Día a Día

O goianés Charly López "Spartan" leva 18 anos competindo en boxeo e un mes e medio preparándose para o combate de peso medio que mañá, sábado, vai protagonizar como parte da velada Fight Night II, que terá lugar no pavillón do Porriño, ás 19.30 horas. Hoxe Charly López contounos como se prepara de cara a esta velada.

A parroquia de Areas, en Tui, recupera a súa Festa da Zorza tras máis de 20 anos sen realizarse. Este domingo, a partir das 10.30 horas, o torreiro vello de Areas acollerá este festexo. Carlos Diz, tesoureiro da Comisión de Festas de Areas, organizadora do evento, deunos todos os detalles desta cita gastronómica.

O espectáculo para público familiar “Asdomare” pecha este domingo, ás 12.30 h, no Mercado de San Antonio a programación do 8M organizada polo Concello de Tui. Sonsoles Penadique e Vero Rilo contarán unha historia que levará ao público a coñecer a realidade das mulleres do mar. Vero Rilo referíase hoxe, na nosa sintonía, á relación que estas historias teñen co Día internacional da Muller e de como...

Carmen Blanco Sanjurjo presenta hoxe, ás 19.30 h, na Sala de Exposicións en Tui a súa primeira novela "Gorriones y halcones. El viento en la piedra". Na Radio Municipal de Tui explicaba que está ambientada no século XV no periodo anterior á gran Revolta Irmandiña. Hoxe na presentación contarase cos actores Tania Villamarín e José Blanco representanto á Condesa de Zúñiga e á Conde de Lemos, nun dos...

O grupo Old Bridge, formado por músicos de Tui e Valença, actuará este sábado, ás 22.30 horas, no Bar Liceum no Porriño. Interpretarán temas de blues, funky, reggae e rock&roll dende os anos 50' até a actualidade. Así nolo contaron hoxe Chus López e Jorge Lima, membros da banda, que destacaron a importancia de que os establecementos aposten por acoller actuacións musicais en directo. A entrada par...

A música encherá de novo mañá dende ás 21 h o espazo sociocultural da rúa Camilo José Cela coa segunda Jam Session froito da colaboración entre o Concello de Tui e FB Produxion. A banda base volverá ser Red Duck Blues formada por Fiz Novoa, Mike Trompi, Juanmma Ons, Frans Banfield e Diego García, que interpretarán temas de soul, jazz, e funky, xunto a todos aqueles músicos e músicas que queiran su...

Tamén dende o cine visibilízase e promociónase o patrimonio cultural inmaterial de Galicia e o Norte de Portugal. Testemuña disto é a cineasta tudense Diana Gonçalves, que dende os seus primeiros filmes apostou por visibilizar, dende unha perspectiva de xénero, a historia das trapicheiras e das mulleres da raia. Con ela compartimos hoxe espazo no 30 aniversario de Ponte... nas Ondas!.

O antropólogo Álvaro Campelo foi un dos ideólogos que no 1995 comezou a imaxinar Ponte... nas Ondas! Hoxe, no 30 aniversario deste proxecto, coñecemos con el como foron os comezos e a importancia de continuar promocionando o patrimonio cultural inmaterial na nenez e na mocidade.

Ponte... nas Ondas! leva trinta anos conectando os centros educativos e o alumnado coa radio e co impulso do patrimonio cultural inmaterial de Galicia e Portugal. Hoxe coñecemos o proxecto radiofónico e pedagóxico do IES Indalecio Pérez Tizón co profesor Alberte Valverde e dúas alumnas, Mara Argüelles e Micaela Passos.

No 30 aniversario de Ponte... nas Ondas!, facemos balance da súa historia e poñemos o foco no futuro co seu presidente, Santiago Veloso; e coa secretaria, Chus Álvarez.

Ponte... nas Ondas! comezou as súas emisións no ano 1995. Hoxe 26 de marzo o edificio da antiga alfándega de Valença acolleu un programa especial para celebrar estes 30 anos de historia, e dende a Radio Municipal de Tui sumámonos cun especial Día a Día. Conversamos co alcalde de Tui, Enrique Cabaleiro; e co presidente da Cámara Municipal de Valença, José Manuel Carpinteira, sobre esta unión entre...

O tudense Alberto Carrera publicou a pasada semana o seu primeiro libro, "Borradores". Unha obra conformada por 80 relatos nos que o tudense comparte reflexións, pensamentos e situacións persoais da súa vida. Con Alberto Carrera falamos hoxe sobre o seu debut coma escritor e do seu futuro.

A violinista tudense Raquel Areal será unha das grandes protagonistas do Concerto Anual de Gala da Orquestra Sinfónica da Universidade Baptista de Hong Kong 2025. Será a primeira vez que a tudense actúe na cidade chinesa. Farao o martes, 1 de abril, no Hong Kong Cultural Centre Concert Hall. Hoxe Raquel Areal contounos como se está preparando para esta gran cita.

A axencia de comunicación Sra. Emilia oferta novos servizos enfocados á publicidade dixital e sobre todo nas connect TV. Hoxe coñecemos estas novidades con Fran Peixoto, de Sra. Emilia, no Espazo Comercio en colaboración con ACITUI.

Este sábado día 29 celébrase en Tui o I Festival de Bandas Infantís e Xuvenís, ás 19 h no espazo sociocultural da rúa Camilo José Cela. Actuarán a Banda Xuvenil de Tui e as bandas Infantil e Xuvenil da Agrupación Musical de Vincios. Eloy Carrera, o director da banda tudense, deu conta hoxe da creación desta agrupación, que conta xa con 20 nenos e nenas.

O Concepto by Persa - A Quinta de Tui Futsal vén de gañar esta fin de semana por 3-6 a As Neves. Hoxe Xacobe Morais, da Quinta de Tui Futsal deu conta na nosa sintonía da "boa saúde" da que gozan os 17 equipos que conforman o club, e tamén fixo balance da temporada. Ademais, quixo facer unha reflexión sobre a crispación que observa no público na actualidade, sobre todo, cara aos árbitros e árbitra...

"Mystery Train" é a primeira das películas de Jim Jarmusch que vai proxectar o Cineclub Tui. Será mañá, martes, no novo espazo sociocultural da rúa Camilo José Cela, ás 18.30 e as 20.45 horas. Coñecemos máis deste filme con Noemí Guisande, do Cineclub Tui. A entrada é de 2 euros para os socios e de 4,5 euros para público xeral.

Hoxe, venres, deu comezo o Festival Gastronómico “Sabores da Lamprea do Río Miño” en Sao Pedro da Torre, en Valença, que se vai celebrar até este domingo. Ao longo destas tres xornadas poderase degustar a lamprea cociñada de diversas maneiras. Hoxe coñecemos os detalles desta cita co presidente da Cámara Municipal de Valença, José Manuel Carpinteira.

"Volar" é a nova canción do músico tudense Kevin Yeoman, que lanzou xunto a Mario González. Unha canción que fala dunha ruptura amorosa. Hoxe coñecimos máis sobre o este lanzamento musical da man do seu intérprete, Kevin Yeoman e, en exclusiva, escoitamos o seu último tema "Báilame", a dúo coa cantante, tamén tudense, Lara González.

Este domingo, día 23, pecha o prazo de inscrición da Ultreia 2025 entre Tui e Pontevedra, que se celebrará o domingo 6 de abril. Unha proba que xa batiu récord de participación, superando os 600 inscritos. David Acevedo, coordinador da agrupación HQR e redactor xefe de deportes do Diario de Pontevedra, daba conta destas boas cifras e dos detalles da proba. Os interesados en apuntarse poden facelo...

Xosé Carlos Blanco foi recoñecido cun dos premios "Sociais" entregados este martes pola Deputación de Pontevedra recoñecendo así a súa traxectora ao fronte do Centro San Xerome. Unha viaxe, que coma el mesmo relataba, estivo chea de bicos e abrazos, e na que non camiñou so. Os 3 mil euros, cos que está dotado o premio, doaos ao proxecto Fogares SanXe.

Mañá, venres, coincidindo co Día Mundial da Poesía, terá lugar unha presentación, firma e recital poético da nova obra de Carmeliña García, "Un camino en el ocaso". Será ás 18.00 horas no Centro sociocomunitario de Tui. Este é o oitavo libro da poetisa que hoxe presentou na nosa sintonía.

"Elas Facedoras" é o nome de mercado de mulleres creadoras que se vai celebrar este sábado e domingo no Espazo Sociocultural da rúa Camilo José Cela. Preto dunha trintena de mulleres presentarán as súas creacións en xoeiría, decoración, moda, ilustración, gastronomía,... Amais está prevista unha mesa redonda sobre o papel da muller na cultura, dous concertos das cantautoras Carolina Rubirosa e Let...

María Xosé Porteiro presentará hoxe xoves, ás 19 h, na sala Félix Rodríguez, o seu libro "As benfaladas". Será a través dunha conversa con Paula Cabaleiro. Con María Xosé Porteiro, escritora, xornalista, política..., falou hoxe do seu novo libro no programa Día a Día, onde convidou ao acto desta tarde.

María Pérez é unha gaiteira tudense que dende os 6 anos practica con este instrumento. Hai 3 anos decidiu comezar a tocar no Camiño de Santiago e tras esta experiencia lanzouse a tocar nas rúas de Tui, Vigo ou Pontevedra. Hoxe coñecimos a súa historia.