Día a Día

O Programa Vacacións en Paz permite cada ano que nenos e nenas saharauís poidan pasar os meses de verán en Galicia. Neste mes de marzo está aberto o prazo para que as familias que desexen acoller un destes cativos se sumen ao programa. Así nolo contaron Maite Isla, presidenta da Asociación de Amigos do Pobo Saharauí de Galicia, xunto a Julio Solleiro que xa nos últimos acolleu ao neno saharauí, e...

Víctor Abundancia é o autor do cartel anunciador das festas de San Telmo 2024. Con el falamos deste encargo que recibiu do Concello de Tui, de que representa no cartel ou da técnica empregada.

A Plataforma en Defensa da Sanidade Pública de Tui celebra asemblea este sábado, 16 de marzo, ás 11.30 h na Sala Félix Rodríguez. A súa voceira, Conchi Martínez, deunos conta do obxectivo da mesma e de como está a situación na actualidade en Tui

Neste mes de marzo agárdase que cheguen ao Baixo Miño as andoriñas. Un ano máis ANABAM leva a cabo unha campaña de protección dos niños de andoriñas. Hoxe falamos con Agustín Ferreira, presidente de ANABAM, desta iniciativa na que colaboran os concellos de Tomiño, O Rosal e A Guarda.

Con motivo da presentación da "Xota do Monte" o luns visitounos grupo de integración Ardelume de Baíña, de Baiona. Estiveron connosco, Pili Rodríguez, presidenta a asociación e directora do grupo, Raquel Castro, autora da peza, José Luís Malvar, gaita, Pepe, tambor, bombo e piano, Michael, tambor, e David, pandeireta.

“Contra o negacionismo máis feminismo” é o lema da programación organizada polo Concello de Tui con motivo do 8M, Día Internacional da Muller. Da mesma falamos hoxe coa concelleira de Igualdade, Ana Núñez, quen en primeiro lugar se refería ao lema deste 2024, e repasaba despois os actos previstos.

Mañá a partir das 10.30 h terá lugar no edificio da praza da Inmaculada o obradoiro "Tecendo Feminismo" no que se elaborará un lazo morado en crochet. Desta actividade, para a que non é preciso inscrición previa nin levar material, faláronnos hoxe Ana Núñez, concelleira de Igualdade, e Mar López de MyR Lanas.

Unha festa na que van interpretar os éxitos que máis gustan ao seu público. Así vai ser o concerto que hoxe ás 19 h vai ofrecer no Teatro Municipal de Tui A Gramola Gominola. Así nolo contou hoxe Paula Romero, unha das integrantes da banda. As entradas están á venda en tui.gal

Esta mañá no programa Día a Día falamos con Jesús Vaz, xerente de COPLEGAL, dos recubrimentos de fachadas. A normativa actual, as características, ... A diario, dende o incendio da semana nun edificio en Valencia, recibe numerosas consultas sobre esta cuestión.

Esta semana falamos con Juan Carlos Rodríguez, presidente de AFAGA, da presentación do proxecto ‘Innov4life’, o novo programa no que Galicia e Portugal colaborarán na procura de novas solucións dixitais para abordar as demencias e a dexeneración cognitiva.

Hoxe, 29 de febreiro, conmemórase o Día Mundial das Enfermidades Raras. Por este motivo hoxe falamos con Eva Martínez, da Asociación Síndrome de Deleción 1p36 e nai de Marta que ten esta doenza cualificada coma rara. Destacaba a importancia do asociacionismo, os avances científicos e lanzaba unha mensaxe ás familias.

Franciso Díaz Fierro, membro do Consello da Cultura Galega, participará hoxe nas Xornadas Rosendo Salvado en Tui. Ás 20 h na Sala Félix Rodríguez impartirá a conferencia "Ciencia, técnica e cultura na obra de Frei Rosendo Salvado” . Con el falamos no programa Día a Día.

O escritor Héctor Cajaraville, autor de "Nova Nursia" intervirá hoxe mércores ás 20 h na Sala Félix Rodríguez na mesa redonda "Rosendo Salvado nos libros" coa que se abren as Xornadas Rosendo Salvado deste ano. Intervirá tamén Albino Prado autor de "O Pais dos Sen Alma. Rosendo Salvado en Australia”. Hoxe en Día a Día falamos con Héctor Cajaraville.

Por quinta ocasión o tudense Jesús González, proclamouse na fin de semana Campión do Mundo de Remoergómetro na categoría de 45 a 49 anos. Esta mañá falamos con el no programa Día a Día onde daba conta de como foi a competición e tamén dos próximos retos deportivos.

O tudense Adri Vila, do Pancho 3.0, foi o gañador do Campionato Internacional de Baristas celebrado o pasado venres en Foz. Hoxe falamos con el desta experiencia que cualifica de incríble, e na que obtivo a máxima puntuación da historia do certame.

Que debemos de ter en conta á hora de elixir un centro educativo? A esta pregunta respondimos hoxe no tempo de Educación con Teresa Domínguez no programa Día a Día.

O DOG publica hoxe a aprobación polo Consello da Xunta do Plan de Dinamización da Área Rexurbe de Tui. O alcalde de Tui, Enrique Cabaleiro explicaba que ten un orzamento de 23 millóns de euros e un prazo de execución de 4 anos. Agora o seguinte paso será a creación da Oficina da Área Rexurbe.

Este domingo a Volta Cicilista O Gran Camiño rematará no cumio do Monte Aloia tras pasar até en dúas ocasións polo centro urbano. Hoxe falamos desta proba deportiva que reúne aos mellores cicilistas a nivel mundial co concelleiro de Deportes, Rafael Estévez, e co exciclista profesional, Gustavo Rodríguez.

O tudense Adri Vila do Pancho 3.0 participa esta fin de semana no Baristas Foz. Con el falamos esta mañá no programa Día a Día.

Este sábado ás 22 h ES terá lugar no Centro Goianés en Tomiño a "1 Gala para Mara" na que actuarán os grupos Micalips e The Hurt Fingers para recadar fondos para o tratamento que Mara, que sofre unha enfermidade rara, precisa. Hoxe estiveron no programa Día a Día os seus pais Carina Mota e Paulo Silva, xunto a Felipe Sánchez de Micalips.

Naldo Costas foi recoñecido hai uns días co premio The Qhair que recoñece a excelencia dos salóns de perruquería e proporciona un entorno para facer fronte aos retos do futuro. O propio Naldo Costas amosaba a súa satisfacción por este recoñecemento e explicaba en que consiste.

Tui volve a ser este ano unha das tres sedes do Festival de Teatro Grecolatino organizado pola Sección Galega da Sociedade Española de Estudos Clásicos. 500 alumnos e alumnas de 22 centros educativos asistirán no Teatro Municipal mañá martes ás dúas funcións previstas ás 12 e ás 17 h. Falamos desta iniciativa con Laureano Alonso, profesor de latín e grego no IES San Paio e con Teresa Amado, coordi...

O Liceo Casino vai acoller o taller "Mente activa e autocoidado" que van impartir en colaboración con Psicologuiños. Hoxe Teresa Lillo, neuropsicóloga, explicaba cales son os obxectivos, a quen vai dirixida e en que vai consistir este taller.

O tudense Moisés Rodríguez ocupa o posto número 16 na lista por Pontevedra do PP nas eleccións autonómicas que se celebran este domingo, 18 de febreiro. Con el falamos esta mañá no programa Día a Día.

No programa Día a Día hoxe entrevistamos a tudense Carme Núñez, que ocupa o posto nº13 na lista do BNG pola provincia de Pontevedra nas eleccións ao Parlamento de Galicia que se celebran este domingo.