Día a Día

82 alumnos e alumnas cursarán este ano os seus estudos no CEIP de Guillarei. Nesta xornada de volta ás aulas coñecemos a situación deste colexio coa súa directora, Paula Lima.

O CEIP de Caldelas reabre hoxe as súas portas para os 105 alumnos e alumnas que este ano están matriculadas no centro. Nesta xornada de volta ás aulas coñecemos a situación desta escola coa súa directora, Silvia Rodríguez.

O CEIP de Rebordáns reabre hoxe as súas portas para os 98 alumnos e alumnas que este ano están matriculadas no centro. Nesta xornada de volta ás aulas coñecemos a situación desta escola coa súa directora, Nerea Castro.

No inicio do curso escolar 2025/26 coñecemos coma é este primeiro día no CEIP Plurilingüe Nº1 que contará con 202 alumnos e alumnas. Falamos coa súa directora, Nuria Garabal.

Salceda servirá este domingo 20.000 racións de callos na súa festa gastronómica que comeza hoxe venres, coa actividade infantil “Salceda sostible”, a actuación das Cantareiras da Serra da Anta e co tradicional serán. Mañá sábado será a quenda da cuarta edición do Festival de Charangas e o domingo, día grande da festa co pregón e monólogo do humorista David Amor. Deunos os detalles da festa a alcal...

A programación do “Setembro xudeu” continuará este domingo, 7 de setembro, ás 11.30 h, dende a Oficina de Turismo, cunha visita guiada á ruta xudía a cargo da historiadora da Arte Sara Quintana. Con ela coñecemos hoxe algúns segredos que descubrirá na visita do domingo.

A próxima semana comeza a liga junior e cadete de baloncesto na que compite o CB Tui, e a mediados de setembro será o inicio da competición para o equipo senior. Un comezo de temporada do que Javier Niño, coordinador deportivo do club, deu conta hoxe, con 14 equipos de distintas categorías, dous máis que a pasada campaña.

Este domingo, no adro da igrexa en Randufe comezan as Festas na honra á Virxe da Guía. Unhas celebracións que se estenderán até o luns e nas que non faltarán a tirada de bombas de palenque, a misa solemne con procesión e as verbenas nocturnas. Paco Gómez e Gerardo Giráldez, da comisión de Festas de Randufe repasaron polo miúdo a programación completa.

A vindeira semana o Concepto by Persa A Quinta de Tui Futsal comeza a súa temporada. Unha campaña na que terán arredor de 18 equipos e xuntará a máis de 200 deportistas. Xacobe Morais, coordinador do club, repasou como se están preparando os equipos de cara a esta nova temporada.

O próximo luns, 8 de setembro, comeza un novo curso escolar, e previo ao inicio, o Concello de Tui, a través da concellería de Ensino, Cultura e Mocidade, vén de executar obras de mellora e conservación nos nove centros educativos públicos do municipio. Destes traballos deu conta hoxe Sonsoles Vicente, concelleira de Ensino, Cultura e Mocidade, quen tamén se referiu aos pasos dados para a necesari...

Rebordáns conta cunha nova comisión de festas con 22 integrantes. Hoxe coñecemos ao seu vicepresidente, Martín Álvarez, e á secretaria, Marta Romero. Eles deron conta dalgunhas novidades, como a canle de WhatsApp que xa está dispoñible para a veciñanza. Tamén coñecemos os detalles da andainda Terrodáns, que organizan o sábado 27 de setembro.

Este sábado celébrase en Salceda de Caselas o IV Festival de Charangas, dentro da programación da Festa dos Callos, no que participarán sete agrupacións. As actuacións comezarán ás 19 h cunha gran novidade, o pase de bares que levará ás charangas até a Praza do Concello onde tamén actuarán. Así nolo contaron hoxe Damián Estévez e Hugo Puga, da Charanga SGHAE, organizadora do festival.

O Tyde celebra mañá venres, ás 20.30 horas, no Seminario Menor San Paio de Tui a súa asemblea de socios. Unha cita na que tratarán os proxectos e o que está por vir nunha temporada, que comeza este domingo en Preferente, categoría á que voltan 23 anos despois. Hoxe conversamos co presidente do club, David Domínguez, quen tamén se referiu ao centenario que o conxunto tudense cumpre no 2026.

A Escola de Música da Banda Popular de Tui organiza un curso de Musicoterapia que comezará o martes 16 deste mes e que se vai desenvolver até decembro. Hoxe Eloy Carrera, director da Escola da Banda de Música, explicou de que se trata este curso que se vai impartir os martes en horario de 10.30 h a 13 h. É preciso inscribirse previamente no teléfono 886 29 28 51. Ten un prezo de 7 euros.

A xira La MMarca de Manuel Madarnás fai hoxe parada en Randufe dentro da Semana Cultural. A cita será ás 21.30 horas no Adro da Guía. Hoxe coñecemos máis desta xira co trompetista tudense.

O Club de Fútbol Guillarei comezará o vindeiro domingo 14 a nova temporada, para a que xa se está preparando cos partidos de pretemporada e con novas incorporacións ao plantel. Da situación á que chegan a este comezo da campaña falamos hoxe con Manolo Rodríguez, presidente do club e José Carlos Fernández, adestrador.

A protectora Aloia ía celebrar este domingo o Aloia Fest na terraza do Club Naútico San Telmo de Tui. Unha cita que debido á previsión de choiva foi aprazada para a vindeira fin de semana e na que non faltará música, gastronomía e sorteos. Así nolo contou hoxe Pepín Solleiro, que tamén deu detalles sobre o calendario solidario do próximo ano e sobre a situación actual do refuxio.

Os irmáns Álex e Christian Sierpes seguen colleitando éxitos deportivos. A pasada temporada Álex conseguía a prata nos 1500 metros do Festival Olímpico da Xuventude Europea; e Christian proclamábase subcampión galego Sub20 en 3000 metros obstáculos ao aire libre. Hoxe ambos repasaron a súa traxectoria deportiva e deron conta dos próximos obxectivos, entre os que se atopa chegar aos Xogos Olímipico...

A tudense Sara Quesado comezou no mundo da música aos catro anos e aos seis decidiu decantarse polo clarinete. Un instrumento que leva tocando dende hai máis dunha década. Hoxe, xunto co seu mestre no Conservatorio de Música Municipal de Tui, Esteban Alonso, contounos a súa historia e cales son os seus plans de futuro.

A creación de contidos en redes sociais estará presente na programación do Festival Boas Vibes cos Encontros inspiradores nos que vai participar a galega Fatisuki, streamer e creadora de contidos de humor, anime e videoxogos. Na súa intervención abordará como se poden crear os contidos dun xeito realista, e o que hai detrás das cámaras, tal e como explicaba hoxe no programa Día a Día.

A Fortaleza de Valença acolle esta fin de semana unha nova edición do Mercado Medieval – Valença na Rota da História, que se celebrará do venres 5 ao domingo 7. Durante a fin de semana, as rúas e murallas da fortaleza encheranse con torneos a pé e a cabalo, teatro e música na rúa, espectáculos de fogo, danzas orientais e medievais, artes e oficios tradicionais e recreacións de combates e armamento...

Dentro da programación do Festival Boas Vibes que este sábado vai ter lugar an Alameda de San Domingos, en Tui, ás 19.30 horas, co espectáculo de Breaking dance & Beat Box con Vella Escola. Pablo Castiñeira, de Vella Escola, explicaba como se vai desenvolver esta actuación e en que consisten estas disciplinas.

Hoxe martes continúa a Semana Cultural de Randufe e faino con música, a partir das 22.30 horas na Casa Cultural. Actuará o grupo Rayanos, unha agrupación composta por cinco mozos e mozas que interpretarán un repertorio moi variado. Hoxe coñecemos a esta banda con tres dos seus integrantes: Joel González, Sara González e Mara González.

A actriz coruñesa Isabel Garrido é unha das catro persoas mozas referentes na creación de contidos dixitais, da interpretación, do deporte e da moda que este sábado, ás 12.00 horas na Alameda de San Domingos, vai participar nos Encontros Inspiradores do Festival Boas Vibes. A intérprete compartirá a súa experiencia tras traballar en series como Élite, El Jardinero, El desorden que dejas ou Acacias...

A Asociación Lembranzas da Terra, de Guillarei, conta cunha nova directiva. Hoxe a coñecemos da man do seu presidente, Javier Pose, da profesora de baile moderno, Alba Rodríguez, e con Nati Romero. Ademais, esta fin de semana organizan a I Andaina Lenda da Pedra e a XIV Festa da Bicicleta.