Día a Día

Este domingo comeza o ciclo de andainas saudables organizado pola Eurocidade Tui - Valença. A primeira cita será o Trilho Entre Viñas e Vales, unha caminata de 7 quilómetros que sairá ás 9.00h (hora portuguesa) da Igrexa Ganfei, en Valença. Desta cita e das vindeiras conversamos hoxe con Marina Carvalho, de Celtas do Minho.

Cruz Vermella atendeu a máis de 1329 persoas na comarca do Baixo Miño no pasado ano 2024, coa colaboración de 46 voluntarios activos e o apoio de máis de 800 socios. Estes datos forman parte do balance anual que realiza a institución polo Día Mundial de Cruz Vermella, que se conmemora hoxe 8 de maio. Neli Rodríguez é a responsable de Cruz Vermella no Baixo Miño. Con ela coñecemos máis detalles dos...

O sábado 31 de maio, a partir das 20.00 horas celebrarase "O Latexar de Terras Gauda", na sede da bodega, un evento que fusiona viño, música e arte e que estará presentado pola xornalista Esther Estévez. Begoña Santamaría, responsable de enoturismo de Terras Gauda, deu hoxe todos os detalles desta cita organizada pola bodega.

A xornalista mexicana afinacada en España Laura Martínez, presenta hoxe mércores ás 19.30 h na Sala Félix Rodríguez a súa primeira novela "El baúl de la República". Está inspirada na primeira viaxe que o Sinaia realizou a México e no que ían case 1.600 persoas. Hoxe Laura Martínez contounos que un dos pasaxeiros era o tudense Eugenio Menéndez, anunciaba tamén que esta tarde a presentación traerá u...

Quedan unhas horas para que dea comezo a 21ª Edición do Festival Internacional de Cinema de Tui, Play Doc. Con Ángel Sánchez, codirector do festival conversamos sobre a evolución do festival ao longo destas dúas décadas e das diversas actividades que se desenvolverán durante estas xornadas. O programa do festival ábrese, no Teatro Municipal., ás 20.30 h coa actuación musical de Su Garrido Pombo e...

Co espectáculo musical "Traspielas" e a proxección de "Quieres salir, puedes entrar" de Pablo Villalobos mañá mércores comeza Play Doc 2025. Desta xornada inaugural, dos datos prácticos do festival que ten no Teatro Municipal o seu centro neurálxico, e do protagonismo da música nesta edición, deunos conta hoxe Ángel Sánchez, codirector de Play Doc.

“Bichocas” é o título do espectáculo para a primeira infancia que hoxe chega á Biblioteca Municipal con Xarope Tulú. Esta cita abre a programación Tui en Letras. A actriz, narradora e creadora teatral Atenea García, que forma Xarope Tulú xunto a Nicolás Zamorano, falounos do espectáculo.

Quedan só dous días para o comezo da 21ª edición de Play Doc, o Festival Internacional de Cinema de Tui. A sesión inaugural será este mércores, ás 20.30 h, no Teatro Municipal cunha sesión de música a cargo de Su Garrido Pombo e coa proxección de "Queres saír, podes entrar". Con Ángel Sánchez, codirector do festival, coñecemos todos os detalles desta primeira xornada. As entradas están xa á venda...

Mañá martes o Cineclub Tui retoma as súas proxeccións no espazo sociocultural da rúa Camilo José Cela e vaino facer cunha sesión especial dedicada á directora tudense Diana Gonçalves. Por primeira vez proxectaranse xuntas tres das súas películas documentais: Mulleres da raia; Retrato paisaje; e Resonancias. Así nolo contaron hoxe con Noemí Guisande, do Cineclub Tui e Diana Gonçalves, directora dos...

Cun empate ante o Mos, o Tyde certificou esta fin de semana o título de campión de Liga e o ascenso a Rexional Preferente no Álvarez Durán, unha categoría á que volven 23 anos despois. David Domínguez, presidente do club, e José Manuel Quintana, director deportivo, explicaron como viviron onte está xornada histórica e agradecían o apoio da afección.

O cinema galego será gran protagonista no Festival Play Doc que se vai celebrar do 7 ao 11 de maio en Tui. Proxectaranse obras actuais, creadas este mesmo 2025, e tamén pezas máis clásicas como a de Bernardino de Lamas. Doce serán as películas que participan este ano na Competición Galicia, das que falamos con Ángel Sánchez, codirector do festival.

A Asociación Párkinson Baixo Miño conmemora mañá o Día Mundial do Párkinson cunha gala no Liceo Casino de Tui, a partir das 17.00 horas, na que haberá unha charla, unha actuación de danza e un concerto. Felicitas Iglesias, da Asociación, repasou todas as actividades deste mes de maio.

Mañá sábado, o pavillón do IES San Paio de Tui acolle o torneo TTR Tui nas categorías sub15 e sub19 de bádminton, que organiza o Club Bádminton Tui. Hoxe falamos con Marisa Giráldez, do club, sobre esta cita deportiva e das vindeiras que terán lugar este mes de maio.

O Tyde buscará este domingo ás 17.15 h no Álvarez Durán, fronte ao Mos, sumar un punto e lograr matemáticamente o ascenso a Preferente. Agardan repetir a festa vivida o pasado sábado con 1.112 persoas nas gradas no partido ante o Tomiño. Este domingo, neste encontro especial, farán o Día do Socio. Deunos os detalles Álex Pardo, da área social do Tyde.

Catro serán as retrospectivas que este ano formen parte do Festival Play Doc que se celebrará do 7 ao 11 de maio en Tui. Michael Roemer, Monte Hellman, Elaine May e a Film Heritage Foundation serán os protagonistas. Hoxe con Ángel Sánchez, codirector do festival, coñecemos máis detalles destas retrospectivas.

A Axencia de Doazón de Órganos e Sangue de Galicia fai un especial chamamento á doazón de sangue das persoas dos grupos A+ e 0+. Unha das unidades móbiles de ADOS está hoxe mércores, na rúa Casal Aboy, a carón do centro de saúde en Tui. As doazóns pódense realizar ata ás 14.30 h e de 16 a 21 h. José María Vázquez, responsable da xestión de colectas de ADOS facía un chamamento á veciñanza para que...

Avatel cumpre tres anos en Tui, e o seu obxectivo de futuro é expandir os seus servizos a nivel nacional. Hoxe coñecemos as ofertas, sorteos e promocións con Iván Carral, de Avatel, no Espazo Comercio que levamos a cabo en colaboración con ACITUI.

Do 7 ao 11 de maio celébrase en Tui o 21º Festival Play Doc. Nunha semana comezarán as proxeccións, espectáculos e actividades dentro da súa programación. Hoxe abrimos co seu codirector, Ángel Sánchez, unha serie de entrevistas para coñecer todos os detalles desta edición, e comezamos cos espectáculos musicais, cinema percorridos e cine mudo.

Co foco na posibilidade de poder ascender a Preferente pero desfrutando dunha xornada festiva o Tyde enfróntase mañá, sábado, ao Tomiño. Será no Álvarez Durán ás 19.30 horas. De cara a este encontro o club tudense organizou unha xornada especial, con moitas sorpresas, música e gastronomía. Álex Pardo, encargado da área social do Tyde, deunos todos os detalles.

Preto de 850 persoas van participar mañá sábado, dende ás 11 h, na Carreira Popular de San Telmo I Memorial Xosé Martínez Tato. Máis da metade serán nenos e nenas. A categoría máis numerosa será a de pitufos cun centenar de inscritos. Hoxe Laura Solla, do Club Atletismo Tui, organizador da proba xunto ao Concello de Tui, deunos todos os detalles prácticos deste evento. A recollida de dorsais será...

Dende mañá sábado e até o luns celébrase no barrio de San Bartolomeu a Concentración Cabalar de San Telmo. Tres días de actividades, con novidades, e nas que se agarda a miles de persoas. Deron hoxe os detalles Paula López, de Equigalia, e Marcos González, de Hípica Marcos.

O grupo de teatro San Fins de Rebordáns será hoxe o encargado de pechar a XV Semana de Teatro Amador no Teatro Municipal de Tui. Será ás 21 h coa estrea de “O amor non ten idade”. Así nolo contaron Conchi Costa e Juana Dávila, dúas das actrices do grupo. As entradas están á venda até ás 18 h en tui.gal e dende ás 20 h no despacho de billetes ao prezo de 2€.

“Mi luna”, “Maldito Cupido” ou “Vaivén” son algúns dos temas que hoxe vai interpretar G Face no concerto que a partir das 22 h vai ofrecer no Espazo Feiral dentro das Festas de San Telmo. Esta mañá contounos coma vai ser este evento co que abre a xira “G Face na casa”.

Dentro da XV Semana de Teatro Amador o grupo de teatro Chirlomirlo estrea hoxe ás 21 h “Arraiadas” unha obra escrita polo propio grupo. Así nolo contaron Amancio Muíños e Alberto Sánchez, membros da compañiá teatral. As entradas están á venda até ás 18 h en tui.gal e dende ás 20 h no despacho de billetes ao prezo de 2€.

Horacio Santarelli é o presidente da Sociedad Tuy Salceda. Asociación Mutual, Cultural y Recreativa de Bos Aires. O pasado sábado foi o encargado de recoller o premio Cidade de Tui na Categoría Colectiva concedido a esta entidade. Hoxe falamos con el no programa Día a Día da RMT.