Día a Día

Con Enrique Cabaleiro, alcalde de Tui, completamos hoxe a rolda de conversas cos grupos políticos presentes na corporación municipal para valorar o pleno do pasado 1 de abril.

Catro anos de prisión para o presunto responsable do almacén ilegal de material pirotécnico que en maio de 2018 explotou no barrio da Torre en Paramos, unha orde de aloxamento dun quilómetro da zona durante sete anos, e 18 anos de inhabilitación. Este é o acordo acadado entre todas partes personadas na causa, a fiscalía e o propio acusado. Así o confirmaba hoxe Salvador García, da Asociación de Af...

Hoxe continuamos a rolda de conversas, cos grupos presentes na corporación municipal, para valorar o pleno de abril co voceiro do Partido Popular Nico Montes.

Hoxe continuamos a rolda de conversas para valorar o pleno da corporación municipal de Tui do pasado 1 de abril coa voceira do BNG, Carmen Núñez.

O equipo junior do CB Tui xogará mañá a final da División Junior Masculina Campionato Xunta de Galicia fronte ao Obradoiro Peleteiro, Cafés Candelas Ensino e Nexo 8 ETT Novobasket. Javi Niño, coodinador deportivo do club, recoñecía que o feito de xogar esta final é xa un premio.

A Comisión pola Recuperación da Memoria Histórica do Baixo Miño, O Condado e A Louriña organiza unha serie de actos con motivo do Día da República. Comezan mañá ás 12 h ES no cemiterio de Moreiras en Monçao onde está soterra a galega Amparo Alvajar. O domingo realizarán un “xantar republicano” no Copo sen Fundo de Goián. E o 26 en Tui, e o 30 na Guarda, unha charla Guillermo Vicente de Santiago, o...

Tomiño inaugura mañá ás 11.30 h a area de autocaravanas do Seixo. Julio Martín, vicepresidente da Asociación de Autocaravanas de Galicia valoraba positivamente esta nova, que se suma ás case 200 áreas destes tipo que hai en Galicia, sendo unha das comunidades de España con máis infraestruturas deste tipo.

Mañá sábado ás 18 h na Volta da Moura terá lugar o acto organizado por Levada Libre na honra a todas as persoas asasinados polo fascismo no mundo. Será presentado por Manuel Vázquez de la Cruz e Raúl Francés. haberá distinats intervencións, música e baile coma hoxe nos explicaba Manuel Vázquez de la Cruz.

A Agrupación de Voluntarios de Protección Civil de Tui está a impartir charlas sobre primeiros auxilios nos centros educativos de Tui. Estiveron xa no CEIP nº2 e estes días están en Rebordáns, e outros centros amosaron xa o seu interese. Contóunolo Juan Manuel González, presidente de Protección Civil de Tui.

Tomás de Dios, toda unha referencia do fútbol sala a nivel nacional, está a compartir estes días adestramentos con A Quinta de Tui F.S. Tamén onte ofreceu unha charla técnica na que amais dos adestradores de A Quinta, participaron tamén os doutros equipos. Hoxe estivo no programa Día a Día xunto a Xacobe Morais.

Máis de 60 persoas van participar esta fin de semana na Abadía do Pelouro no XIV Encontro Interuniversitario de Expresión corporal e danza, que se reaizará por primeira vez en Galicia. Así nolo explicou Laura Llauder. O público en xera poderá disfrutar de dous espectáculos con entrada de balde. O sábado ás 19 h na propia Abadía do Pelouro en Caldelas, e o domingo ás 11.30 h na praza de San Fernand...

“Las costuras del guión: textos de cine y vida” é o título do libro de Daniel Domínguez que se vai presentar mañá venres ás 20 h na Sala Municipal de Exposicións de Tui. Do mesmo falamos con Pepe Coira, produtor, guionista, e editor desta obra.

A partir de mañá a empresa Lugove realizará modificacións puntuais no servizo na comarca do Baixo Miño co obxectivo de adecuar os horarios ao cambio da estación de autobuses de Vialia. Así o explicaba Berto Otero da empresa Lugove, quen indicaba que tamén se tenta mellorar a información aos viaxeiros.

O próximo 29 de abril abre o prazo de solicitude de praza no Campamento de Verán Igual É + do Concello de Tui. O concelleiro de Deporte, Rafael Estévez, deunos todos os detalles. Ofertan 4 quendas nos meses de xullo e agosto con 140 prazas por quenda.

Con José Manuel Palacín de C21 comezamos a rolda de conversas para valorar o pleno ordinario celebrado o pasado 1 de abril pola corporación municipal de Tui.

Durante tres días, mañá sábado, o domingo e o luns, vaise celebrar a Concentración Cabalar de San Telmo este ano. Mañá haberá concurso de saltos, e sábado e domingo un amplo programa con exhibicións, poniclub, concursos e premios. Amais contarase coa espectáculo de Daniel da Fonseca. Así nolo contou Marcos González de Hípica Marcos.

Chegan os días grandes das Festas de San Telmo. Hoxe en Día a Día a concelleira de Cultura, Sonsoles Vicente, convidaba a disfrutar na fin de semana do amplo programa de festas.

Hoxe na carpa da Corredoira terán lugar os concertos de Acevedos Delgados e Pacheco Bros. Ás 21 h o grupo Acevedos Delgados, de Goián, interpretará versións de cancións populares e os seus propios temas con toques de pop, blues e rock. O grupo está formado por Andrés Acevedo e Davinia Delgado xunto a Manu Ares.

Ás 21 h rematará a XIV Semana de Teatro Amador no Teatro Municipal de Tui co grupo de teatro A Insua da Asociación Cultural A Insua de Caldelas con “Os montesecos e os capulletos”. Falamos con Sofía González Durán, a autora e directora desta comedia. Entradas a 2€ en tui.gal até ás 18 h e dende ás 20 h no despacho de bileltes.

Este sábado e domingo celébrase no interior do edificio da praza da Inmaculada celébrase o III Encontro de Viños da Raia. Adega Pateira do Rosal, será unha das que estea presente. Hoxe falamos con Benito Álvarez.

Hoxe ás 21 h no Teatro Municipal o grupo de teatro Os que Somos do Centro Cultural San Fins de Rebordáns estrea “A Familia”. A obra está escrita e dirixida por Laura Villaverde . Juana Dávila e Concepción Costa son dúas das actrices que estarán en escena. Hoxe presentáronnos a obra no Día a Día.

O domingo, dentro da programación das festas, a Asociación do Traxe Tradicional de Tui organiza o desfile exaltación do traxe que sairá ás 12.30 h da Glorieta de Vigo. Deunos todos os detalles Pilar Pazo, secretaria da asociación organizadora, explicando que terá carácter solidario coas voluntarias de San Vicente de Paúl, polo que recollerán alimentos non perecedoiros.

O grupo de teatro Aloia de Pazos de Reis estreará ás 21 h no Teatro Municipal "Pola sombra dun burro” dentro da XIV Semana de Teatro Amador. Trece actores estarán en escena baixo a dirección de Begoña Brass. Falamos da obra con Secundino Domínguez e Román Bugarín, dous dos actores.

Hoxe, 2 de abril, Día Mundial da Concienciación sobre o Autismo, falamos en Día a Día con Montse Mon, presidenta e Begoña Cambra, vicepresidenta, de Un Máis.

Cunha adaptación do clásico "Don Juan" realizada por un dos integrantes o grupo de teatro Chirlomirlo de Xuntanza, de Randufe subirá hoxe ao escenario do Teatro Municipal de Tui ás 21 h. Será na segunda xornada da XIV Semana de Teatro Amador. Hoxe falamos con Areta Bolado, directora da obra que levan a escena 9 actores e actrices afecionados.