Día a Día

Solidariedade Galega co pobo saharauí fai un chamamento solicitando apoio urxente ante a crise humanitaria que está a afectar aos campamentos de refuxiados saharauís ante as intensas choivas que sufriron. Dende SOGAPS van comprar material sanitario e o 24 deste mes viaxará aos Campamentos a Comisión Sanitaria de Galicia.

Este domingo ás 12 h na súa sede en Guillarei a Escola de Música da Banda de Música Popular de Tui realiza a inauguración do curso escolar 2024/25 cun concerto de Manuel Madarnás xunto a Sic Salem, guitarra, e Narrayan Corrios, saxofón e caixón. Deste evento falamos con Eloy Carrera, director da Banda de Música, e Manuel Madarnás.

O catedrático en Educación Miguel Ángel Santos Guerra, vén de ser investido doutor honoris causa pola universidade de Oviedo. Hoxe falamos con el deste recoñecemento e da súa relación con Tui, onde foi profesor no IES San Paio. Na conversa que mantivemos con el participou tamén Teresa Domínguez.

O Centro Sociocomunitario de Tui pon en marcha o Espazo Familiar, unha iniciativa que se centra no crecemento conxunto para bebés e familias, sempre guiado por unha pedagoga. Ela será Ana García, do propio centro, quen hoxe nos deu todos os detalles desta actividade. Serán sesións semanais, todos os luns, de 17:00 h a 18:30 h, cun prezo de 20 euros por mes.

Dentro do programa Boas Vibes este domingo o Paseo Fluvial - ou en caso de choiva o exterior do Mercado de San Antonio - acollerá obradoiros de skate para a mocidade da man de Vella Escola. Pablo Castiñeira de Vella Escola explicou en Día a Día en que van consistir ou a quen van dirixidos. Son gratuítos e é preciso inscribirse en igualdade@tui.gal ou no formulario dispoñible en tui.gal. Tamén habe...

No Espazo Comercio hoxe coñecemos Sinerxia, un establecemento que abriu as súas portas en 2015 da man de Leticia Diz e Diego Domínguez. Hoxe Leticia Diz explicounos como a empresa xurdiu co obxectivo de unir adestramento e fisioterapia, e coma foron estes primeiro anos. Afirmaba que “a saúde é o movemento” e explicaba e convidaba a coñecer os servizos que ofertan entre os que adestramento de forza...

A praza do Calvario do Rosal acolle dende hoxe a Festa de Outono O Pilar, con tres días de actividades centradas en poñer en valor o oficio dos cabaqueiros. Todo con música, gastronomía e historia. A alcaldesa, Ánxela Fernández, deunos os detalles.

Até este domingo está aberta a inscrición para a carreira “2 leguas da Contrasta” que se vai celebrar o próximo domingo 20 de outubro na Eurocidade Tui-Valença. Haberá distintas distancias en función da categoría e tamén unha andaina. A inscrición pode facerse en www.2leguascontrasta.pt. Coñecemos todos os detalles con André Fernandes da Asociación Deportiva Verdoejense.

O próximo martes 22 de outubro terá lugar a primeira proxección do Cine Club Tui. A cita será na aula da UNED onde cada martes ás 18 h e ás 20.45 h habera unha película. Os socios terán unha cuota anual de 50€ e por cada proxección deberán aboar 1,5€. Para os non socios a entrada será de 3,5€ Falamos da posta en marcha do Cine Club Tui con Javier Argüelles e Minerva Ojeda, coordinadora da Aula de...

Danos moi importantes os sufridos polo Club Penedo Te Importa de Caldelas no seu almacén de piraguas xa que os fortes ventos arrancaron todo o tellado, e mesmo desprazaron algunhas embarcións cara ao exterior. Marcos Fortes, presidente do Penedo, explicaba hoxe a situación que teñen que afrontar para reparar os graves danos.

Co contacontos inclusivo en lingua de signos "A Maleta" con ContAZ mañá venres ás 17.30 h comeza a programación do Mes da Biblioteca. Hoxe falamos das actividades que se van celebrar até finais de mes coa concelleira de Cultura, Ensino e Mocidade do concello de Tui, Sonsoles Vicente.

“Gobernanza e liderato educativo” é o título do Seminario Galicia-Portugal que hoxe mércores e mañá xoves se vai celebrar na Eurocidade Tui-Valença. Coñecemos os obxectivos, os temas que están sobre as mesas de diálogo con Ana Paula Laborinho, diretora da Organización de Estados Ibero-americanos para a Educación, a Ciencia e a Cultura.

“Iribarne” é a obra que este venres, ás 21 h chega ao Teatro Municipal de Tui con Butacazero. Trátase dunha peza humorística e satírica que percorre a historia recente de España e Galicia da man da personaxe protagonista que é o alter ego de Fraga Iribarne. Así nolo contou esta mañá Esther F. Carrodeguas, actríz e dramaturga.

En Tomiño víronse afectados por problemas nas telecomunicación e tamén no servizo electrico nas últimas horas. Os fortes refachos provocaron numerosas caídas de ábores en todo o termo municipal, coma explicaba a alcaldesa, Sandra González.

No patio co CEIP nº2 rexistraron tamén a caída de ramas. Así nolo contaba a primeira hora o director do centro Ramiro García Entenza, quen confirmaba que ante a borrasca ex-Kirk están suspendidas as actividades lectivas no exterior. Ante a situación de primeira hora da mañá a asistencia a clase estaba complicada tanto por parte de alumnado coma de profesorado.

Unha árbore caída cortou esta mañá o Camiño de Santiago na rúa Palláns en San Bartolomeu. Así o confirmaba o concelleiro de Medio Rural, Rafael Estévez, que deu conta das numerosas incidencias rexistradas polos fortes ventos e choivas deixadas pola borrasca ex-Kirk.

Numerosas incidencias deixou o paso da borrasca ex-Kirk no termo municipal de Tui con árbores e farolas caídas, mesmo voou unha parte do tellado das vivendas de Caldelas. Así nolo contou o alcalde de Tui, Enrique Cabaleiro, quen fixo unha recomendación á precaución e a evitar desprazamentos por estrada.

Co alcalde de Tui, Enrique Cabaleiro, completamos a rolda de conversas cos grupos políticos da corporación sobre o pleno ordinario do mes de setembro.

A compañía vasca Teatro Paraíso abre hoxe a programación de outono no Teatro Municipal de Tui. Será con “Entrecajas”, unha obra pola que recibiron o Premio FETEN 2024 ao mellor espectáculo de clown. Pilar López é a directora de Teatro Paraíso, e hoxe contounos o que poderemos atoparnos esta tarde se nos achegamos ao Teatro Municipal.

Espectacular competición a prevista para esta fin de semana no pavillón municipal Gustavo Rodríguez que reunirá aos mellores bailaríns de España e Portugal. Máis de 500 persoas participarán no Trofeo Concello de Tui de Baile Deportivo. Falamos co director do trofeo e presidente da Escola de Baile Pasos Galicia, Miguel Abreu.

"Coñece o teu centro de saúde" é o documento presentado pola Plataforma para a Defensa da Sanidade Pública de Tui no que se explica a situación actual do centro de saúde tudense e tamén se fai balance do verán. Conchi Martínez, voceira desta Plataforma, deunos todos os detalles, ademais de informar sobre a vacinación de gripe e Covid.

Na rolda de conversas cos grupos da corporación tras o pleno ordinario de setembro hoxe foi a quenda de Nicolás Lorenzo Montes, voceiro do PP.

Hoxe foi a quenda de Carmen Núñez, do BNG, na rolda de conversas cos grupos da corporación municipal, tras o pleno ordinario do pasado mes de setembro.

Até o 26 de outubro pódese visitar na Sala Municipal de Tui a mostar "Estampa Popular Galega". Hoxe coñecimos a historia desta exposición, que fóra secuestrada en Tui en 1968, e as obras que presenta con Sonsoles Vicente, concelleira de Cultura de Tui, Zara Pousa, secretaria da fundación Pousa, e Xosé Enrique Acuña, comisario da exposición.

Este domingo terá lugar unha nova andaina do circuíto de andainas saudables da Eurocidade Tui-Valença. Será polos muiños do río Tripes que sairá ás 10 h dende a Macoca. Será un percorrido de 10 quilómetros, dificultade doada, e unha duración de tres horas. A inscrición, cun prezo de 6€, está aberta até mañá en andatui.es.