Día a Día

Esta tarde o Tyde será recibido no Concello de Tui tras acadar o ascenso á Preferente Galicia. A cita comezará ás 19.30 horas coa chegada do equipo á Praza de San Fernando e media hora despois serán recibidos polo alcalde, Enrique Cabaleiro, e outros membros da corporación. David Domínguez, presidente do Tyde, daba conta dos detalles desta xornada de celebración que continuará, coa afección, nas i...

Integrar a perda dunha persoa na nosa vida de xeito saudable e conseguir lembrala dende o amor, e non dende a dor. Sobre o proceso de adaptación que supón o dó conversamos hoxe con Ana Vila, psicóloga sanitaria de Anarela. Con ela profundamos en como facilitar o proceso de dó, nas fases e síntomas, e damos recomendacións para acompañar a alguén que estea sufríndoo.

A motonáutica volve ser protagonista deportiva da fin de semana en Tui. Este sábado, a partir das 10.30 h, dispútase no río Miño, fronte á rúa Olímpicos Tudenses, a terceira proba do Campionato Galego Inclusivo de Motonáutica. Agardan a participación dunha ducia de equipos coma explicaba Carlos Estévez, tesoureiro da Real Federación Galega de Motonáutica.

Esta fin de semana celébrase na praza Pintor Antonio Fernández de Goián a XX Feira de Cultivos do Baixo Miño, que hai unhas semanas tivo que ser aprazado por motivos meteorolóxicos. Un evento que presenta varias novidades e no que haberá obradoiros, música e actividades para os máis pequenos. Sandra González, alcaldesa de Tomiño, repasou hoxe a ampla programación para esta fin de semana.

Calzado Barefoot é unha tenda en liña que naceu hai catro anos en Tui. Venden calzado respectuoso tanto infantil coma de adultos, a toda España, a outros países de Europa, e tamén a EEUU, Arxentina e México. Así nolo contou a fundadora Ana Carrera, que xunto ao seu marido, puxo en marcha esta empresa. Explicou coma xurdiu Calzado Barefoot, os beneficios deste calzado, e a súa actividade comercial.

“Sobredo 1922” é o título do libro escrito por Xosé Ramón Paz Antón e editado polo Concello de Salceda que se presentará este venres, día 23, ás 20 h na Biblioteca Municipal de Tui. No acto participarán o propio autor; o historiador e profesor, Bieito Alonso, que elaborou o prólogo desta obra; e o concelleiro de Cultura de Salceda, Alex Rodríguez Canosa, como promotor desta publicación.

Mañá xoves, ás 21 h, no salón de actos do Casa Cultural do Anxo, en Pazos de Reis, terá lugar a segunda reunión co obxectivo de constituír unha Plataforma cidadá de persoas afectadas polo PXOU no ámbito do SU 11 de Tui, en Pazos de Reis. Manolo Fernández e Isabel Moreira, fixeron balance do encontro da pasada semana e avanzaron os obxectivos da reunión de mañá xoves.

Até este venres está aberto o prazo de inscrición para a I Andaina Santiago Apostol de Malvas que organiza a Comisión de Festas da parroquia e que conducirá Cristian Lago, guía intérprete do patrimonio. Sairá este sábado, 24 de maio, ás 18 h dende o torreiro da festa de Malvas. Será un percorrido de algo máis de 3 quilómetros, no que se visitará a igrexa parroquial, fontes, pontes, represas de reg...

Elisa Alfaya e Ian Hamilton estarán hoxe ás 17.30 h na Sala de Exposicións Municipal para por en escena o espectáculo "Historias fabulosas coa maxia” dentro da programación Tui en Letras. Será un espectáculo cheo de historias, maxia, sombras chinescas e interacción co público, tal e coma hoxe nos contaron.

A Festa da Empanada de Estás cumpre este domingo 25 anos. Con este aniversario a deste 2025 será unha edición especial na que se poderán degustar até 9 variedades de empanada, celebrarán o I Concurso de Empanada, e non faltará a festa da bicicleta e a música. Contan coa colaboración do Centro Social de Estás. Hoxe falamos da festa e da súa historia con Esteban González, actual presidente da Comisi...

Un total de 39 establecementos comerciais participaron na Campaña promocional co gallo do Día da Nai de ACITUI. Nestes comercios entregaron 997 papeletas para entrar no sorteo de dous vales de compra de 30 €. Pepe Míguez, presidente de ACITUI, amosou a súa satisfacción pola participación na campaña e polo nivel de compras rexistrado. Hoxe na nosa sintonía realizou o sorteo da campaña. Dende ACITUI...

26 anos comercializando e importando café verde de especialidade dende o Baixo Miño. Esta é a traxectoria de Xorxios, empresa guardesa que está entre as dez seleccionadas para internacionalizar os seus produtos e servizos a través do programa “Galicia avanza”, da Xunta e Tecnópole. Hoxe conversamos con Paula Souto, de Xorxios, sobre a traxectoria da empresa.

O artista tudense G Face e a lucense Lucía Pérez unen as súas voces en "Cabaliño de Lugo", unha bachata que homenaxea á provincia de Lugo a través dunha fábula. A colaboración xurdiu da conexión entre ambos cantantes, que xa traballaran xuntos no tema Tanto, de Lucía Pérez. Cos dous conversamos hoxe sobre esta canción, que promete ser a bachata do verán.

A Fundación Provincial Banco de Alimentos celebra o seu 30 aniversario cun concerto solidario, no Teatro Afundación de Vigo, protagonizado por David Rusell, este xoves día 22, ás 20.30 h. Con José Ramón Santamaría, presidente do Banco de Alimentos, conversamos sobre o traballo e compromiso destes 30 anos e avanzamos a recollida que terá lugar no supermercado Gadis de Tui o 30 e 31 de maio.

"Dolls" de Takeshi Kitano será a película que mañá martes, 20 de maio, proxecto o Cineclub Tui. Haberá dúas sesións ás 18.30 h e ás 20.45 h no espazo sociocultural da r/Camilo José Cela. O prezo da entrada é de 2€ persoas socias e 4,50€ para non socias. Falounos do filme Noemí Guisande do Cineclub Tui, quen tamén lembrou que hai un ano se celebraba a primeira reunión para constitución do Cineclub.

No programa especial de radio que realizamos dende o Paseo da Corredoira co gallo do Día das Letras Galegas e XXVI Feira do Libro Galegas participou tamén a concelleira de Cultura, Sonsoles Vicente.

Na XXVI Feira do Libro Galego participan as librarías tudenses Iris e Espazo Lector Nobel. Javier Oliveira de Nobel contounos no programa especial de radio que realizamos os títulos que presentan na feira e cales son os título que están a ser máis demandados.

Hoxe no programa especial que realizamos dende a Corredoira co gallo do Día das Letras Galegas e da XXVI Feira do Libro Galego, conversamos con Rafael Sánchez Bargiela, director da Biblioteca Municipal. Con falamos da feira pero tamén do artigo que hoxe mesmo publica en Tudensia onde recolle “Cantares tudenses”.

O profesor e historiador Bieito Alonso foi hoxe o encargado de dar lectura ao pregón da XXVI Feira do Libro Galego. Con el falamos no programa especial que realizamos dende o Paseo da Corredoira.

O grupo barcelonés Koko-Jean & The Tonics chega mañá, sábado, ás 23.00 horas, ao Centro Goianés para presentar o seu novo álbum, Love Child. Hoxe falamos con Miss Koko-Jean Davis, vocalista da agrupación, que daba conta de como vai ser este concerto no que se fusionan as raíces do soul e o rhythm & blues con influencias máis modernas. As entradas teñen un prezo de 15 euros e poden adquirirse en bl...

Mañá sábado, 17 de maio, Día das Letras Galegas, celebrarase no Paseo da Corredoira a XXVI Feira do Libro Galego. Sonsoles Vicente, concelleira de Cultura de Tui, destacaba a longa traxectoria deste evento e agradecía a colaboración das librarías locais Iris e Espazo Lector Nobel. Avanzaba o programa previsto que comezará co pregón de Bieito Alonso. Tamén se referiu ao programa Tui en Letras que s...

A XXII Romaría Cabalar do Val do Louro reunirá esta fin de semana en Pontellas a máis de 1.000 cabalos, nesta festa cultural de tres días. Dende hoxe e até o domingo haberá un amplo programa de actividades con probas ecuestres, rutas a cabalo, exhibicións, e o espectáculo Caval Show. Lino Martínez, da Peña Cabalar Valle do Louro, repasaba polo miúdo as actividades previstas.

Roupa, electrodomésticos ou complementos son algúns dos produtos que poderemos atopar mañá, sábado, no I Mercado de Segunda Man que se vai celebrar na Praza do Seixo de Tomiño de 10 a 22 h. Belén Alonso, da Asociación Cultural Deportiva Recreativa Colibrí, organizadora do evento, explicaba que participan 18 postos. Haberá tamén unha mesa de donacións para que as persoas que o precisen poida levar...

Aínda está aberto o prazo de inscrición para participar no I Concurso de Empanadas do Baixo Miño convocado pola Comisión de Festas da Virxe Peregrina de Estás. Celebrarase o próximo domingo, 25 de maio, coincidindo coa 25ª edición da Festa da Empanada. Poden participar tanto particulares coma profesionais. Esteban González Miranda explicou hoxe na RMT como xurdiu este certame e como participar. A...

Este domingo celebrarase a XXII Romaría "Os nosos fariñeiros. Burros e Muíños". Dende primeira hora da mañá, estará a Treboada La Bravesca anunciando a festa nos barrios próximos de Randufe e Pazos de Reis e ás 10:30 sairá o tradicional desfile cara o lugar da Ponte, onde os representantes da Asociación Discamino darán lectura ao pregón. Tamén haberá degustacións gatronómicas, actividades para os...