Día a Día

Rubén Geyer estivo practicando estas últimas semanas no pavillón municipal de Tui a disciplina de ciclismo artístico, aproveitando as súas vacacións de verán. Trátase dun deporte que practica dende os 8 anos e no que acadou grandes resultados como o segundo posto a nivel nacional coa selección alemana. Hoxe coñecemos máis deste deporte con el e coa súa tía Vanesa Alonso.

A Semana Cultural de Caldelas remata esta fin de semana coa celebración do V Rocha Folk. Un evento que durante o venres 22 e o sábado 23 xuntará obradoiros musicais e actuacións de diversas agrupacións. Vicky Méndez e José Álvarez, da Asociación a Insua de Caldelas repasaron polo miúdo a programación destas dúas xornadas. Amais, conversamos con Andrea Costa, artista encargada de deseñar o logotipo...

O historiador da arte José Ramón Fernández guiará esta tarde a derradeira xornada do ciclo “Coñece o noso patrimonio” do Instituto de Estudos Tudenses, a partir das 20.30 h dende a praza do Concello. Será cunha visita á igrexa de San Telmo, un dos referentes do conxunto histórico tudense. Hoxe converamos con Rafael Sánchez Bargiela, membro do Instituto de Estudos Tudenses, que explicou como se vai...

A Asociación Cultural e Deportiva Xuntanza de Randufe, organiza para este domingo a XXXVI Carreira Popular de Randufe, unha actividade que comezará as 10 h dende o Adro da Guía. O prazo de inscrición remata mañá, mércores ás 23:59 h., e pode realizarse a través da web cronotec.es. Ten un prezo de 3€ para maiores de 14 anos, e é de balde para os menores desta idade. Amais, o sábado seguinte, día 30...

O Espazo Xove de Tui organiza un obradoiro de artes marciais mixtas que se vai celebrar dende esta semana. Correrá a cargo de Ángel Couceiro Babarro, xerente e adestrador deportivo do ximnasio JUSENKYO. Será o mércores 20, venres 22, mércores 27 e venres 29 en horario de 12 a 13.30 h. A mocidade interesada pode inscribirse en espazoxovetui.xuventude@xunta.gal, no teléfono 886 110 797 ou persoalmen...

Cita solidaria a que temos esta semana en Tui xa que a Unidade Móbil de Doazón de Sangue da Axencia de Doazón de Órganos e Sangue de Galicia estará na rúa Casal Aboy, ao carón do centro de saúde, o xoves e venres en horario de 10 a 14.30 h e de 16 a 21 h e o sábado de 10 a 15 h. Ana Seoane, doutora e responsable da unidade de Hemodonación e Aférese explicaba como está sendo a campaña de verán de d...

Esta noite continúa a programación da semana cultural de Caldelas, organizada pola asociación Cultural A Insua. A cita será ás 21.30 horas na ribeira, co espectáculo "Enredada", da monologuista Leti da Taberna. Unha cita da que nos deu todos os detalles a propia cómica que repasou tamén os seus comezos no mundo do humor.

Este venres, ás 21 h, a praza de San Fernando vai acoller o XXX Festival de Bandas de Música. Unha cita musical na que participarán a Banda de Música de Vila Boa de Quires de Portugal, a Banda Cultural de Salceda, e a Banda de Música Popular de Tui. Eloy Carrera, director da Banda de Música de Tui deu hoxe todos os detalles desta xornada que este ano cumpre o seu trinta aniversario e repasou a sit...

A Fada do Aloia organiza para este sábado 16, ás 22:00, un paseo polo Monte Aloia. Será un percorrido de 600 metros para toda a familia onde as persoas participantes descubrirán a fauna nocturna, lendas do Aloia e tamén as estrelas, coas explicacións de Antón Paz, monitor starlight. Deunos hoxe os detalles Natalia Lago, a Fada do Aloia. Para máis información e reservas pódese contactar co teléfono...

Este domingo comeza a Semana Cultural de Caldelas organizada pola Asociación Cultural A Insua, que se vai desenvolver até o 21 de agosto na ribeira de Caldelas. A primeira cita será este domingo 17 ás 17 h con inchables, e ás 21.30 h coa proxección da película de animación “Del Revés 2”. Vicky Méndez, da Asociación A Insua de Caldelas repasou polo miúdo a programación prevista para esta semana.

O tramo de muralla coñecido como "Ángulo dos Demos", situado no Paseo Fluvial de Tui, leva máis de dous séculos en estado de ruína. O Concello vén de dar os primeiros pasos para recuperalo e poñelo en valor. Co historiador Suso Vila, que asesora técnicamente a intervención co obxectivo de garantir o máximo rigor histórico e respecto pola autenticidade da construción orixinal, conversamos hoxe sobr...

Este sábado ás 16 h sairá dende Caldelas o 14º Descenso Popular do Miño. Dúas horas despois, dende Salvaterra partirá o 54º Descenso Internacional. Dúas probas que xuntarán a preto dun milleiro de piragüistas en augas do Miño. Desta cita conversamos hoxe con Manuel Pedrares, presidente do club Kaiak Tudense. Habilitaranse autobuses o sábado dende as 11.30 h ata as 14.00 h dende o Parador de Tui at...

Este sábado día 16 terá lugar en Tui a XIII Festa Gastronómica do Miño. Unha cita gastronómica na que participan 11 asociacións de diferentes centros culturais e que contará coas actuacións das charangas A Tu Ritmo e Cantos Somos dende as 20.00 horas. Hoxe coñecemos os detalles coa concelleira de Cultura, Sonsoles Vicente.

A Alameda de San Domingos, en Tui, acollerá o sábado 6 de setembro o festival Boas Vibes. Un punto de encontro entre a mocidade, a creatividade e a cultura cunha programación que inclúe un Mercado Creativo, espectáculos musicais, conversas e gastronomía. Hoxe coñecemos a programación completa e as bases para participar no Mercado Creativo coa concelleira de Igualdade, Ana Núñez, e a comisaria do e...

Hoxe martes ás 20.30 h prosegue o programa "Coñece o noso patrimonio", impulsado polo Instituto de Estudos Tudenses, cunha visita á Catedral de Tui. Estará guiada pola profesora e presidente deste Instituto, Marta Cendón, con quen hoxe coñecemos algúns detalles desta visita, onde fará fincapé na escultura gótica e románica do templo catedralicio.

ACITUI presentou unha moción no pasado pleno ordinario no que, en termos xerais, solicitan un maior apoio dende a corporación municipal para impulsar o comercio local. Hoxe valoramos esa moción co presidente de ACITUI, Pepe Míguez.

Dobre cita esta semana co Cineclub Tui no espazo sociocultural da rúa Camilo José Cela. Hoxe martes, ás 20.30 h, proxectarase a película de animación para público familiar “Ballerina”, de Éric Summer e Éric Warin. Este xoves 14 ás 22 h poderase ver o filme “La casa” de Alex Montoya. Noemí Guisande, do Cineclub Tui deu conta dos argumentos de ambos filmes. A entrada ten un prezo de 2 euros para per...

Este venres 15 e sábado 16 celébranse en San Bartolomeu as festas na honra a San Roque na que non faltará o Rosario da Aurora, así como as verbenas nocturnas e a gastronomía coa degustación do porco ó espeto. Así nolo contaron hoxe Javier Rodríguez e Francisco Cañedo, da Asociación Cultural San Bartolomeu. Tamén deron conta da programación para as festas de San Bartolomeu que se celebrarán os días...

Rebordáns celebra este mércores, xoves e venres a súas festas na honra á Virxe do Camiño cunha programación que mestura música, gastronomía, poxas, actos relixiosos e actividades para os máis pequenos. Hoxe Ángel Vila e Martín Álvarez, presidente e vicepresidente, respectivamente, da Comisión de Festas de Rebordáns repasaron a programación para estas tres xornadas.

Paramos celebra esta fin de semana festas na honra a San Caetano cunha programación de tres días con música, gastronomía, poxas e actos relixiosos. Todo organizado en menos de dos meses pola Comisión de Festas de San Caetano, presidida por Ismael Alonso. Con el coñecemos hoxe os detalles.

A banda Os da Alba encabezará mañá sábado o Desfile Folklórico e de Bandas Mariñeiras das Festas do Monte, na Guarda. Farao por cumprir 25 anos. Hoxe coñecemos máis desta agrupación cunha persoa que forma parte dela dende a súa creación, Jorge Alonso.

Despois de sete días de actividades, con concertos diarios, conversas, o Foro Resonancias para profesionais e moita música e identidade, hoxe facemos balance do Festival Música no Claustro, que remataba onte. Facémolo conversando co director do festival, Samuel Diz, e a produtora creativa, Beatriz Fontán.

Desactivado o nivel 2 de alerta na parroquia de Picoña, en Salceda de Caselas, tras o incendio forestal rexistrado onte mércores á tarde. Numerosos medios continúan traballando no lugar dende onte, tamén a UME, para refrescar a área e seguir facendo cortafogos. Así nolo explicou hoxe a alcaldesa de Salceda, Loli Castiñeira.

Durante esta semana O Rosal está celebrando a quinta edición da Mostra de Cine que organiza a Asociación Ghorghalado. Con máis de 1.000 curtametraxes inscritas este ano, o domingo día 10 entragaranse os sete premios. Coñecemos os detalles desta mostra cunha das organizadoras, Paula Rodríguez.

Hoxe xoves ás 21 h remata o XIX Música no Claustro cun solo de violoncello a cargo do músico Mon-Puo. Será ás 21 h no claustro da Catedral, con entrada libre e sen reserva previa. Hoxe coñecemos os segredos desta actuación co violoncellista Mon-Puo e co director do festival, Samuel Diz.