Día a Día

Sobre o acontecido esta noite no conxunto histórico de Tui co incendio de máis de 20 coches falamos esta mañá co concelleiro de Seguridade, José Ramón Magán, e co inspector xefe da Policía Local, Manuel Arca.

O alcalde de Tui, Enrique Cabaleiro, cualificaba o acontecido esta noite no conxunto histórico de Tui coma acto criminal gravísimo, coa queima de 21 coches e que puideron afectar ademais a algunha vivenda. Quixo ademais amosar a súa máxima condena a este feito criminal. Ás 12 do mediodía reunirá a xunta de voceiros da corporación municipal.

Esta mañá no programa Día a Día recibimos a David Carreira, o 50% de Leira Rock, un grupo que mañá sábado actuará en Sobredo. Compartimos con el e con Óliver uns minutos no que tamén nos interpretou en directo algunha canción.

Conversamos con Manuel Crisóstomo, que xunto a María Pilar Besada, da cafetería El Pilar aquí en Tui, recibiron un galardón pola súa traxectoria profesional na Gala de Hostalería e Turismo da provincia de Pontevedra, celebrada en Vigo.

Falamos con David Acevedo, un dos organizadores da proba Ultreia que o próximo 26 iniciará en Tui para que os participantes camiñen cara Pontevedra. As inscricións, recordaba, pechan este domingo ás 23.59h.

Unha información interactiva do xornal El País arroxaba datos sobre investimentos en educación de todos os concellos de España. Entre os que máis destacan, por riba da media provincial e autonómica, está Tui. Hoxe conversamos sobre estes investimentos municipais co alcalde, Enrique Cabaleiro.

O guionista tudense Daniel Domínguez García foi un dos premiados na gala dos Mestre Mateo grazas ao seu traballo no filme 'O Corpo Aberto'. Falamos con el deste filme galego ambientado nunha obra de Méndez Ferrín.

Mañá xoves 16 ás 8 da tarde, Alfonso Ferreira presenta o seu libro "Ruliña no Camiño" na sala de Exposicións do edificio Francisco Sánchez. Hoxe falamos con el da súa obra, e tamén con Teresa Domínguez que escribiu o limiar da mesma.

O concello de Tui activa unha campaña de prevención contra a velutina, que nesta época do ano busca niños para asentarse antes do verán. Hoxe falamos con Ismael Diz, concelleiro de Medio Ambiente, e Sara Luque, mestra composteira, sobre como actuar para previr a súa aparición.

A unión entre as dúas beiras do río Miño materialízase tamén no fútbol, e esta fin de semana o equipo de veteranos do Tyde, Tyde Eurocidade, celebra o seu título de campión da liga no Álvarez Durán. Será mañá ás 18 h, coincidindo co partido no que xogarán contra o Vilariño. Hoxe falamos con José Manuel Quintana, director deportivo do Tyde, Telmo Rodríguez, un dos capitáns do equipo, e Euxenio Lope...

Dende hai unhas semanas, un tudense integra a academia de fútbol do Olympique de Marsella coma preparador físico. Falamos con David Solleiro da cidade, do ambiente do seu estadio e a súa traxectoria ate chegar ao único club cunha Champions do fútbol galo.

Hoxe inaugúrase o I Congreso Internacional de Educación da Eurocidade no auditorio da ESCE en Valença. Será a partir das 18:00 h. Mañá a xornada desenvolverase, tanto pola tarde como pola mañá, no Teatro Municipal de Tui. Hoxe falamos con Arlindo de Sousa, o vereador de Educación de Valença, que valorou este primeiro paso entre ambas cidades en termos de educación.

Mañá comeza o I Congreso Internacional de Educación na Eurocidade, unha cita que arrancará coa ponencia de Juan Manuel Moreno, catedrático de didáctica na UNED e ex asesor de Educación no Banco Mundial. Hoxe puidemos charlar con el sobre esta cita educativa.

Esta fin de semana celébrase na Eurocidade a décima edición da BTT, unha proba clásica do calendario deportivo conxunto das dúas cidades. Contamos todos os detalles con Eduardo Fernández, presidente da Peña Ciclista Biciosos, e Rafa Estévez, concelleiro de Deportes de Tui.

Conversamos con Iván Carral logo de ser elixido onte coma novo presidente da Asociación de Comerciantes e Industriais de Tui, ACITUI. Conta cales serán as claves para facer medrar o comercio local e cales serán os seguintes pasos da asociación.

Este venres e sábado celebrarase o I Congreso Internacional de Educación que se vai celebrar na Escola Superior de Ciencias Empresarias en Valença e no Teatro Municipal. Hoxe falamos con Teresa Domínguez, asesora e coordinadora Atlántida en Galicia, e xunto a ela o alcalde de Tui, Enrique Cabaleiro, e a concelleira de Ensino e Cultura, Sonsoles Vicente.

"Ocupemos o noso lugar" é o lema da programación organizada polo Concello de Tui con motivo do 8M, o Día Internacional das Mulleres que se conmemora hoxe. A concelleira de Igualdade, Ana Núñez, detallou os obxectivo e actos desta campaña que hoxe ten a cita central ás 19.30 h no edificio da praza da Inmaculada.

"Smoke on the water" é a obra de rock, humor negro e amor chega este venres ao Teatro Municipal de Tui da man de Ibuprofeno Teatro. Unha obra nominada a seis premios María Casares. Hoxe falamos co seu director, Santiago Cortegoso, sobre todos os detalles.

Unha das facetas que levaba a cabo Rosendo Salvado era a música. Agora, a pianista tudense Andrea González editou o disco "Salvado Piano Works", un álbum no que recolle as partituras para este instrumento que aínda se conservan. hoxe explicounos todos os detalles deste disco e da historia de Rosendo Salvado.

A Asociación de Comerciantes e Industriais de Tui, ACITUI, celebra este mércores Asemblea Xeral Ordinaria para a renovación da Xunta Directiva. Hoxe falamos con Iván Carral, de Avatel, que presentará a súa candidatura como presidente de ACITUI.

O ensaísta e economista galego Albino Prada vén de lanzar o seu novo libro 'O país dos sen alma. Rosendo Salvado en Australia'. Esta mañá conversamos con el sobre a figura do ilustre frade tudense e o seu legado no país austral.

Este domingo día 5 terá lugar a III fase da Liga Galega Interclubs de Salto Xogade 2023. Será no Club Hípico Equigalia dende as 10:00 h. Participarán na proba case 180 persoas. Hoxe explicounos todos os detalles Paula López, de Equigalia.

Este domingo, 5 de marzo, péchanse as inscricións para a X Eurocidade BTT, que se celebrará o próximo 12 de marzo e organiza a Peña Ciclista Biciosos Rías Baixas. Hoxe falamos co seu presidente, Eduardo Fernández.

Enrique Viguera Rubio, embaixador de España en Australia entre os anos 2011 e 2015, será o encargado de impartir a conferencia “Rosendo Salvado: el importante legado de un misionero ilustrado español en la compleja colonización europea de Australia”. Será ás 19.30 h desta tarde na sala Félix Rodríguez. Con el falamos hoxe no programa Día a Día.

Este sábado, na Praza da Inmaculada, preséntase a actividade que dará inicio aos actos deste mes en Tui polo 8M. 'Tecendo Feminismo' será o nome dese taller impartido por Salomé Fernández, de Cucapuntoes. Hoxe acompañounos xunto á concelleira de Igualdade, Ana Núñez.