Día a Día

Mañá sábado, 3 de setembro, ás 17.30h no campo da Gándara en Guillarei terá lugar a presentación do CF Guillarei para a temporada 20016/2017. Media hora despois xogarase o encontro CF Guillarei - Tebra CF. O Club de Fútbol Guillarei volverá á competición esta temporada 2016/17 tras tres anos de ausencia de actividade. A nova directiva está encabezada por Juan Carlos Coello coma presidente é o seu...

Salceda de Caselas celebra este domingo a súa Festa dos Callos na que a ración - 20 mil son as que se porán á venda - terá un prezo de 8€. O programa previo comeza mañá sábado con distintas actividades. O alcalde de Salceda explicaba que con esta festa se busca tamén pór en valor o sector agroalimentario.

Sabemos que esta fin de semana Tui viaxará 1000 anos ao pasado, pero ademais, na noite do sábado os zombies do Medievo invadirán a cidade. Dende as 23:00 da noite até as 8 da mañá o Survival Zombie especial medieval traerá aos mortos viventes nunha actividade que se enmarca no Festival Arraianos. Unha xincana que combina medo e diversión á luz da lúa como nos explicaba a directora do evento, Paula...

Deportes, gastronomía, música, teatro… son parte das propostas da Semana Cultural organizada pola Asociación Cultural Xuntanza que comezou o pasado domingo e se prolongará ata o próximo martes día 6. Da mesma faláronnos hoxe o presidente de Xuntanza, Ángel Fernández Alfaya, xunto a Alba Martínez, tesoureira, e Vanesa Rodríguez, vocal. A semana comezou o pasado domingo coa celebración da trixésima...

Susto onte á tarde na Guarda co incendio que se rexistrou no exterior do asteleiro J. Castro na Pasaxe en Camposancos. Así o relataba o alcalde da Guarda, Antonio Lomba, quen tamén se referiu as tarefas de busca que proseguen do home desaparecido o domingo en punta Bazar. Por outra parte o rexedor guardés daba conta dos bos datos turísticos do verán.

Este sábado a sexta travesía a nado contará con dúas probas, unha popular e outra para federados. A primeira dela percorrerá namentres que a segunda serán 2.000. Danos conta das dúas probas o organizador esta travesía a nado, Juanjo España.

Na noite deste venres a asociación de veciños de A Lavandeira de Rebordáns organiza a Andaina Nocturna da Santa Compaña. Terá un percorrido de 5 quilómetros de dificultade baixa. A saída será a partir das 22:00 do Parque de Montiño de Rebordáns.

A Asociación de Veciños de Riomuíños solicitou esta mañá no Concello unha reunión urxente cos responsables municipais para que lles expliquen e aclaren algunhas dúbidas que teñen sobre a medida tomada de establecer o sentido único de circulación dende a ponte sobre o Tripes ata a rúa Martínez Padín, sendo dirección prohibida o acceso dende esta rúa. Así o acordaron onte a trintena de veciños que s...

Os trámites para a apertura da rúa Ourense, a situación dos Xulgados de Tui, a apertura do novo centro de saúde, ou a situación do tráfico en Riomuíños foron algúns dos temas abordados esta mañá co alcalde de Tui, Enrique Cabaleiro.

Na ciencia non sempre sae todo ao dereito. E en Tui este venres unha científica vai cometer un erro de magnitudes descoñecidas que levara a unha fenda no espazo – tempo que transportará a núcleo histórico da cidade mil anos atrás, á Idade Media.

A primeira hora desta mañá retomáronse na Guarda as labores de busca do veciño de Vigo desaparecido o domingo en punta Bazar na costa entre A Guarda e Oia. Contáronolo dende o GES da Guarda que participa neste operativo.

Onte ás 20:00 comezou a busca dun vigués desaparecido na costa da Guarda. A busca do home, de 62 anos, comezou onte despois de que este caira concretamente dende unha zona rochosa preto dun faro situado entre A Guarda e Oia. David Docampo, membro do GES da Guarda, certifica que a busca do desaparecido é complicada ao producirse ademais nun punto onde a oleaxe dificulta a tarefa. Zona na que xa se...

Este sábado o músico galego Roi Casal chega a Tomiño co seu novo disco son galego, son cubano que trata a relación entre Galicia e Cuba por mor da inmigración. Disco no que participou o escritor e ilustra das letras galegas, Xosé Neira Vilas, que finou o pasado mes de novembro. Así nos contaba como xurdiu o proxecto precisamente Roi Casal.

Esta fin de semana chegan as festas da Virxe da Rocha a Caldelas. Comezarán as 9 da mañá co pasarruas do grupo de gaitas de Caldelas e prolongaranse até o martes.

O cabeza de lista do BNG pola provincia de Pontevedra ás eleccións galegas, Luís Bará, participa na charla coloquio sobre a memoria histórica organizada baixo o título ‘A mocidade non esquece’, no que tamén estarán Alberte Mera, Marga Romero e Afonso Cáccamo.

Esta noite presentase no Centro Social de Estás, en Tomiño, o libro “Conflitos bélicos na Raia do Baixo Miño. 1640-1668”, de Xoán R. Carnero Fernández “Perico”. Un libro que trata a Guerra da Independencia ou da Restauración e que comezou a xestarse cando Perico aínda era un neno.

Falamos co concelleiro de Eurocidade, Relacións Supramunicipais e Comerci, Miguel Capón, sobre a ordenanza municipal de ornato público.

Esta fin de semana celébrase con viño coa Festa do Viño do Condado do Tea en Salvaterra. Tras 57 anos, esta festa de interese turístico galego, arranca oficialmente este venres.

Se onte escoitabamos a valoración do concelleiro de Seguridade do concello de Tui, Ramón Magán, co gallo da reunión que mantivera cos veciños de Riomuiños tralo cambio de sentido na circulación na rúa Bispo Salvado, hoxe recollemos as valoracións precisamente dalgúns dos veciños do barrio.

Os mozos e mozas da comarca terán a oportunidade de participar nunhas xornadas de emprendemento xuvenil que buscan servir de apoio para novos proxectos na provincia dentro do programa DepoEmprende. Explica o proxecto a deputada provincial de emprego, Montserrat Magallanes.

Mañá mércores San Bartolomé celebra a súa tradicional feira cabalar. Unha feira que en palabras dun dos seus organizadores, Marcos González, é unha das maiores de toda Galicia e a que máis cabalos de montura suma. Esta edición contará como novidade cunha zona onde os cabalos se poden exhibir e unha zona segura onde os asistentes poden contemplar todo sen correr ningún risco segundo explicaba Gonzá...

O vindeiro venres 2 de setembro a Banda de Gaitas San Xoán de Paramos viaxará a Asturias para participar no XI Festival Internacional da Gaita de Villaviciosa. Un festival de renome internacional que incluirá máis de 20 actuacións musicais ademais de mercados tradicionais e demostracións de “luthiers”. A banda tudense será a única representante de Galicia acompañada doutro oito bandas asturianas e...

O Concello de Tui vén de por en marcha un concurso de pintado das tres pontes das estradas que veñen de Vigo, Gondomar e A Guarda. Con esta iniciativa búscase mellorar a imaxe da entrada á cidade á vez que se promocionan elementos naturais e arquitectónicos de Tui. O concurso está aberto a tódolos residentes en España e pódese participar de forma individual ou en grupos cun máximo de catro compoñe...

Onte arrancou a decimo oitava semana cultural de Estás que até o venres levará diferentes actividades de ocio e cultura ao Centro Social da parroquia tomiñesa. Unha semana que combina teatro, música e literatura. Danos conta de todas as actividades Mino Álvarez.

O Banco de Tapóns do Baixo Miño tras uns meses de renovación e inestabilidade conta xa cunha nova directiva que poña en marcha as iniciativas solidarias que ven protagonizando esta entidade. Nos últimos meses produciuse a dimisión de dúas xuntas directivas até a chegada da liderada por José Carlos Balea, o novo presidente do Banco de Tapóns do Baixo Miño.