Día a Día

Natalia Lago, educadora ambiental, destacaba hoxe a importancia dos polinizadores. Hoxe, 20 de maio, celébrase o Día dos Polinizadores.

Este sábado, ás 11 h, na Sala Félix Rodríguez, terá lugar unha reunión informativa sobre o Cine Club Tui. Os seus promotores Pablo Romero, Noemí Guisande e Javier Argüelles déronnos conta dos obxectivos cos que nace, e tamén do interese que está a espertar.

“Estratexias para crear unha relación de confianza e seguridade dende a infancia ata a adolescencia” é o título da conferencia que hoxe ás 19 h no salón de actos do Seminario Menor abre as III Xornadas Educativas organizadas polas ANPA’s de Tui. Correrá a cargo de Teresa Lillo, psicóloga clínca, neuropsicóloga e logopeda de Psicologuiños con quen falamos hoxe.

Hoxe abrimos un novo tempo de “Descubrindo o noso patrimonio” con Cristian Lago. Fixemos balance das dúas andainas polo río Furnia da Fin de Semana, e logo achegounos a unha mostra noso patrimonio inmaterial o “Entremés Famoso sobre a pesca no río Miño”.

Os equipos cadete feminino e masculino do Club Tenis Tui clasificáronse para o Campionato de España,e esta fin de semana xogarán ante o O Coruña, o equipo absoluto buscará o ascenso o domingo a 2ª División Galega, e unha das tenistas xogará o sábado a final de 2ª División en Santiago . Hoxe falamos destes logros deportivos co seu presidente Jorge González e co secretario Germán Soutelo. Tamén nos...

Mañá venres, este sábado e domingo celébrase a XXI Romaría do Cabalo en Ribadelouro, con Lino Martínez da Peña Cabalar Val do Louro, coñecemos o programa a celebrar no que destaca a exhibición doma de Carlos Jacobo Sotelo, e o espectáculo Caval Show que chega dende Francia.

A Agrupación Musical de Goián recibiu onte o premio Martín Codax na Categoría de Bandas de Música Populares polo seu proxecto Chavellos Sinfónico. Esta mañá falamos coa súa presidenta Pilar Ramos.

Hoxe foi a quenda de Nico Montes, voceiro do PP, na rolda que estamos manter cos grupos políticos da corporación tudense sobre a rescisión do contrato de construción do aparcamento subterráneo, que foi a pleno a pasada semana.

Do 1 ao 5 e do 8 ao 12 de xullo vaise celebrar o VII Campus Solidario organizado polo Tyde. Coñecemos todos os detalles con David Domínguez, presidente, José Manuel Quintana, director da Escola de Fútbol, e Juan Paramos, coordinador de fútbol base do Tyde, e con Pilar Álvarez e José Montes de SOS Tomiño Baixo miño, que recibirá os alimentos non perecedoiros que doarán as e os participantes.

Hoxe abordamos con Carmen Núñez, a voceira do BNG a rescisión do contrato de construción do aparcamento subterráneo, tras o pleno celebrado a pasada semana.

Hoxe falamos con José Palacín de C21 da rescisión do contrato da construción do aparcamento subterráneo en #Tui, que foi aprobado a pasada en pleno.

As ANPAS de Tui organizan as III Xornadas Educativas que se van celebrar no salón de actos do Seminario Menor os xoves 16, 23 e 30 deste mes. A primeira conferencia será “Estratexias para crear unha relación de confianza e seguridade dende a infancia ata a adolescencia” a cargo de Teresa Lillo, psicóloga clínica, neuropsicóloga e logopeda de Psicologuiños. Javier Argüelles, membro da organización,...

O venres, 31 de maio, o sábado 1 e o domingo 2 de xuño o Liceo Casino de Tui acollerá un obradoiro de teatro popular a cargo de Nuria Pahino. Hoxe coñecemos con Nuria Pahino o programa previsto nesta actividade.

Mañá sábado, 11 de maio, ás 19.30 h terá lugar no Pavillón Municipal de O Porriño a Fight Night, a velada de boxeo organizada por CKM Combat e Spartan Team de Tomiño.

“Revisión da biografía do derradeiro alcalde republicano de Tui e da súa dona” é o título da charla coloquio que terá lugar hoxe ás 20.30 h no salón de plenos do Concello de tui organizada pola Comisión pola Recuperación da Memoria Histórica do Baixo Miño, o Condado e A Louriña. O acto será presentado por Víctor Bugarín e Helena Pousa e intervirán Victoriano da Goreña e Begoña Vicente, neta de Gui...

Hoxe abordamos coa alcaldesa de Tomiño, Sandra González, a praga de moscas que sofren algunhas parroquias do municipio.

‘Que necesitamos as persoas mozas para imaxinar un plan de vida nas nosas vilas?’ este é o punto de partida do proxecto Foro Novo do Baixo Miño. Unha iniciativa dirixida á mocidade de entre 18 e 25 anos que coordina a asociación FOCO e na que colaboran os concellos de Tui, Tomiño, A Guarda, O Rosal e Oia, e coa Xunta de Galicia a través do Espazo Xove de Tui. Juan Escalona, responsable do proxecto...

Esta mañá tamén estivo no especial Play Doc a productora Beli Martínez, quen destabca a variedade da produción cinematográfica galega con algúns temas recurrentes coma a memoria e a emigración.

O pavillón Gustavo Rodríguez acolle a Final 4 Cadete de balonmán. Mañá sábado xogaranse as semifinais femininas: ás 10.30 h Deportivo Balonmán Chapela – Asmubal Meaño, ás 12.30 h A.D. Carballal - Club de Balonmán Porriño, e pola tarde as masculinas: ás 18.00 h Club Balonmán Lalín – Club Balonmán Culleredo, e ás 20.00 h Club Balonmán Tui e o Balonmán Cangas. O domingo ás 16.30 h xogarase a final fe...

Á primeira sesión de hoxe asistiu alumnado de distintos institutos da zona. Entre eles estivo o alumnado de 1º de Bacharelato de Cultura Audiovisual do Politécnico de Vigo. Falamos coa profesora Ana Ojea.

A sesión de hoxe venres Play Doc abriuse coa proxección de “Frente a Guernica” de Yervant Gianikian e Angela Ricci Lucchi que forma parte da Competición Internacional do Festival. Falamos da mesma con Chema González, comisario e programador do Museo Reina Sofía que produciu esta película.

Onte proxectouse en Play Doc "O Auto das Ánimas" de Pablo Lago. Hoxe no programa especial Play Doc agradecía a acollida que tivo onte a película cun público moi activo.

"Os espazos en branco" é o título da película que o director vigués Bruno Arias presenta en Play Doc. É o seu primeiro traballo como director no que buscaba renderlle homenaxe a súa tía Xela Arias. O resultado é un traballo moi intimo e familiar no que fala tamén da relación entre as persoas.

Poucas entradas quedan xa para os catro pases de Cinema Percorridos desta noite. Así nolo contou o codirector do festival, Ángel Sánchez, que tamén, no programa especial Día a Día dedicado ao Festival Internacional de Cine de Tui, nos deixou as súas recomendacións para a fin de semana.

Beatriz Rodríguez, psicóloga de AFAGA, será hoxe a encargada da formación sobre a enfermidade de Alzheimer que vai ter lugar ás 16.30 h na Sala Félix Rodríguez. Falarán tanto do azheimer coma doutras demencias, dos síntomas, tratamentos e recursos. Vai dirixida a familiares de persoas que veñen de ser diagnosticadas, aos propios enfermos e á cidadanía en xeral.