Día a Día

En outubro comezará o programa Cultiva a Mente que nesta quinta edición chegará a todas as parroquias tudenses. Vai dirixido a persoas maiores de 55 e ten carácter preventivo ao tempo que incide na socialización das persoas participantes. Falamos do mesmo con Ismael Diz, concelleiro de Servizos Sociais, Carmen González, traballadora social do Concello de Tui, e Beatriz Rodríguez, psicóloga de AFAG...

'Oportunidade de turismo verde' é o título da mesa redonda que se vai celebrar este xoves, ás 18 h, na Sala Félix Rodríguez en Tui dentro dos actos conmemorativos do Día Mundial do Turismo. Hoxe falamos con María Abuín de Máis que Románico e Leticia Castro de AWA e Grove Maker que participarán na mesa xunto a Diego Chapela da Fundación Juan XXIII e Ricardo da Silva e Alberto Romer da Asociación de...

Sara Luque, mestra composteira e experta en residuos, falounos hai uns días no programa Día a Día do Punto Limpo, dos residuos que alí se poden depositar, e tamén da recollida de voluminosos que o Concello de Tui presta de forma gratuíta.

Este sábado celébrase en Tui o VI Supercross Cidade de Tui, unha proba que regresa tras dez anos de ausencia. Adolfo Pereira e Yago Araújo do Motoclub Randufe deronnos todos os detalles desta competición que se celebrará no Complexo Off Road de Tui.

Hoxe con Juan González, presidente, Ismael González, secretario, e Cristina Pazo, tesoureira, falamos da renovación da directiva da Agrupación de Voluntarios de Protección Civil realizada na última asemblea anual, pero tamén doutros asuntos tratados na orde do día.

Completas as prazas para a ruta nocturna co título 'Lendas ao solpor nos muíños do Tripes' que para mañá sábado organiza Asoc. Muiñeiros do Río Tripes. Será unha visita ambientada e con pezas teatrais, que rematará con chocolate con rosca, queimada e unha cunca de agasallo. Así nolo contaba Ricardo da Silva, presidente da Asociación de Muiñeiros do Tripes.

O cociñeiro especialista na gastronomía xudía, Javier Zafra, ía estar en Tui esta fin de semana para participar en dúas actividade dentro da programación 'Setembro Xudeu en Tui'. Un problema de saúde lle impiden desprazarse polo que as actividades quedan aprazadas como explicaba a concelleira de Turismo, Ana Núñez. A concelleira valoraba como se están a desenvolver as actividades gastronómicas en...

O coro Encaixe será unha das formacións que participen no concerto de apertura do MUMI hoxe ás 20.30 h no Teatro Municipal de Tui. Actuarán tamén O Gajo e As Sanfonas da Ponte Velha e Destino do Clã. Esta mañá en Día a Día falamos con Inés Salvado que forma parte de Encaixe.

En outubro comezan as clases do grao en Psicoloxía na Aula da UNED de Tui. Este centro ofrece amais diversos de extensión universitaria coma Pandeireta, “A arte de reinventarse”, "Guía práctica para a resiliencia e autoconcepto de nenos e nenas de 6 a 10 anos” e "Danzas do mundo". Así nolo contou hoxe a súa coordinadora Minerva Ojeda.

Cita destacada esta fin de semana en Tui co Concurso Nacional de Saltos ** que se vai celebrar nas instalacións de Equigalia. e que vai reunir a destacados xinetes e amazonas, entre eles o olímpico portugués Antonio Vozone. A competición comezará mañá ás 14 h e continuará até o domingo coa disputa do gran premio. A entrada é de balde. No Instagram do Club @csn_equigalia pódense consultar os horari...

As obras na rúa Colón e na rúa Lugo e o transporte de viaxeiros por estrada foron os asuntos que abordamos esta mañá co alcalde de Tui, Enrique Cabaleiro

Este venres ás 20 h no Auditorio de Goián presentarase o libro interactivo “O Miño Sereno” da documentalista Lucía Laín. Hoxe falamos con ela deste proxecto que abre a colección “A memoria dos ríos” que realiza co Ministerio de Cultura y Deporte e que neste primeiro libro conta co apoio e financiamento da Eurocidade Cerveira-Tomiño.

A banda galega Moura actuará este sábado ás 19.50 h no Teatro Municipal de Tui dentro do MUMI, o Encontro das Músicas de Galicia e Portugal. Hoxe falamos con Diego Veiga, un dos integrantes de Moura, deste proxecto no que mesturan psicodelia, rock experimental e música tradicional galega.

Terras Gauda presentou onte o último ensaio do proxecto Flexigrobots no que empregan drons para a detección precoz de enfermidade na viña, ou robots para apoiar labores coma o transporte de caixas na vendima ou para realizar inspeccións na viña. Así nolo contaba hoxe Emilio Rodríguez, director enolóxico de Terras Gauda. Levan dous anos e medio traballando neste proxecto europeo.

A sección de Tui da Escola Oficial de Idiomas vai impartir un curso monográfico de francés orientado ao sector turístico pero tamén coma viaxeiros. Consta dun total de 120 horas que se impartirán os mércores e venres de 17 a 19 h. Faláronnos do mesmo Elena Espinosa, xefa de estudos da EOI de Tui, e Iria Romero, profesora de francés. A matrícula debe facerse no IES San Paio de 17 a 19 h esta semana...

Hai uns días estivo na nosa sintonía o tudense Jorge Conde logo de que o seu doberman, Baixo Miño Dior, se proclamou Campión do Mundo no IDC en Eslovaquia. Contounos como se desenvolveu o campionato, os valores que se teñen en conta e tamén a súa satisfacción tras lograr facer o seu soño realidade.

Carlos Lorenzo, da Asociación Galega de profesionais da xestión cultural presentará este sábado ás 10.30 h ES na ESCE en Valença o proxecto "Coidar de nós, para coidar da cultura" dentro da programación de faladoiros do Mumi. Falamos con el deste proxecto e do propio Mumi, sobre o que salientaba a relevancia que en tan pouco tempo ten acadado.

Hoxe coñecemos con Antonio Conde, secretario xeral do sector ferroviario de CCOO a proposta de tren circular por Galicia que é complementaria á anterior proposta de tren de cercanía intermodal e transfronteirizo.

O Xulgado do Mercantil número 2 de Pontevedra prorrogou até o 19 de xaneiro de 2024 o ERTE de Ganomagoga Logistics e Aplimega. Falamos sobre esta prórroga con Javier Pérez, presidente do Comité de Empresa, quen indicaba que agardan estar traballando de novo a finais de outubro ou comezos de novembro unha vez se formalice a venda da empresa.

A industria músical de Galicia e Portugal darase cita dende este xoves e até o domingo na Eurocidade Tui-Valença. Ánxela Vila de Urdime que forma parte da organización, daba hoxe todos os detalles do que será esta cuarta edición.

Completas as prazas para a Andaina de Fortaleza a Fortaleza que organiza o club Andatui para o sábado 23 deste mes. Percorrerá Tui, Valença, Vila nova de Cerveira e Tomiño. Falamos da mesma con José Martínez Tato de Andatui.

Esta mañá no programa Día a Día falamos con Ana Núñez, concelleira de Comercio e Mercado, tras a aprobación onte en pleno do expediente de licitación do proxecto de reforma da Praza de Abastos. Sairán a licitación nos próximos días. As obras teñen que estar rematadas o próximo verán.

Todo preparado en Guillarei para celebrar as festas na honra á Virxe das Dores que comezan esta tarde e se prolongan até o próximo luns. Hoxe terá lugar a lectura do pregón a cargo de Manu Garrido, e o acendido do alumeado, que darán paso ás verbenas e concertos de bandas de música previstos estes días.

Andrés Díaz leva dous meses coma Comandante Naval do Miño. Hoxe estivo na nosa sintonía con motivo do 60 aniversario da presenza en Tui do Cabo Fradera. Tamén falamos con Rosendo Bugarín, autor do libro "La Armada y Tui" e con José Joaquín García 'Pepín Pernas" gran coñecedor do Miño. Esta tarde ás 20 h na Aula da UNED haberá unha mesa redonda na que amais de Rosendo Bugarín e Pepín Pernas partici...

Con motivo do 60 anos da presenza en Tui do Cabo Fradera hoxe falamos co comandante do patrulleiro, David Pacheco, do seu labor no día a día. O barco conta cunha tripulación de sete persoas. Destacaba o comandante coma tras o Sebastián Elcano o Fradera é o máis veterano da Armada.