Día a Día

O presidente da Cámara de Valença, José Carpinteira, destacaba que o concerto de Nadal da Eurocidade é un evento importante que vai reforzar a unión entre a poboación valenciana e tudense, as dúas culturas e as dúas cidades. Será mañá sábado ás 21.30 h no Teatro Municipal de Tui a cargo de Mistura Vocal, Kasual Quartet, Vocalis Contrasta e o coro da Academia de Música da Fortaleza de Valença.

Esta fin de semana comezan no rio Miño as viaxes do Barco de Nadal con Chocolate, unha iniciativa da empresa Río Miño en Barco. O paseo estara acompañado de panxoliñas e chocolate quente coma explicaba Verónica Gomez. Débese facer reserva previa 662 312 520.

A Fada do Aloia realizará este domingo a Ruta "Conto do Nadal" polo Monte Aloia. Haberá dúas quendas ás 12 h e ás 16 h. Deunos todos os detalles Natalia Lago. É preciso inscrición previa no 619 96 90 90.

Máis de 200 patinadores e patinadoras participarán este domingo, a partir das 17.30 h no Festival de Nadal do Club de Patinaxe Artística Ribex, no pavillón municipal Gustavo Rodríguez. Falamos do mesmo con Carolina Figueroa.

Hoxe proseguimos a rolda de conversas para valorar o pleno ordinario de novembro da corporación municipal. Esta mañá no programa Día a Día acompañounos o voceiro do Partido Popular, Nico Montes.

Mañá celébrase a festa solidaria Humor e Jazz organizada por Protección Civil de Tui en favor das asociacións Un Máis e Síndrome de Delección 1p36. Actuará o monologuista Víctor Grande, o trompetista Manuel Madarnás e o grupo Old Bridge. Da mesma falamos con Juan González, Cristina Pazo e Ismael González, membros de Protección Civil de Tui.

O grupo Leira Rock ofrecerá mañá sábado ás 21 h un concerto no Mercado de Nadal de Tui no Paseo da Corredoira. Hoxe falamos co seu cantante, David Carreira.

Facer realidade os soños de 80 nenos e nenas das familias ás que axuda SOS Tomiño Baixo Miño é o obxectivo da #Árboredosdesexos situada na praza da Inmaculada, a carón do posto dos Scout Alhoia Tui. É unha iniciativa EMedia.gal, SOS Tomiño Baixo Miño, Concello de Tui e Viveiros Nilo, coa colaboración de Flores Rita, Scouts Alhoia, Mensatui e Distribuciones Priegue Falamos do mesmo con Carmen Gonzá...

O Teatro Municipal de Tui encherase este sábado da maxia do Nadal a través do espectáculo musical “Nadal de Cristal”. Mistura Vocal, Kasual Quartet, Vocalis Contrasta e o coro da Academia de Música da Fortaleza de Valença serán as catro agrupacións que brindarán o concerto de Nadal da Eurocidade Tui-Valença. Falamos do mesmo con Sonsoles Vicente, concelleira de Cultura, Aloia Martínez, directora d...

No Mercado de Nadal de Tui hai un posto de ASANOG, Asociación de Axuda a Nenos Oncolóxicos de Galicia, en colaboración coas Asociacións de Pais e Nais de Tui. Deste xeito buscan recadar cartos para ASANOG coa venda de distintos produtos solidarios, manualidades e calzado grazas á doazón feita por unha zapatería. Así nolo contou Aldara Palmeiro.

Ás 11 h a Plataforma en Defensa da Sanidade Pública de Tomiño convoca unha concentración diante do Centro de Saúde para protestar pola situación no mesmo. Denuncian dende a Plataforma a situación na que se atopa o ambulatorio tomiñés onde dende outubro dos 8 médicos so había 3, pero na xornada de hoxe haberá un so facultativo.

Tomiño levará a pleno a próxima semana os orzamentos para 2024 por importe de 9 millóns de euros, un 5% máis que os deste ano. Hoxe falamos destas contas para o próximo ano con Sandra González, alcaldesa de Tomiño.

Con Carmen Núñez, voceira do BNG, continuamos hoxe a rolda de conversaso cos grupos presentes na corporación municipal de Tui para valorar o pleno do mes de novembro.

Co voceiro de C21, José Manuel Palacín, abrimos hoxe a rolda de conversas cos representantes dos grupos políticos sobre o pleno ordinario do mes de novembro.

A Rondalla O Mosteiro de Pexegueiro presentarase oficialmente este domingo ás 17.30 h no Centro Cultural O Mosteiro de Pexegueiro. No acto participará tamén o Coro Infantil do CEIP de Pazos de Reis e da Coral Polifónica Ponte das Febres Hoxe falamos deste acto con José Manuel Solleiro da Rondalla o Mosteiro, Rafael Pérez Rego, director do Coro Infantil do CEIP de Pazos de Reis e da Coral Ponte das...

Ao longo do ano son diversas as iniciativas solidarias que se realizan, e que desenvolven un importante labor. Unha delas é o rastrillo solidario da Asociación de San Vicente de Paúl, que continúa nestas datas. Amais de abrir os sábados no Colexio da Milagrosa, fronte á Catedral, tamén o fará mañá venres 8 de decembro de 17 a 20 h.

O arquitectos Jorge Enríquez e Adrián Pinaque, do estudo Arqxé, foron galardoados co Premio Gran de Area polo Colexio de Arquitectos de Galicia polo seu proxecto “Casa dos profesores” executado no barrio da Torre en Paramos. Falamos con eles do premio e do proxecto.

Hoxe comeza a programación Tui, o Camiño do Nadal no Concello de Tui. A apertura do Mercado de Nadal, o acendido das luces, as actuación de Barafunda e Arrancaxestas marco o inicio dos eventos festivos. Falamos cos mesmos coa concelleira de Cultura, Sonsoles Vicente, coa concelleira de Comercio, Ana Núñez, e co concelleiro de Deportes, Rafael Estévez.

Este domingo, 3 de decembro, é o Día da Discapacidade. Dende Vontade están levando a cabo unha campaña de concienciación a través das redes sociais e cartelería da que hoxe nos falaron María José Martínez Fandiño, Joaquín e Sara da Silva.

Todas as covas naturais ou artificias de Galicia ou da antiga Gallaecia que estaban documentadas até 1970 veñen recollidas ao longo das máis de 500 páxinas do libro “Tesouro espeleolóxico galego” do Grupo Espeleolóxido Maúxo. Esta obra, cun texto introdutorio da poeta Alba Cid, será presentada o próximo martes, 5 de decembro, ás 20 h no edificio Francisco Sánchez. Así o explicaba hoxe na nosa sint...

O auditorio de Goián acolle este mediodía a Gala de entrega de premios de Vilas en Flor. Falamos deste evento coa alcaldesa de Tomiño, Sandra González. Tamén do recoñecemento coma ábores senlleiras de Galicia do conxunto de sobreira de Goián, entre outros asuntos.

Hai unhas semanas xubilábase Manuel Lorenzo, o garda forestal do Parque Natural do Monte Aloia tras 38 anos no posto. El viviu en primeira persoa a transformación que monte foi sufrindo nestas décadas. Con el falamos dos cambios, das vivencias e do Aloia. Tamén nos acompañou telefonicamente Gonzalo Puerto, que durante moito anos foi director de Conservación do parque tudense.

Hoxe no programa Día a Día acompañounos a concelleira de Igualdade de Tui, Ana Núñez, para falar do 25N, Día Internacional da Eliminación da Violencia contra a Muller, e da campaña Non máis violencia por ser muller.

A Banda de Música Popular de Tui celebra este sábado, ás 20 h, no Teatro Municipal de Tui, o seu concerto de Santa Icía. O repertorio será de bandas sonoras e a entrada alimentos non perecedoiros para SOS Tomiño Baixo Miño. Deste evento falamos con Eloy Carrera, director, e David González, presidente. da Banda de Música Popular de Tui e con Jose Monte, Ángele Vicente e Pilar Álvarez de SOS Tomiño...

Este domingo celébrase no río Miño a V Regata de Remo Eurocidade organizada polo Club Remo Tui. Disputarase na modalidade de skiff. Reunirá a máis de 110 deportistas tanto galegos coma portugueses nun circuíto de 400 metros entre a vella Ponte Internacional e as gradas da rúa Olímpicos Tudense, o que posibilita que o espectador poida ver integramente a proba. As finais disputaranse a partir das 15...