e Italia.

Pechamos a rolda de entrevistas con representantes da corporación municipal de Tui falando co alcalde, Enrique Cabaleiro, para repasar os puntos do último pleno, facer balance do mandato e tratar a problemática do tráfico e aparcamento na cidade.

Este xoves 2 de marzo, o Teatro Municipal de Tui será unha das sedes, un ano máis, do Festival de Teatro GrecoLatino, que se celebra a nivel nacional. Representaranse dúas obras de teatro: Medea, unha traxedia de Eurípides, e Miles gloriosus, unha comedia de Plauto. Ambas chegarán da man do Grupo coruñés Noite Bohemia. Hoxe falamos con Teresa Amado, unha das organizadoras deste festival.

Unha ruta por distintos lugares de Tui vinculados a Rosendo Salvado centran a proposta desta tarde das Xornadas Rosendo Salvado. Será ás 17:30 h e partirá do Arquivo catedralicio. Explícanos os detalles Rafael Sánchez Bargiela, director da Biblioteca e o Arquivo Municipal de Tui.

Falamos con Javier Cebada, que vén de escribir o seu libro 'La ingeniería de Dios', un relato no que cuestionarse creencias e conceptos vitais e cunha mensaxe atemporal.

Hoxe ás 19.30 h na Sala Félix Rodríguez, a encargada de abrir as xornadas Rosenso Salvado será María Jesús Lorenzo Modia, catedrática da Universidade da Coruña coa conferencia titulada: “Revisitando a Rosendo Salvado, o galego amigo dos aborixes”. Con ela falamos esta mañá no programa Día a Día.

Mañá sábado terá lugar no Paseo da Corredoira a presentación do novo club Deportivo Baixo Miño Motor, onde presentrán en sociedade os seus vehículos e calendario de probas nas que van participar. Hoxe falamos con Jesús Vaz, o seu presidente, e Baltasar Fernández, quen explicaron todos os detalles.

Mañá partirá dende Tui a Volta Ciclista O Gran Camiño, coa saída neutralizada programada ás 10:25 dende a praza da Inmaculada. Hoxe falamos co concelleiro de Deportes, Rafael Estévez, sobre esta proba, o seu percorrido e a súa importancia.

"Rosalía Total" é un xogo poético para achegar a obra de Rosalía aos nenos e nenas a través da música. Hoxe poderemos gozar deste espectáculo con Irene Silva ás 18.30 h na Biblioteca Municipal de Tui para celebrar o #DíadeRosalía.

José Ángel Fernández, voceiro PP na corporación municipal de Tui estivo hoxe na nosa sintonía dentro da rolda de conversas que estamos a manter neste mes de febreiro cos representantes dos distintos grupos presentes na corporación tudense.

O IES Antón Alonso Ríos de Tomiño uniuse a unha rede de emprendemento para motivar aos alumnos e alumnas a valorar esta opción laboral para o seu futuro. Así, o instituto tomiñés realizou unha serie de visitas a empresas. Hoxe nolo explicaba Carmen Freiría, profesora de sistemas electrónicos.

Xa están abertas as inscricións para participar na X Eurocidade BTT, que se celebrará o próximo 12 de marzo. Hoxe mantivemos unha entrevista con Eduardo Fernández, de Biciosos Rías Baixas.

Mañá é martes de Entroido, festivo local en Tui, e a partir das 17:30 percorrerán as rúas novas da localidade 15 carrozas e comparsas. Ademais, a orquestra Miramar amenizará a xornada. Nolo explicaba esta mañá a concelleira de Cultura, Sonsoles Vicente.

Mañá martes terá lugar, no pavillón Gustavo Rodríguez de Tui, unha concentración de fútbol sala nas categorías femininas cadete e xuvenil. Hoxe falamos coa presidenta do Tui Futsal, Alba Sobrino, sobre esta actividade.

Aproveitando a concentración coa selección galega e a súa estadía en Tui, falamos cos deportistas do Club Remo do Miño, Rodrigo Conde e Carlota González. Os dous pelexan este año polo soño de estar nos Xogos Olímpicos de París e esta fin de semana compiten no Campionato de España de remo olímpico e por autonomías en Castrelo de Miño.

Nun transporte especial onte chegou a Tui a ponte que se vai instalar sobre o río Louro. Así explicou as tarefas de instalación esta mañá na nosa sintonía o alcalde, Enrique Cabaleiro.

O Claustro da Catedral acollerá esta fin de semana a VIII Mostra da camelia Cidade de Tui baixo o lema “A Camelia na Eurocidade”. Hoxe pasaron polo programa Día a Día tres membros de ATUCA, Lis e José Montes e María José Fernández, para explicar a orixe e a significación deste evento.

O público familiar é o destinatario do espectáculo que este venres chega ao Teatro Municipal de Tui ás 19.30 h. Será “As pitas baixo a choiva” da man de Teatro Ghazafelhos. Hoxe falamos cunha das actrices do elenco, Montse Piñón, sobre esta obra, que mestura música e comedia.

Continuamos a rolda de entrevistas cos voceiros da corporación municipal de Tui con Carmen Núñez, concelleira do Bloque Nacionalista Galego.

Neste #DíadaRadio do IES San Paio participaron Sara, Inés, Alba e Yamilé de 4º da ESO cun programa no que recolleron a diversidade de nacionalidades Galicia, Portugal, Venezuela, Brasil, e Marrocos. Entrevistáron aos compañeiros e compañeiras.

Dende o CEIP nº1 Alma, Marc, Manuela, e Alex na súa participación no programa especial con motivo do #DíadaRadio lembraron cando se proclamou este Día Mundial da Radio, falaron do Conxunto Histórico de Tui, e entrevistaron ao alcalde, Enrique Cabaleiro.

Alumnado de 1º e 2º da ESO do IES Indalecio Pérez Tizón realizou un informativo moi especial no que inventaron boas noticias que tiñan coma escenario Tui. O programa foi realizado por Xabi, Rodrigo, Anabel, Sabela, Iago, e Izan, Paola.

Entrevistamos a Sonia Blanco Sío, médica no Porriño e autora do libro A pedra vermella. Explica a sinopse da súa obra que versa sobre o tempo que pasamos coa familia e cos fillos.