Día a Día

O trompetista tudense Manuel Madarnás comezou o pasado venres, en Marín, a xira La MMarca, coa que percorrerá, xunto aos catro integrantes da súa agrupación, San Miguel de Oia, O Porriño, Valencia, Barcelona ou Ponte de Lima, entre outros. Así nolo contaron hoxe Manuel Madarnás e iris Abril, pianista.

“Dorothé na Vila”, de Alejandro Gándara e Olaia Tubío, é o documental que mañá proxecta o Cineclub Tui no Espazo Sociocultural da rúa Camilo José Cela. As sesións cambian de horario e serán ás 19.30 h e ás 21.30 h. Noemí Guisande, do Cineclub Tui, deu conta de que a entrada é gratuíta para persoas socias e de 2 euros para público xeral.

Esta semana é a Semana Internacional dos Arquivos. E con tal motivo este xoves, día 12, ás 12 h, vaise levar a cabo unha visita ao Arquivo Municipal de Tui. Unha cita para a que é precisa inscrición previa e da que hoxe deunos todos os detalles Rafael Sánchez Bargiela, técnico da Biblioteca Municipal de Tui.

Cataventos, pluviómetros ou plastilina comestible son algunhas das creacións realizadas polo alumnado de Infantil do CEIP Nº1, que estiveron expostas no Congreso EducODS. Hoxe explicáronnos en que consistían estas elaboracións e tamén cales foron os proxectos dos outros centros que máis lle chamaron a atención.

Hoxe venres comezan as V Galimpiadas que se celebran na ribeira de Caldelas. Futbolín, tute, billar, dardos ou carreira de sacos son algunhas das probas que se realizarán ao longo destas dúas xornadas. Hoxe coñecemos todos os detalles con Manuel González, presidente, Enrique Pérez e Judit Bernández, da Asociación Non Damos Feito.

A xornada de clausura do V Congreso EducODS estivo protagonizada polo alumnado de infantil dos diferentes centros educativos. Un deles é o CRA Mestra Clara Torres. Hoxe algúns dos seus alumnos e alumnas deron conta dos proxectos que máis lle gustaron desta cita educativa.

Arredor de 80 alumnos e alumnas do Judo Club Tudense participarán na exhibición de fin de curso que este domingo ás 10 h celebran no pavillón municipal. Hoxe nolo contou Rubén Morais, maestro do Judo Club Tudense.

A igrexa de San Domingos acolle mañá ás 20 h o o Festival de Primavera de Canto Coral e Música Tradicional organizado pola Coral San Telmo Participarán a Coral Atlántida de Matamá, a Coral Santiago López de Pravia de Asturias, a Coral San Telmo de Tui e o grupo Lirolai. Así nolo contaron hoxe Ricardo Martínez e Carmen María Alonso.

Diana, Antía, Ian, Gael, Brais, Tomás, Gala e María son alumnos e alumnas de Infantil do CEIP Nº1 de Tui e hoxe contarónnos que foi o que máis lle gustou do V Congreso EducODS que se celebrou durante esta semana e que rematou hoxe.

O vindeiro domingo 15 de xuño, SOS Tomiño Baixo Miño organiza un xantar solidario no colexio Santa María Maristas en Tui. O prezo é de 27 euros para adultos e de 15 para nenas e nenos. O menú estará composto por aperitivos, polbo, xamón asado, postre e café; todo maridado por viños Altos de Torona e Regina Viarum. Deron os detalles José Quinteiro e José Montes, de SOS Tomiño Baixo Miño.

A actividade do Congreso EducODS continúa a partir das 17.30 h no Mercado de San Antonio, cunha mesa redonda sobre coidado e benestar dos animais domésticos. Ás 18.30 h terá lugar o teatro musicalizado Animalia con Cristina Collado, Josito Porto, a Banda Xuvenil de Tui e máis de 150 nenos e nenas de colexios tudenses. O director da Banda de Música Xuvenitl de Tui, Eloy Carrera explicaba como se va...

O CEIP nº1 de Tui é o organizador do V Congreso Educativo EducODS, unha iniciativa que comezou desenvolvéndose no patio do centro co propio alumnado e que creceu até acoller a 21 centros educativos na edición deste 2025. Nuria Garabal, a directora do CEIP nº1 amosou a súa satisfacción polo celebración desta quinta edición, e explicou os proxectos nos que traballo o alumnado do seu centro e que ago...

O colexio Maristas traballou este ano no ámbito da apicultura, para achegar todo o proceso ao Congreso EducODS deste ano. Hoxe, tres das súas alumnas Sabela, Ana e Martina deron conta das súas propostas neste congreso e de como foi o seu proceso de aprendizaxe que inclui unha excursión a un centro de apicultura.

A fotografía é o tema que protagoniza as propostas que presenta o colexio Monterrey no V Congreso Educativo EducODS. Hoxe Lucía e Xiana, alumnas de 2º da ESO, explicaron os procesos de cianotipia e a clorotipia que empregaron no seu proxecto.

Hoxe célebrase o Día Mundial do Medio Ambiente. Con este motivo, e durante toda esta semana, Tomiño acolle diferentes actividades como unha mostra de xabóns elaborados por alumnado do IES Antón Alonso Ríos, un faladoiro ou unha ruta. Todas elas centradas na preservación dos ecosistemas acuáticos. De todas estas actividades falounos hoxe Ana Belén Casaleiro, concelleira de Medio Ambiente tomiñesa.

Antonio Orozco, Rita Rocha, James Rhodes, Milhanas, Fillas de Cassandra, Perico Sambeat e a Orquestra Jazz de Matosinhos forman parte do programa do IKFEM Festival Tui-Valença que se vai celebrar do 16 ao 20 de xullo. A súa directora, Andrea González, daba conta dos obxectivos do festival e toda a actividade que realizará na Eurocidade. As entradas están xa á venda.

Este sábado 7 de xuño celébrase en Goián a Spartans Fight Night con 11 combates, tres deles en categoría feminina. Charly López "Spartan" competirá en categoría superwélter, e deunos hoxe os detalles desta cita. Hoxe mércores é o último día para adquirir as entradas en venta anticipada. Logo, en taquilla.

Os proxectos que o IES Valadares presenta no Congreso EducODS están baseados no que recolle o libro "La vuelta al mundo de un forro polar rojo". Así nolo contaron hoxe Sara Álvarez e Noa Riveiro, coas que coñecemos o que son os supercatadores.

O proceso de elaboración de mel, a cata do produto e a creación en directo de ecoembalaxes a partir de cera son algunhas das cousas que se poden atopar no espazo do CEIP Pazos de Reis no V Congreso EducODS que ten lugar estes días no Paseo da Corredoira. Martina Diz e Lucas Martínez, alumnado do centro, deron conta de todo o que aprenderon durante este curso sobre o ámbito da apicultura.

O Teatro Municipal de Tui acollerá o xoves, 12 de xuño, ás 19.30 h o cuarto Festival de Cancións en Lingua de Signos Española organizado polo Centro Anarela. Iria Márquez é intérprete de lingua de signos e a responsables dos cursos de lingua de signos que imparten no centro. Hoxe explicaba na Radio Municipal de Tui que no festival participan as alumnas do curso con distintas cancións, e este ano c...

A meteoroloxía é o tema que protagoniza un dos postos que o alumnado do CEIP Nº1 de Tui ten no Congreso EducODS que esta semana se desenvolve no Paseo da Corredoira. Mateo Gómez e Lía Rosada, alumnado do centro, explicáronnos hoxe os contidos que aprenderon sobre a meteoroloxía e cales son os seus proxectos.

Clásicos Tui organiza a súa primeira búsqueda do tesouro o próximo sábado 14 de xuño. Será unha actividade que se desenvolverá en Tui. As prazas son limitadas, e o prazo de inscrición pecha este sábado día 7. Deunos os detalles Enrique Lago, de Clásicos Tui.

Máis de 1.200 alumnos e alumnas van participar activamente no Congreso Educativo EducODS que esta semana estase celebrando no Paseo da Corredoira de Tui e no que o alumnado presenta os proxectos nos que estiveron traballando durante todo o curso. Pedro Alfaya e Iria Fernández, presidente e secretaria do Consello de Nenos do CEIP Nº1 contáronnos hoxe cales son as súas elaboracións.

O alcalde de Tui, Enrique Cabaleiro, salientaba na xornada inaugural do V Congreso Educativo EducODS a necesidade de que se continúen a levar a cabo estas xornadas e destacaba o papel fundamental que ten a educación nos nenos e nenas. O rexedor tamén referíase as diferentes creación realizadas polo alumnado tanto de Infantil coma de Primaria e Secundaria.

O patrulleiro Cabo Fradera celebra este sábado o Día das Forzas Armadas cunha xornada de portas abertas en horario de 11.00 a 13.00 e de 17.00 a 20.00 horas. Unha actividade para a que non é preciso inscribirse previamente. Así nolo contou Pablo Navarro, comandante do patrulleiro Cabo Fradera e tenente de Navío, que tamén se referiu aos bautismos fluviais. Amais detallou como foi o encontro de vet...