Día a Día

Completas as prazas para a Andaina de Fortaleza a Fortaleza que organiza o club Andatui para o sábado 23 deste mes. Percorrerá Tui, Valença, Vila nova de Cerveira e Tomiño. Falamos da mesma con José Martínez Tato de Andatui.

Esta mañá no programa Día a Día falamos con Ana Núñez, concelleira de Comercio e Mercado, tras a aprobación onte en pleno do expediente de licitación do proxecto de reforma da Praza de Abastos. Sairán a licitación nos próximos días. As obras teñen que estar rematadas o próximo verán.

Todo preparado en Guillarei para celebrar as festas na honra á Virxe das Dores que comezan esta tarde e se prolongan até o próximo luns. Hoxe terá lugar a lectura do pregón a cargo de Manu Garrido, e o acendido do alumeado, que darán paso ás verbenas e concertos de bandas de música previstos estes días.

Andrés Díaz leva dous meses coma Comandante Naval do Miño. Hoxe estivo na nosa sintonía con motivo do 60 aniversario da presenza en Tui do Cabo Fradera. Tamén falamos con Rosendo Bugarín, autor do libro "La Armada y Tui" e con José Joaquín García 'Pepín Pernas" gran coñecedor do Miño. Esta tarde ás 20 h na Aula da UNED haberá unha mesa redonda na que amais de Rosendo Bugarín e Pepín Pernas partici...

Con motivo do 60 anos da presenza en Tui do Cabo Fradera hoxe falamos co comandante do patrulleiro, David Pacheco, do seu labor no día a día. O barco conta cunha tripulación de sete persoas. Destacaba o comandante coma tras o Sebastián Elcano o Fradera é o máis veterano da Armada.

Até este venres está aberta a matrícula na sección de Tui da Escola Oficial de Idiomas que este curso impartirá catro idiomas: inglés, francés, portugués e alemán. Elena Espinosa, xefa de estudos, e Bárbara Kügler, titora de alemán, falaron hoxe en Día a Día da oferta e novidades deste novo curso.

Hoxe rematamos a rolda de entrevistas facendo balance do último pleno que celebrou a Corporación Municipal de Tui. Falamos co alcalde, Enrique Cabaleiro.

Hoxe falamos coa alcaldesa de Tomiño, Sandra González, sobre a festividade do Alivio, e con ela repasamos tamén algúns asuntos da actualidade da vila.

Con Nico Montes, voceiro do Partido Popular, continuamos hoxe coa rolda de entrevistas facendo balance do último pleno.

Continuamos coa rolda de entrevistas políticas facendo balance do último pleno. Hoxe con Carme Núñez, voceira do Bloque Nacionalista Galego.

Hoxe comezamos a rolda de entrevistas políticas para facer balance do último pleno. Facémolo con José Manuel Palacín, de Converxencia 21.

Hoxe falamos de coches clásicos con Mónica Domínguez, a presidenta da Asociación de Clásicos Fiolledo. Esta fin de semana organizan unha concentración en Salvaterra na que teñen inscritos 220 coches.

Esta mañá no programa Día a Día falamos de karts, e para iso estiverom connosco o xove piloto tudense Saul Vaz, o seu xefe de equipo e pai, Jesús Vaz, e Miguel Peiró, telemetrista e membro do equipo técnico e mecánico de Montoto MotorSport LenzoKar. Saúl Vaz competirá a finais de setembro no Campionato Nacional.

Até o próximo martes, 5 de setembro, está aberta a inscrición para o IX Torneo de Tenis da Eurocidade. Celebrarase nas pistas de tenis de Areas e do Liceo Casino en Tui e nas das piscina e Valença entre o 8 e o 17 de setembro. Hoxe falamos desta competición con Jorge González e o Germán Soutelo, presidente e secretario do Club de Tenis Tui.

En catro categorías, 3,5 cc, 7,5 cc, 15 cc e 35 cc, serán nas que se dispute esta fin de semana en Tui o Campeonato de España de Radiocontrol Térmico. As probas será o sábado ás 12 e ás 17 h e o domingo ás 10 h. É a quinta ocasión que Tui acolle esta proba nacional de motonáutica coma sinalaba Carlos Estévez do Club Náutico Inclusivo Baixo Miño, destacando a idoniedade da cidade para acoller esta...

Laura Solla, vicepresidenta do Club Atletismo Tui daba no programa Día a Día do inicio da temporada no club, co magnífica de noticia de poder contar con Gustavo Rodríguez coma adestrador. O próximo 12 de setembro terán unha xornada de portas abertas para que todas as persoas que o desexen se poidan achegar a este deporte.

O Triatleta e medallista olímpico Gustavo Rodríguez será o novo adestrador do Club Atletismo Tui, según anunciaba o propio club hai uns días, na súas redes sociais. Unha nova etapa tanto para o club como para Gustavo Rodríguez , que abandona a alta competición obrigado por unha lesión nun pé que lle impide continuar no esixente mundo do triatlón. Gustavo nos acompañaba na mañá de hoxe e mostrábase...

A provincia de Pontevedra sitúase como a primeira na que máis se incrementaron as mortes por accidentes de tráfico. Dende que comezou o ano, rexistráronse só nesta provincia un total de 14 falecidos nas estradas, mentres que en 2022 foron 18 as víctimas mortais rexistradas en todo o ano. Falamos deste tema con ean Picard da Asociación de Víctimas de Sinistros de Tráfico en Galicia.

Hoxe falamos con Carmen Núñez, voceira do BNG, sobre o acordo logrado entre a súa formación e o PSOE para apoiar a proposta de retribucións do equipo de goberno por parte dos nacionalistas e cumprir catro puntos do programa do BNG por parte do PSOE referidos ao uso do edificio da rúa Camilo José Cela para a Policía Local, o edificio de Camfran para asociación e mocidade, e realización de dous estu...

Caldelas prepárase para celebrar as festas na honra á Virxe da Rocha que terá propostas dende mañá venres e até próximo martes. O luns a ribeira volverá encherse de centos de persoas ceando a tradicional empanada. Hoxe falamos con Manuel Madarnás, Samuel Torres, e Manolo González da Comisión de Festas.

PSOE e BNG de Tui asinaron onte á tarde un acordo polo que o PSOE se comprete a realizar catro puntos programáticos dos nacionalistas este mandato, e o BNG apoiará a proposta de retribucións dos membros do equipo de goberno. Así o confirmou esta mañá o alcalde, Enrique Cabaleiro.

Este domingo coa XXXIV Carreira Popular de Randufe ábrese o programa da Semana Cultural de Randufe que se celebrará até o 6 de agosto. Música, maxia, humor, actividades infantís, e deporte están presentes no programa organizado pola Asociación Cultural Xuntanza coma hoxe nos explicaba o seu presidente Miguel Ángel Martínez González, e o tesoureiro, Manuel Diz González.

Hoxe comezan as festas de San Bartolomeu en Tui. A gastronomía é a primeira das propostas que fan para esta tardiña no torreiro da festa onde logo Player's amenizará a verbena. Mañá celebrarase a tradicional e secular feira dos cabalos nun programa festivo non que non faltarán os actos relixiosos o concerto da Popular de Tui e a verbena con Marbella. Falamos esta mañá con Juan José Rendón, preside...

Hoxe prosegue a programación da Semana Cultural de Caldelas no centro cultural da parroquia. Hoxe ás 21.30 h o grupo de teatro Cal-Delas representa a obra “E tí a que escola fuches?”. Logo será a quenda do humor con Isi e o seu monólogo "Ponte con monadas". Con Isi falamos esta mañá no programa Día a Día.

Gran acollida a que tiveron as visitas guiadas ao patrimonio tudense organizadas polo Instituto de Estudos Tudenses, IET, coa colaboración do Concello de Tui. Esta semana teñen lugar as dúas últimas, hoxe á Catedral, e o venres ás murallas de Tui. As prazas están xa completas. Falamos desta iniciativa con Rafael Sánchez Bargiela do IET.