Día a Día

Tres voluntarios de Protección Civil de Tui desprazáronse a pasada semana até Alfafar, unha das poboacións afectadas tras a DINA en Valencia, para axudar nas tarefas de baleirado de fango e desentullo. Foron Óscar Rovira, Ali Prieto e José Carlos Amandi. Cos dous primeiros coñecemos máis sobre a súa experiencia no terreo.

A onda de solidariedade tras o paso da DINA en Valencia superou calquera previsión. Hoxe quixemos coñecer a situación que se está a vivir na comunidade valenciana dúas semanas despois, e facémolo cunha tudense que vive alí. Marta Morais é farmacéutica e é unha das miles de persoas voluntarias que se achegaron até a zona cero.

33 persoas participaron na novena edición de Pinta Tui o pasado domingo 10 de novembro. José Manuel Díez, de Artes Creativas Efectos, fixo balance desta actividade e valoraba moi positivamente a calidade dos artistas participantes, o bo ambiente e o nivel.

Mañá xoves ás 20 h presentarase na Sala Municipal de Exposicións a tradución ao galego de “Carmen do Cometa” de Francisco Sánchez. O profesor de latín e grego Laureano Alonso realizou a tradución deste poemario ao galego coma xa fixera tamén o ano pasado da principal obra filosófica de Sánchez. Mañá na presentación estará acompañado polo historiador Rafael Sánchez Bargiela. O Concello de Tui organ...

Os próximos días 23, 26 e 27 de decembro o Centro Sociocomunitario de Tui acollerá un obradoiro de Nadal para nenos e nenas de entre 3 e 6 anos. Ana García, pedagoga, é a encargada de impartir esta actividade, e explicou que é preciso reservar praza antes do 13 de decembro.

Hoxe completamos a rolda de conversas tras o pleno extraordinario de outubro coa conversa co alcalde de Tui, Enrique Cabaleiro.

Cáritas é unha das organizacións que están traballando nas poboacións afectadas pola DINA en Valencia. Con 50 Cáritas parroquiais na zona, traballan no territorio a diferentes niveis. Javier Alonso Docampo é o delegado episcopal de Acción Caritativa e Social, e explicou que o esencial nestes momentos é poder canalizar tantas axudas para que sexan máis efectivas.

"Cinco Lobitos” de Alauda Ruiz de Azúa é a película que proxecta mañá martes o Cine Club Tui. Lembramos que as sesións serán ás 18.30 h e ás 20.45 h na aula da UNED. Noemí Guisande do Cine Club Tui falounos de "Cinco lobitos" e das próximas proxeccións previstas até finais de mes.

SOS Tomiño Baixo Miño é unha das entidades vinculadas a FESBAL (Federación Española de Bancos de Alimentos) na comarca. A onda de solidariedade e colaboración da sociedade coas poboacións danadas en Valencia tras a DINA non ten precedentes, e unha das principais doazóns é comida. Esta gran cantidade de produtos desbordou as previsións, e o Banco de Alimentos de Mestalla, en Valencia, pediu non env...

Hoxe continuamos a rolda de conversas sobre o pleno extraordinario do pasado mes de outubro con Nico Montes o voceiro do Partido Popular.

Aceesca (Asociación de Apoio a Persoas con Diversidade Intelectual) e Galiclown, pallasos de hospital, son as dúas organizacións sen ánimo de lucro que van recibir este ano os fondos que se recauden na Gala Benéfica organizada por Protección Civil de Tui. Esta cita solidaria vai celebrarse o sábado 16 de novembro no Teatro Municipal de Tui ás 20 h. Coñecemos os detalles con Juan González e Ismael...

Continuamos dando conta do traballo que están realizando os voluntarios de Protección Civil de Tui en Alfafar, unha das poboacións máis afectadas tras a DINA en Valencia. Óscar Rovira, un destes voluntarios, explicábanos que hoxe están baleirando e limpando un colexio, e destacaba o importante alivio que supón a maquinaria en todas estas labores.

A Cruz Vermella está a traballar nas zonas afectadas pola DINA cun desplegue de medios técnicos e humanos que non ten precedentes en España. Así o explicaba hoxe a responsable comarcal de Cruz Vermella, Neli Rodríguez. Sinalou que mesmo 12 asembleas valencias da ONG e mesmo o seu centro loxístico se viron afectados polas inundacións. Até a zona desprazaron xa equipos de resposta inmediata. Hoxe de...

Esta semana dará comezo a XI Mostra de Teatro Miguel Troncoso na Casa Cultural de Randufe. Majo González e Alberto Sánchez, da Asociación Cultural e Deportiva Xuntanza, déronnos todos os detalles da programación deste ano. Afondaron na especial importancia que ten o teatro e a cultura en Tui.

Unha mirada reflexiva e delicada sobre a demencia é a aborda Elefante Elegante en "Kyoki", a obra teatral que mañá venres, ás 19 h chega ao Teatro Municipal de Tui. María Torres, actriz que dá vida ás tres personaxes do texto, falounos hoxe desta montaxe teatral coa que mañá volven a Tui.

A Mancomunidade do Baixo traballará de forma coordinada en canalizar a axuda ás persoas afectadas pola DINA (Depresión Illada en Niveis Altos). Nestes momentos as ONG's que traballan na zona aconsellan realizar doazóns económicas que se transforman en axuda inmediata nas necesidades reais que teñen en cada momento. Na Radio Municipal de Tui abrimos un espazo para coñecer como podemos axudar. Carme...

Até este venres están en Alfafar (unha das poboacións máis afectadas pola DINA en Valencia) voluntarios de protección civil de Tui. Dende onte están traballando, sobre todo, baleirando sótanos e vivendas. Falamos con Óscar Rovira, un destes voluntarios, quen daba conta do que é estar alí, no terreo.

A axuda que se está solicitando neste momento para as persoas damnificadas pola dana é sobre todo económica. Así o explicaba hoxe o alcalde de Tui, Enrique Cabaleiro, tras as reunións que onte mantiveron no Concello de Tui e hoxe no de Tomiño da Mancomunidade e nas que participaron representantes das ONG's que están a traballar na zona. Os concellos da Mancomunidade coordinarán os medios existente...

O Liceo Casino de Tui acolle clases de sevillana todos os mércores ás 20 h. Mar Iglesias é a bailarina e profesora encargada de impartilas, e hoxe contounos todos os detalles destas clases, que teñen un custo de 30 euros por mes e que non esixen coñecemento previo.

Proseguimos a rolda de conversas tras o pleno extraordinario celebrado o pasado mércores, 31 de outubro, pola corporación municipal de Tui. Hoxe foi a quenda de Carmen Núñez, voceira do BNG.

Este domingo día 10 de novembro vai celebrarse a novena edición de Pinta Tui. Unha actividade enfocada en todo tipo de participantes, de todas as idades e con variedade de técnicas. José Manuel Díez, de Artes Creativas Efectos, explicou na nosa sintonía que é precisa inscrición previa para participar.

Mañá martes haberá unha nova cita do Cineclub Tui coa proxección da película A noite americana, de François Truffaut. Será en dúas sesións, a primeira ás 18.30 h e ás 20.45 h na aula da UNED. Pablo Romero e Javier Argüelles, do Cineclub, déronnos os detalles desta película.

Con José Manuel Palacín, voceiro de C21 abrimos hoxe a rolda de conversas sobre o pleno extraordinario celebrado o pasado mércores pola corporación municipal.

Hoxe terá lugar un roteiro nocturno de Samaín en Tui. Será de 21 h a 1 h, cun percorrido que comezará na praza da Inmaculada, en grupos de 10 persoas que irán partindo cada cinco minutos. Ao longo da andaina poderanse cruzar con misteriosos personaxes que, ademais de contar as súas historias de vida, poden provocar algún susto inesperado. Lolo Castro, de Barafunda, explicou o seu funcionamento.

Naldo Costas vén de recibir as catro estrelas de TheQHair en Madrid, que recoñece aqueles salóns que destacan pola súa excelencia e calidade no servizo. Falamos con Naldo sobre o que significa recibir esta distinción, do que é dedicar unha vida á perruquería e tamén do talento e comercio tudenses.