Día a Día

Hoxe é o Día Internacional da Nena e a Muller na Ciencia. Un día que se conmemora dende o ano 2016 para visibilizar a gran fenda de xénero que existe neste campo, cunha falta moi acusada de participación de mulleres. Hoxe profundamos nesta realidade con Leticia Costas, divulgadora científica.

A terceira xornada da Semana da Educación de Tomiño terá como protagonista ao psicólogo clínico Rafa Guerrero que profundará na intelixencia emocional co seu relatorio “Como fomentar a intelixencia emocional na infancia e adolescencia”. Será ás 19.00 horas no Auditorio de Goián. O relator deu conta hoxe, na nosa sintonía, dos temas a abordar e da necesidade de ensinar aos nenos e nenas a xestionar...

Tres medallas de bronce logrou esta fin de semana o remeiro tudense do Remo do Miño, Jesús González, no Campionato de España de Longa Distancia e no Campionato de España por Autonomía. Con el falamos desta competición, da súa carreira deportiva e da próxima cita que terá o 22 e 23 deste mes co Campionato do Mundo de Remo Indoor.

Hoxe o Espazo Comercio, que realizamos en colaboración con ACITUI, estivo protagonizado pola campaña de San Solterín, que se celebrará o vindeiro 21 e 22 de febreiro, na que participan os establecementos tudenses. Emma Tapas e Brunch, D´Calle e 4Elementos, son tres dos establecementos onde se desenvolverá esta iniciativa. Isaac Míguez o seu responsable achegounos todos os detalles de "San Solterín...

Máis de 500 persoas, alumnado e profesorado de tres provincias de Galicia, achegaranse a Tui o vindeiro luns 24 de febreiro co regreso do Festival de Teatro Grecolatino. Laureano Alonso adiantou na nosa sintonía algúns detalles desta cita.

O Cineclub Tui comeza mañá as súas proxeccións no Espazo Sociocultural rúa Camilo José Cela coa película "Cléo de 5 a 7", de Agnès Varda. Será o primeiro dos tres filmes da cineasta que se poderán ver este mes de febreiro. Haberá dous pases, ás 18.30 h e 20.45 h aos prezos de 2 euros para persoas socias e 4,5 para público xeral. Hoxe nolo contou Noemí Guisande.

A desinformación alimentaria, os hábitos de nutrición adquiridos ou os trastornos da conducta alimentaria son algúns dos temas que Beatriz Robles abordará na segunda xornada da X Semana da Educación de Tomiño. Será na súa conferencia "Desinformación alimentaria: ferramentas para que non tragues calquera cousa" mañá martes 11 ás 19 h no auditorio de Goián.

San Solterín é a iniciativa que impulsa ACITUI para os vindeiros 21 e 22 de febreiro, cunha cea divertida en establecementos de Tui. Con Iván Carral, presidente de ACITUI, coñecemos os detalles. Tamén damos conta da asemblea que celebrarán o 26 de febreiro; e da ruta de tapas que se realizará no mes de marzo.

O escritor guardés César Pazos presenta hoxe venres, ás 20 h, no Centro Cultural da Guarda as súas novelas La Comunidad de las Naciones e La Corona de la Alianza. Neste acto presentará a primeira edición en galego das mesmas coma avanzaba na nosa sintonía. Esta tarde será presentado polo alcalde da Guarda, Roberto Carrero. O acto contará coa actuación dos gaiteiros Airiños da Fervenza e do Grupo d...

Máis de 300 patinadores e patinadoras daranse cita esta fin de semana en Tui para participar na I Fase de Niveis de Patinaxe Artístico, organizada polo Club de Patinaxe Artístico Ribex de Tui. Así o explicou na Radio Municipal de Tui Carolina Figueroa do club tudense. Este evento desenvolverase no pavillón Gustavo Rodríguez mañá sábado e o domingo de 10 a 14 e de 16 a 20 h.

"Educar con sentido común" é o título do relatorio que inaugura a X Semana da Educación de Tomiño. Terá lugar o vindeiro luns, 10 de febreiro, ás 19.00 h, no Auditorio de Goián. O uso de pantallas ou os límites son algúns dos temas que tratará como hoxe explicaba Armando Bastida, na Radio Municipal de Tui.

Onte presentouse o Calendario Deportivo da Eurocidade 2025, que contará con 13 eventos ao longo deste ano. O Trail do Aloia, que se celebra esta fin de semana en Tui, é a primeira cita deste calendario. Hoxe coñecemos máis detalles con Rafael Estévez, concelleiro de Deportes tudense; e con Serafín Martínez, de Nokao, empresa organizadora do Trail do Aloia.

“Xa que o sabes, voucho contar (e cantar)” é o título do monólogo que mañá, venres, ás 21 h presenta Federico Pérez no Teatro Municipal de Tui dentro da programación cultural deste primeiro trimestre do ano. Hoxe coñecemos máis deste espectáculo co actor e guionista. As entradas están á venda en tui.gal aos prezos de 10€ e 7,5€.

O traballo diario conxunto entre profesionais de farmacia e enfermaría é unha realidade na comarca do Baixo Miño. Unha destas colaboracións é a de Andrea Baquero, farmacéutica do servizo de atención primaria de Tui; e Cuca Rivas, enfermeira especialista en enfermaría familiar e comunitaria do consultorio de Goián. O seu traballo "Abordaxe multidisciplicar en paciente tratada con dulaglutida" obtiv...

Disciplina positiva, intelixencia emocional, nutrición e a crianza con sentido común son as catro áreas que se abordarán, a partir do próximo luns día 10, na X Semana da Educación de Tomiño. Sempre da man de expertos e expertas. Hoxe coñecemos todos os detalles coa alcaldesa, Sandra González. As catro ponencias serán, dende o luns até o xoves, ás 19 h no auditorio de Goián, con entrada libre e gra...

Con San Valentín á volta da esquina, as flores, e en concreto as rosas vermellas, son as grandes protagonistas. Febreiro convértese nun dos meses máis fortes da campaña da floraría La Flor, en Tui. Hoxe inauguramos coa súa xerente, Hortensia Martínez, unha nova temporada do Espazo Comercio en colaboración con ACITUI.

1024 intervencións no Baixo Miño, 454 delas en Tui, foron as realizadas pola AECC en 2024. Así o explicaba hoxe Telmo Crespo, coordinador territorial da AECC na provincia de Pontevedra con motivo do Día Mundial contra o Cancro. Explicou os servizos gratuítos que ofrecen dende a asociación tanto para pacientes como para a súa contorna, e fixo un chamamento a facerse voluntario no Baixo Miño.

O próximo 21 de febreiro o bailarín e coreógrafo Daniel Rodríguez estreará no Teatro Municipal de Tui o seu espectáculo “Transeúnte”. Formado na Escola de Danza Paula Cobián en Tui e posteriormente no Conservatorio Superior de Danza María de Ávila en Madrid, firma na actualidade as coreografías de Mondra, Fillas de Cassandra ou Tanxugueiras. Con el falamos da súa carreira profesional e da cita en...

A violinista tudense Raquel Areal acaba de converterse na primeira galega en obter unha praza fixa na Orquestra Filarmónica de Berlín, considerada como a mellor orquestra a nivel mundial. Raquel explicaba como foi a preparación para o proceso de selección e como recibiu a nova da súa entrada na Filarmónica de Berlín, ao primeiro intento e con só 25 anos.

98 tripulacións de 13 clubs de toda Galicia participarán mañá no Campionato Galego de Longa Distancia de Remo Olímpico, no río Miño. A proba comezará as 11.00, con saída en Currás e meta no Centro Interfederado. Así o explicou José Luis Méndez, presidente da Federación Galega de Remo. Tamén se referiu á concentración da Selección Galega de remo nas categorías absolutas que terá lugar en Tui este s...

Na medianoite deste sábado para o domingo abre o prazo da inscrición da XII Eurocidade BTT que se celebra o vindeiro 9 de marzo. O prezo é de 12 euros ata o 23 de febreiro e de 17 euros ata o 2 de marzo ou ate completar inscricións e a participación está limitada a 1.200 persoas. Hoxe Eduardo Fernández, da peña ciclista Biciosos Rías Baixas deu os detalles desta cita na que haberá dous percorridos...

Esta tarde, ás 20.00 horas, o Teatro Municipal de Tui acolle a representación de “Fado Alexandrino” por parte do Teatro Nacional São João. A concelleira de Cultura tudense, Sonsoles Vicente explicaba a importancia de que esta gran compañía peche a súa xira no municipio e animaba a toda a veciñanza a que asista a esta cita teatral. O espectáculo ten unha duración de catro horas, no que haberá dous...

A Cristina Rodríguez de O Fuchique, é candidata ao premios Iniciativa Emprendedora de AJE Vigo, cuxo fallo se dará a coñecer esta tarde. Hoxe falamos con ela de como xurdiu esta candidatura, e tamén da súa empresa, O Fuchique, dedicada a coidar e mimar marcas corporativas e persoais, construindo identidades sólidas e memorables que conectan cos seus clientes.

Grazas á colaboración do Centro Dramático Galego mañá estará no Teatro Municipal de Tui o Teatro Nacional Sao Joao de Porto con "Fado Alexandrino". Fran Núñez, director do CDG, explicaba precisamente esta colaboración e coma consideraban Tui era o lugar ideal en Galicia para facer esta aposta por un espectáculo de gran formato e amplo despliegue.

A tudense Claudia Montes da empresa Altitude é unha das candidatas aos premios Iniciativa Emprendedora de AJE Vigo que van ser entregados esta tarde no Auditorio de Zona Franca, en Porto do Molle en Nigrán. Hoxe falamos con ela do que significa esta candidatura e tamén a da súa empresa dedicada a actividades na natureza, principalmente no Parque Natural Monte Aloia.