Día a Día

Un centenar de alumnos e alumnas do Conservatorio e da Escola de Música de Tui actuará hoxe e mañá a partir das 18 h no Espazo Sociocultural da rúa Camilo José Cela dentro da programación das Festas de San Telmo. O director do centro, Rubén López, deunos todos os detalles destes eventos musicais.

O grupo de teatro Aloia de Pazos de Reis estrea ás 21 h no Teatro Municipal de Tui “Cun pé no ceo” dentro da XV Semana de Teatro Amador. Hoxe na Radio Municipal de Tui falamos con Eva Pazo e Miguel Pazo, integrantes do grupo. As entradas están á venda até ás 18 h en tui.gal e dende ás 20 h no despacho de billetes ao prezo de 2€

El Armario Curvy cumpre sete anos e, para celebralo, este sábado día 26 abre as súas portas cunha tarde especial, coincidindo coas Festas de San Telmo. Así nolo contou hoxe Quina González no Espazo Comercio, que levamos a cabo en colaboración con ACITUI.

O Espazo Sociocultural da rúa Camilo José Cela acolle esta tarde de martes, ás 18.00 h, unha demostración de ballet por parte de 50 alumnos e alumnas da Escola de Danza Paula Cobián, por primeira vez dentro das Festas de San Telmo. Tamén presentarán tres coreografías coas que van participar este sábado en Lugo no encontro do Día Internacional da Danza. Hoxe nolo contou a directora da escola, Paula...

4Elementos e Emma Tapas e Brunch son dous dos sete establecementos que participan na Festa do Meixón que se celebra até o luns 28 de abril, coincidindo coas festas de San Telmo. Un produto que se pode degustar, previa reserva, a un prezo de 80 euros por ración. Isaac Míguez, de 4Elementos e Emma Tapas e Brunch, resaltou o valor deste produto do Miño.

Hoxe martes ás 21 h, no Teatro Municipal de Tui, comeza a XV Semana de Teatro Amador. O grupo de teatro A Insua de Caldelas abrirá esta programación coa estrea de “Habelas Hainas”, unha obra escrita e dirixida por Sofía González, coa que conversamos hoxe. As entradas, ao prezo de 2€, están á venda en tui.gal e poderán mercarse dende ás 20 h no despacho de billetes do Teatro Municipal.

Do sábado 26 ao luns 28 de abril terá lugar en Tui a tradicional Concentración Cabalar, en San Bartolomeu, dentro das Festas de San Telmo. Rafael Estévez, concelleiro de Deportes, Marcos González, de Hípica Marcos e Paula López, de Equigalia, explicaron hoxe os detalles desta cita que este ano presenta novidades, como a Ruta Cabalar do sábado.

Este domingo, día 27, ás 12.30 horas terá lugar o desfile exaltación do traxe tradicional, dentro da programación das Festas de San Telmo. Será dende a Glorieta de Vigo ata a praza de San Fernando. Pilar Pazo, secretaria da Asociación do Traxe de Tui, explicaba que o desfile ten carácter solidario coa Asociación San Vicente de Paul.

Hoxe prosegue a programación das Festas de San Telmo cunha cita para os máis pequenos e pequenas da casa co concerto de A Gramola Gominola. Será a partir das 18.00 horas no Teatro Municipal con entrada libre e gratuíta até completar aforo. Paula Romero, integrante da agrupación, daba todos os detalles desta cita musical na que interpretarán temas dos seus tres discos.

Tonhito de Poi é un dos integrantes de Heredeiros da Crus. Hoxe contounos coma vai ser o concerto que, dentro das Festas de San Telmo, van ofrecer este domingo, ás 19.30 h no Espazo Feiral. Non faltarán os seus grandes éxitos xunto aos novos temas do seu disco “Trankimasin”.

As catro bandas de gaitas de Tui, Arume, A Insua, Guillarei e Paramos, protagonizan este sábado o I Encontro de Bandas de Gaitas que se vai celebrar dentro das Festas de San Telmo. Será ás 21 h no Espazo Feiral de Tui. Hoxe coñecemos máis detalles con Ramón Corral, director de Arume; Merchi Fernández, da Insua; Raimundo Dacuña, da banda de Guillarei; e María José Fernández, de Paramos.

O Parador de Tui é un dos sete establecementos que participan na Festa do Meixón que se celebra até o luns 28 de abril, coincidindo coas festas de San Telmo. Este prezazo produto do Miño pódese degustar, previa reserva, a un prezo de 80 euros por ración. Miguel Rodríguez, cociñeiro do Parador de Tui, fixo balance destas primeiras xornadas e do valor do meixón como seña de identidade tudense.

Unha nova procesión no Xoves Santo incorpórase este ano á programación da Semana Santa en Tui. Begoña Martínez, presidenta da Irmandade do Doce Nome de Xesús e Santa Casa da Misericordia deu conta dos distintos actos previstos até este próximo domingo.

Hoxe abrimos un novo tempo do Espazo Comercio que levamos a cabo en colaboración con ACITUI. Mar López, de MyR Lanas. Este establecemento comezou a súa actividade hai case 20 anos. Na actualidade está situado na rúa Compostela. Neste tempo foise renovando e adaptando aos novos tempos.

Este sábado, 19 de abril, comezan as Festas de San Telmo 2025. Por diante dez días con multitude de actividades culturais, deportivas, musicais, de lecer.... para vivir na rúa e compartir. Así o destacou hoxe a concelleira de Cultura, Sonsoles Vicente.

Nas festas de San Telmo o deporte está tamén presente. Unha das citas é a Carreira Popular de San Telmo, que será solidaria con SOS Tomiño - Baixo Miño. Amais este ano será I Memorial Xosé Martínez Tato, en recoñecemento ao promotor deste evento e fundador do Atletismo Tui. Rafael Estévez, concelleiro de Deportes, e Laura Solla do Atletismo Tui lembraron que a inscrición está aberta até ás 23 h do...

G Face actuará o primeiro sábado das Festas de San Telmo inaugurando a súa primeira xira. Será este 19 de abril ás 00 h no Espazo Feiral. Con el conversamos hoxe sobre este concerto que, explicaba, é moi especial para el.

Unha ruta polos cinco miradoiros do Monte Aloia é a oferta que abre Altitude, Ocio e Educación Ambiental a partir desta Semana Santa. Unha actividade que se levará a cabo todos os días ás 10.30 h e ás 16.30 h, e martes e xoves tamén ás 20 h. Hoxe deu os detalles Claudia Montes, quen tamén avanzou outras iniciativas que chegan de cara ao verán.

O pregón das Festas de San Telmo abrirá a programación deste ano este sábado 19 de abril ás 12.45 h dende o balcón do edificio da Praza da Inmaculada. O pregoeiro será Avelino González, actor, monologuista e contador de historias que garda lembranzas moi especiais de Tui. Hoxe coñecemos con el un adianto do que será o pregón deste 2025.

Este domingo día 13 celébrase o Domingo de Ramos. Unha xornada na que as igrexas se enchen de ramos de olivos e palmas que son bendecidos. Hoxe coñecemos a Miriam Barbosa, artesá que se dedica a facer palmas en Tui e na contorna. Este ano elaborou 150 para persoas adultas e 100 para bebés.

Hoxe 11 de abril é o Día Mundial do Párkinson e para conmemoralo mantivemos unha conversa con Felicitas Iglesias, Luisa Blanco e Alba Álvarez da Asociación Párkinson Baixo Miño. Con elas abordamos tabúes que aínda existen arredor desta patoloxía, visibilizamos o labor da asociación e damos os detalles da gala que celebran o vindeiro 3 de maio.

A divulgadora gastronómica Xiana Pérez levará a cabo unha serie de experiencias enogastronómicas no Mercado de San Antonio o Xoves e Venres Santo, e logo na semana de San Telmo. Teñen un prezo de 35€ euros/persoa e é precisa inscrición previa no 667 879 113 ou en galicianfoodexperience@gmail.com. Hoxe contounos en que van consistir.

Futbolín, tute, billar, dardos ou pulso son algunhas das probas que forman parte das Galimpiadas que do 5 ao 7 de xuño vanse celebrar en Caldelas. As inscricións xa están abertas nas redes sociais das Galimpiadas. Hoxe déronnos os detalles desta actividade Judit Bernárdez e Quique Pérez, organizadores, da Asociación Non Damos Feito. Tamén deron conta do Triatlón Galímpico que celebrarán o 3 de mai...

A rama dos Pioneiros do grupo Scouts Alhoia organiza para este sábado día 12 o Xogo da Lura, unha iniciativa solidaria coa que buscan recadar alimentos para SOS Tomiño Baixo Miño. A cita será na praza da Estrela de Tui a partir das 11.30 h con distintos xogos e propostas ao longo de dúas horas. Sabela Martínez e Sabela Pazo, dos Pioneiros, explican en que vai consistir esta actividade.

O festival Play Doc, que se celebrará do 7 ao 11 de maio, ofrecerá este ano a primeira retrospectiva española dedicada ao cineasta estadounidense Michael Roemer e o recoñecemento ao labor da Film Heritage Foundation na preservación do cinema indio rexional. Hoxe, co codirector do festival tudense, Ángel Sánchez, coñecemos máis detalles.