Día a Día

Hoxe mércores, ás 19 h na Sala Félix Rodríguez a escritora e investigadora Aurora Marco que presentará o seu último libro titulado “Carmiña Sierra. A primeira muller no Seminario de Estudios Galegos” dentro do ciclo de “Sobredo, 101 anos despois”. Con Aurora Marco falamos no programa Día a Día.

Inspirado no conto clásico Juan Mayorga escribiu un novo Hamelin que el 20006 lle valeu o Premio Max. A obra é levada a escena por Redrum Teatro baixo a dirección de Alex Sampaio. Este venres ás 21.30 h estarán no Teatro Municipal de Tui. En escena estarán Laura Míguez, César Goldi, Machi Salgado, Fran Lareu, Rubén Porto, Mónica García e Guillermo Carbajo. Con este último falabamos hoxe no program...

Violeta Brizuela e Elan Domínguez do CRA Mestra Clara Torres de Tui recibiron o pasado venres os seus premios do VI Certame As Imaxes do Patrimonio convocado por Ponte nas Ondas. Violeta Brizuela Martínez cunha fotografía de 1969 na que aparece a súa tía avoa xunto a outras alumnas dun curso onde confeccionaron unha alfombra co escudo de Tui obtivo o segundo premio na categoría de Podcast. Mentres...

Este venres 24 e sábado 25 terá lugar a Gran Recollida de Alimentos que promove o Banco de Alimentos de Vigo e que na comarca conta coa colaboración de SOS Tomiño Baixo Miño. Iago Aspas é o padriño deste 2023. En Tui estarán no GADIS e nos tres Froiz, en Tomiño no Froiz e no Día, na Guarda no Froiz e no Eroski, e no Rosal no Froiz. Pódese axudar tanto aportando alimentos coma sendo voluntario nest...

No Rosal, a alcaldesa, Ánxela Fernández, esta mañá na nosa sintonía explicaba que dende a Consellería de Sanidade lles confirmaron o sábado un caso de lexionela que afecta a unha persoa veciña do seu municipio. Insistía a alcaldesa do Rosal na mensaxe de tranquilidade ante esta situación.

Na Guarda rexistrouse un gromo de lexionela que afecta a nove persoas das que 6 seguen hospitalizados, e onte apareceron 2 casos novos, que están a ser investigados. Tamén hai unha persoa veciña do Rosal afectada. O alcalde da Guarda, Roberto Carrero, así o confirmou hoxe na nosa sintonía, onde lanzou unha mensaxe de tranquilidade. Polo momento descoñécese a orixe do gromo.

Irene Piñeiro e Davide Gonzalez subiran esta tarde ao escenario do Teatro Municipal de Tui para con distintas técnicas achegarnos á historia de Alex. Andrea Bayer é a guionista de "Ás para Alex" e codirectora xunto a Óscar Ferreira. Hoxe falamos con ela deste espectáculo que Baobab Teatro presenta ás 19.30 h en Tui. As entradas están á venda en tui.gal.

Esta mañá falamos con Ignacio Vilar do ciclo “José Gil. Pontevedra, provincia de cine, na orixe do cinema” que hoxe está en Tui. A actividade pola mañá está dirixida a escolares. Pola tarde, a partir das 18 h, o público en xeral poderá visitar a exposición do cinemobil na rúa Ourense, e a partir das 20 h asistir ás proxeccións no Teatro Municipal.

Hoxe ás 18 h na Sala de Exposicións Municipal de Tui presentarase a tradución ao galego da obra “Quod nihil scitur” de Francisco Sánchez, realizada polo profesor de latín e grego do IES San Paio, Laureano Alonso. O libro conta con ilustracións de Andrés Lamas e prólogo de Rafael Sánchez Bargiela. Esta mañá falamos con Laureano Alonso deste traballo.

Este domingo, 19 de novembro, celébrase o VIII Concurso Pinta Tui con participación aberta a todos os interesados. Haberá tres categorías: adultos, xuvenil e infantil, con técnica libre. A partir das 9.30 h selaranse os soportes na Oficina de Turismo, e as persoas participantes terán até ás 18 h para realizar as súas obras. Haberá importantes premios. Así nolo contou hoxe José Díez, organizador do...

“A camelia a flor das galegas e dos galegos” é a exposición itinerante organizada pola Sociedad Española da Camelia que este venres, ás 12 h, será inaugurada no Paseo da Corredoira. Hoxe falamos con Carmen Salinero, presidenta da SEC e con Antonio Montes, José Carlos Montes e Fernando da Costa, de ATUCA desta mostra e da camelia.

“Ese vento que vai sobor da terra. A vida desmedida de Basilio Álvarez” é o título do libro que Miguel Cabo Villaverde presentará ás 19.30 h na Sala Félix Rodríguez no Ciclo “Sobredo 101, anos despois”. Hoxe falamos con Miguel Cabo da súa obra do propio Basilio Álvarez.

Luís Martínez é o director do coro Vox Stellae que hoxe martes, ás 20 h, no Teatro Municipal de Tui ofrecerá un concerto no que trazará musicalmente un percorrido pola traxectoria vital de Francisco Sánchez. Con este evento pecharase a Xornada Francisco Sánchez no IV Centenario da súa morte. A entrada é libre. Con Luís Martínz falamos esta mañá en Día a Día.

“A ascendencia xudía de Francisco Sánchez, o Tui da época e as relacións con Portugal” é o título do relatorio que ofrecerá o historiador tudense Suso Vila ás 16.45 h na Sala Félix Rodríguez dentro da Xornada Francisco Sánchez no IV Centenario da súa morte. Desta conferencia falamos hoxe no programa Día a Día.

O relatorio “A biografía de Francisco Sánchez” por Rafael Sánchez Bargiela abre ás 16.15 h a “Xornada Francisco Sánchez no IV Centenario da súa morte” na Sala Félix Rodríguez. No programa Día a Día falamos con Rafael Sánchez Bargiela da súa intervención e da importancia de Francisco Sánchez.

O uso de dispositivos móbiles e a educación por competencias centraron hoxe o tempo que os martes dedicamos á educación no programa Día a Día con Teresa Domínguez.

En Caldelas celebrarán esta fin de semana o San Martiño con actividades dende mañá venres até o domingo con carpa. Vicki Méndez e José Álvarez da Asociación A Insua déronnos todos os detalles. Tamén nos falaron do II Concurso de Decoración de Nadal que convoca.

"No son mariposas, son elefantes" é a cuarta novela xuvenil de Sonia Mirón. Esta mañá no programa Día a Día falamos con esta desta obra, e explicaba que as catro novelas que ten publicado até o momento abordan temas moi realistas que abordan problemas e plantexan solucións que se dan nas familias. Mañá presentará a novela ás 19 h na libraría Espazo Lector Nobel.

O convenio asinado coa Deputación para o financiamento das obras en Augusto González Besada e na Corredoira, as obras no edificio municipal e na rúa Camilo José ou na praza de Abastos, foron algúns dos asuntos que abordamos esta mañá co alcalde de Tui,Enrique Cabaleiro.

Este venres, ás 20 h na casa cultural da Comunidade de Montes de Camposancos, na Guarda, o escritor Francisco Álvarez “ Koki” presentará os seus dous últimos traballos “Hijos de La luz y de la Ira” e “Louvor de abril”. Hoxe falounos da súa obra no programa D'a a Día.

O CEIP nº2 organiza a Xornada de Formación para as familias e profesorado titulada “Educar en igualdade de Xénero. A importancia dunha Educación sexual en calidade”. Terá lugar o martes 14 de novembro de 16:30-18:30h no salón de actos do centro. Correrá a cargo da pedagoga e sexóloga Erea Devesa. Está destinada a familias, profesorado e aberta a todas aquelas persoas que queiran participar de todo...

A empresa tudense SomosOcéano volve aliarse coa sétima arte. Tras a colección dedicada a Pedro Almodovar, lanza agora unha colección con edición limitada da película “El Día de la Bestia” de Álex de la Iglesia. Hoxe mesmo comeza a prevenda da coleción na súa web e nas tendas seleccionadas. Hoxe falamos precisamente desta colección con Ana Carpintero e Fran García.

O pavillón de Goián acolle mañá sábado de 10 a 14 e de 16 a 20 h e o domingo de 9.30 a 14.30 h o XVIII Mercadiño e Exposición de Motos Antigas organizado pola Asociación de Amigos das Motos Antigas Dalle Gas. Falamos co seu presidente José Fernández.

O grupo San Roquiño estrea esta fin de semana a súa sexta longametraxe "Goián vaciado". Haberá catro pases o sábado ás 18 h e ás 20 h e o domingo ás 17 h e ás 19 h. A entrada será un quilo de alimentos non perecedoiros que se doarán á SOS Tomiño-Baixo Miño e Conrazones. Falounos deste traballo Remedios Carrera do grupo San Roquiño.

Debido ao inicio das obras de reforma integral do edificio o próximo luns, martes e mércores a praza de Abastos permanecerá pechada para o traslado dos postos á parte dianteira do edificio, así nolo explicou hoxe a concelleira de Comercio, Ana Núñez.