Día a Día

Hoxe no programa Día a Día acompañáronnos Antonio “Toñyto” García e Porri “Potrillo” de Los Jinetes del Trópico. Hoxe nos contaron coma comezou esta banda, os cambios que houbo no grupo, a actual formación xunto a Ninico el Negro, e coma foi o verán de actuacións, e dos próximos proxectos.

Hoxe abordamos os asuntos tratados no último pleno extraordinario da corporación municipal de Tui coa voceira do BNG, Carmen Núñez.

“Ribadelouro: terra e auga é vida” é o libro que Manuel Vázquez de la Cruz presentou o pasado sábado na Sala Félix Rodríguez. É, nas súas palabras, unha homenaxe á Ribadelouro, ao seu pai, e un chamemento a que non se desfagan os bosques. Así nolo contou o pasado venres en Día a Día.

Hoxe coma cada mércores no programa Día a Día acompañounos a mestra composteira do Concello de Tui, Sara Luque. Hoxe deu conta da alta demanda rexistradas nos últimos días de trampas e doses de atraínte para loita contra a velutina, que esgotaron as existencias dispoñibles. Tamén lembrou o servizo de cesión de uso de biotrituradoras que ten o Concello e que ten tamén unha boa acollida.

Hoxe no programa Día a Día falamos con Manuel Pereira, presidente da Comunidade de Montes de Areas da Andaina que organizan para este domingo polo monte comunal, e tamén do curso de cogomelos que celebrarán o sábado 4 de novembro.

Unha nova directiva está a fronte do Liceo Casino de Tui dende o pasado mes de xuño. Diego Patricio, presidente, Iván Vieira, vogal e Ramón Sánchez, tesoureiro, membros da directiva estiveron no programa Día a Día. Explicaban que o Casino está aberto a toda a sociedade, tendo vantaxes para as persoas socia, e nas que os socios teñen vantaxes. Daban conta da oferta de actividades que teñen e da pró...

Tras o pleno extraordinario celebrado o pasado xoves pola corporación municipal de Tui hoxe falamos dos asuntos tratados no mesmo con José Manuel Palacín, concelleiro de C21.

Hoxe coñecemos a situación e a preocupación que teñen as diferentes asociacións e comisións de festas ante o cambio normativo que afecta á celebración de bingos. Esta mañá en Día a Día falamos con José Luis Pérez Otero, presidente da coordinadora de bingos da zona de Pontevedra.

"Iphixenia na porta do super" é a obra teatral que abre hoxe ás 21.30 h a programación de outono no Teatro Municipal de Tui. Chega da man da Compañía Humana. Fran Peleteiro, produtor da compañía, destacaba no programa Día a Día o traballo de interpretación de Alba Caneda e a calidade do texto, así coma a formación da equipa na Escola Superior de Arte dramático de Galiza. As entradas están á venda...

Mañá venres, ás 18 h, no Paseo da Corredoira o Conservatorio e a Escola de Música de Tui van ofrecer o seu concerto de inauguración do curso 2023/24 no que contan con 220 alumnos e alumnas. Deste evento musical falaba hoxe no programa Día a Día, Rubén López, director do centro.

A ruta cicloturista #Eurovelo Atlántica que dende Portugal entrará a Galicia por Tui suporá o investimento de máis dun millón de euros na súa sinalización. Desta ruta falamos hoxe con Xosé Merelles, director de Turismo de Galicia.

A empresa tudense Ingamark é unha das firmas que están a participar en Conxemar no recinto feira de Vigo. Hoxe falamos con José Manuel Caballero de como está a transcorrer este importante evento internacional.

Dentro das Andainas da Eurocidade Tui-Valença este domingo terá lugar a andaina da Macoca a San Fins. Xosé Martínez Tato de Andatui, deunos hoxe todos os detalles deste percorrido. É preciso inscribrise até mañá xoves en andatui.es cun prezo de 6€,

A rúa Ricamonde vai pasar a ser de sentido único cara ao Anxo. Hoxe comezaron as obras sinalización do novo sentido de circulación. Con esta medida dase cumprimento á demanda da veciñanza como explicaba o alcalde, Enrique Cabaleiro, que tamén se refería a outras actuacións en viais municipais. Tamén falaba da visita a Versmold, cidade irmandada con Tui, que realizou na fin de semana.

Moisés Rodríguez é dende hai uns días voceiro da Comisión de Industria no Parlamento de Galicia, cargo que suma o de presidente da Comisión VI de Industria, Comercio e Turismo que exerce dende xullo. Hoxe falamos con el da actividade parlamentaria e tamén do seu labor coma coordinador interparlamentario do PP.

Hoxe martes, ás 19.30 h, na Sala Municipal no edificio Francisco Sánchez será inaugurada a exposición “Cuentos, relatos y narraciones” de Manuel Martínez Tobaruela. Hoxe en Día a Día falamos co fotógrafo sobre a mostra que até o 28 deste mes presenta en Tui.

Hoxe no programa Día a Día falamos con Iván Carral, presidente ACITUI e Beti González do Bar Sobreiro dous roubos rexistrados nos últimos meses en distintos en establecementos en Tui.

Mañá sábado a partir das 20.30 h terá lugar a 6ª Noite Máxica coa Fada do Aloia na que descubrir lendas do Aloia, a súa fauna nocturna e tamén ver as estrelas e constelacións. É preciso inscrición previa no 619 96 90 90. Prezo 14€ adultos e 10€ nenos e nenas. Coñecemos os detalles desta experiencia con Natalia Lago, a Fada do Aloia.

“Recunchos de música” é a guía musicalizada polo conxunto histórico que organiza a Coral Ponte das Febres de Ribadelouro para este domingo. Saírá ás 17 h e fará un percorrido dende a Corredoira pasando pola praza de Fromista, a capela de San Telmo, praza da Armada e praza do Pracer. Participarán o Coro Infantil do CEIP de Pazos de Reis, os gaiteiros e grupo de baile O Mosteiro de Pexegueiro e a co...

Este sábado ás 20 h celebrarase na igrexa de San Domingos o V Festival de Outono organizado pola Coral San Telmo de Tui. Contará coa participación do Coro da Agrupación Musical do Rosal, do Coro Villa de Navia de Asturias, do grupo de música tradicional Lirolai e da propia Coral San Telmo. Así nolo contaron María Isabel Pérez e Ricardo Martínez da Coral San Telmo.

Cun concerto de Old Bridge o sábado ás 21 h vai se inaugurado o curso na Escola de Música da Banda de Banda de Música Popular de Tui. Será nas súas instalacións en Guillarei. Neste segundo ano contan con 40 alumnos e alumnas e coma novidade incorporan batucada. Así nolo contou o seu director Eloy Carrera.

O concello de Tui conta con 7 millóns de euros de fondos europeos para realizar investimentos verdes. Este balance fíxoo público coincidindo co Día Mundial do Turismo. Do mesmo e das actividades que se celebran esta semana coma a mesa redonda prevista para esta tarde falamos hoxe coa concelleira de Turismo, Ana Núñez.

Un investimento de 1,5 millóns de euros será o que suporá a execución da senda fluvial paralela ao río Pego en Tomiño. Esta semana o presidente da Confederación Hidrográfica del Miño-Sil, CHMS, José Antonio Quiroga, e a alcaldesa de Tomiño, Sandra González, asinaban un convenio de colaboración con este fin. Sandra González amosaba a súa satisfacción por esta senda unha vez concluída permitirá cheg...

Situación delicada á que se enfronta SOS Tomiño-Baixo Miño a partir do mes de decembro xa que remata o Fondo de Axuda Europea, do que recibía o 30% dos alimentos que distribúe entre as familias as que presta axuda. Onte reuníanse co alcalde de Tui, Enrique Cabaleiro, para exporlle a situación que teñen por diante e solicitar a súa colaboración. Estanse a reunión cos mandatarios e mandatarias dos m...

O administrador concursal propón a GRI para facerse con Ganomagoga. Javier Pérez, presidente do Comité de Empresa, amosaba a súa resignación con esta decisión xa que son máis partidarios da opción e Emobi, Así llo vai transmitir hoxe á xuíza, que serán que tome a decisión final.