Día a Día

Sabia Vella é unha asociación de xubilados de recente creación que tivo o seu comezo no mes de xaneiro e que busca reivindicar entre outros aspectos, a problemática coa revalorización das pensións. José Ramón Rey é o delegado no Baixo Miño da asociación e hoxe daba conta das reivindicacións e dos obxectivos desta organización.

Este sábado a Asociación do Traxe Tradicional de Tui organiza o III Encontro de Folclore da Raia. Unha cita que comezará ás 19.00 horas cun pasarrúas dende o edificio Francisco Sánchez ata a Praza de San Fernando. Pilar Pazo, secretaria da asociación organizadora, daba conta de como se vai desenvolver esta cita e das distintas agrupacións que van participar, entre as que se atopan o Grupo Folclóri...

30 alumnos e alumnas da Escola da Banda de Música Popular de Tui van participar este venres ás 18.00 horas no concerto de Fin de Curso que terá lugar no espazo sociocultural da rúa Camilo José Cela. Eloy Carrera, director, deu conta do repertorio que van interpretar e explicaba que xa está aberto o prazo de matrícula para o curso que vén.

O piloto tudense Diego Vila estréase esta fin de semana no IV Rallymix da Sidra, na Estrada. Hoxe explicounos como se está preparando para esta nova competición e a importancia que ten a figura do copiloto nesta disciplina.

Alberto Romer presentará este sábado ás 17.30h no Centro Cultural de Randufe o seu novo libro: “Randufe de Tui”. Con el conversamos hoxe sobre como cambiou Randufe ao longo dos anos e sobre o traballo que hai detrás deste libro.

Este curso o IES Indalecio Pérez Tizón acolleu a exposición "As mulleres que nos levaron á lúa" de Experimenta en Feminino da Universidade de Vigo. Unha mostra que busca destacar o traballo das mulleres que hai 50 anos foron claves para o éxito da misión do Apolo XI e a chegada da primeira persoa á lúa. Como actividade de igualdade o alumnado de 3ºESO creou unha versión audio, un podcast, de dita...

Até este sábado, día 21, pódese visitar no edificio Francisco Sánchez a mostra colectiva da Asociación de Amas de Casa de Tui na que se poden ver traballos de restauración do curso impartido por Mª Carmen Ramírez e os resultados do curso de Labores Creativas impartido por Cristina Escudero. Rocío Gómez e Laura Castro, da Asociación de Amas de Casa de Tui deron todos os detalles desta exposición e...

A sección de Tui da Escola Oficial de Idiomas de Vigo traládase ao Instituto Indalecio Pérez Tizón, onde continuarán a impartir clases de alemán, inglés, francés e portugués, en distintos niveis. O próximo curso coma novidade contarán con modalide semipresencial. A preinscrición pode facerse dende hoxe luns, e até o 7 de xullo, en www.eoidevigo.org. Así nolo contaron hoxe Elena Espinosa, xefa da s...

Máis de 400 nenos e nenas van participar mañá, sábado no Campionato de Galicia Escolar de kung fu que dará comezo ás 16.30 horas no pavillón Gustavo Rodríguez de Tui. Eduardo Méndez, do club Di-Som de Tui explicou hoxe que será unha competición moi dinámica. A entrada é libre e gratuita

Preto de 1.200 persoas van participar esta fin de semana nos distintos eventos deportivos que se van celebrar en Tui segundo explicaba o concelleiro de Deportes, Rafael Estévez. O programa comezou a primeira hora coa Aloiada, mañá haberá bádminton, mototurismo, kung fu, coches clásicos, e ciclismo, e o domingo triatlón, patinaxe e baloncesto.

O pavillón do IES San Paio acolle mañá sábado dende ás 10 h un Torneo Recreativo de Bádminto sub11 sub 15 e sub 19 organizado polo Club Bádminton Tui. Deunos todos os detalles Marisa Giráldez, do Club Bádminton Tui.

O vindeiro sábado, 21 de xuño, ás 20 h terá lugar o XVII Festival de Corais na igrexa de San Domingos en Tui. Unha cita musical na que participarán a coral do Centro Social tudense, a coral Polifónica San Blas de Budiño, e a Orquestra de Corda do Conservatorio Profesional de Música de Tui. Hoxe coñecemos todos os detalles con José Manuel Martínez e Gonzalo González da coral tudense e Rosa González...

Tui acollerá mañá sábado, ás 12 h, na praza da Inmaculada, unha das concentracións convocadas pola plataforma 'PararLaGuerra.es' para pedir o fin do xenocidio en Gaza. O voceiro da plataforma en Galicia, Carlos Vázquez, deu conta dos obxectivos da manifestación.

A Fada do Aloia organiza unha ruta especial para este sábado, xa que será unha ruta solidaria coa Protectora de Animais Aloia de Tui. Sairá este sábado, ás 11 h, para realizar un percorrido doado de hora e media. É preciso inscrición previa no 619 96 90 90. No inicio da ruta recolleranse doazóns para a Protectora Aloia tanto de cartos en metálico, coma de comida húmida ou salchichas para cans e ga...

María Freiría de Mar Jewelrin, Ana Alonso de Cabuxa, Aida Alonso de Aida Alonso Ilustración, e Gemma Fernández de Essentia HM contaronnos hoxe como está a ser a experiencia da tenda efémera Mercarte que até este domingo está aberta na Oficina Municipal de Turismo no Paseo da Corredoira. Tamén nos contaron os produtos artesanais que presentan. Convidaban a achegarse e coñecer as súas creacións.

A Alameda de San Domingos será o escenario de tres dos eventos que forman parte da programación do IKFEM Festival Tui-Valença que se vai celebrar o próximo mes de xullo. O primeiro será o venres 18 ás 22.30 h co concerto de James Rhodes O sábado 19 serán dúas as propostas musicais neste espazo. Ás 12 h, con entrada gratuíta, celebrarase o concerto do concurso ‘Novas Ondas Sonoras. Os novos talento...

Este domingo, día 15, o coro Mistura Vocal ofrecerá o concerto Nexus Aeternus, ás 20.00 horas, na igrexa San Domingos de Tui . O concerto terá como elemento principal a música do compositor e director de Euskadi, Javier Busto, tomando como referencia a súa vinculación con Galicia reflectida en obras con textos en galego. Hoxe deunos todos os detalles desta cita musical, Aloia Martínez, directora d...

Cabicheira xurdiu na pandemia, cando nos bares e cafeterías retiráronse os cinceiros. Aí Sonia González decidiu emprender en Tui e crear un deseño innovador e que se pode levar colgado no pescozo. Estas cabicheiras fabrícanse no Rosal e están elaboradas a partir de plásticos reciclados. Hoxe a súa creadora contounos como é emprender na comarca e os motivos polos que cabicheira ten tanto éxito.

Buguina Turismo comezou hoxe a primeira das visitas guiadas á Catedral que organiza con motivo do 800 aniversario da consagración do templo catedralicio tudense. Deste xeito Bugina Turismo súmanse a este evento destacado ofrecendo este ano e o próximo preto de 50 visitas. Así nolo contou hoxe Hugo Lage, responsable de Buguina Turismo. A ruta conta cun prezo de reducido a 5€ persoa, ao que hai que...

Do 23 de xuño ao 9 de setembro vaise celebrar na Macoca, en Ludikeka , un campamento de verán. Nenos e nenas de 2 a 12 anos poderán gozar con xogos ao ailre, de auga, ou excursións. Pódese asistir días soltos, semanas, quincenas ou mes completo. Contan con opción 'madruga' e 'tupper'. Rebeca Fernández, de Ludikeka deunos todos os detalles deste campamento.

José Ferreria e Maike Rodríguez, da Comisión de Festas Virxe das Dores, avanzaron hoxe na Radio Municipal toda a programación que este sábado se poderá disfrutar no recinto de festas de Guillarei nas festas na honra a San Antonio. Ruta moteira, gastronomía e música, forman parte do programa previsto.

Rutas polo monte ou clases de hípica diarias son algunhas das actividades que os nenos e nenas poderán realizar este verán no campamento que organiza Equigalia para os meses de xullo e agosto. O horario é de luns a venres, de 10.00 a 14.00 horas e o prezo por semana é de 150 euros. Paula López de Equigalia así o explicaba esta mañá na RMT.

Preto de 200 patinadores e patinadoras participarán este domingo, 15 xuño, na exhibición de fin de curso do Club de Patinaxe Artística Ribex. Será no pavillón Gustavo Rodríguez de Tui, ás 17.30 horas. A entrada é libre e gratuita até completar aforo. Así nolo contou a adestradora do club, Carolina Figueroa, que tamén fixo balance desta temporada.

O padeeiro do Club Kaiak Tudense Óscar Graña proclamouse onte subcampión de Europa de Maratón de Piragüismo en c2 xunto a Jaime Duro. Suma así a súa décimo primeira medalla nun europeo. No seu haber ten tamén 14 medallas en Campionatos do Mundo. Esta mañá contounos como foi a regata e deu conta tamén dos próximos obxectivos deportivos.

Este sábado día 14 célebrase a III Ruta Mototurística do Meixón en Tui. Unha cita que busca dar a coñocer os principais puntos de interese de Tui e da contorna. O punto de saída será a rúa Compostela. Para participar é preciso inscribirse previamente a través da web cgmototurismo.org ou no teléfono 670 60 13 22. Joaquín Agra e Julio Solleiro, do Moto Club Papaya déronnos hoxe os detalles.